Read NT LS 2005 – Инжил ЛС (2005 Daniel 10 Bible Online

Daniel 10 - NT LS 2005 – Инжил ЛС (2005 bible

Daniel 10

¹Persiya padışası Koreştin padışaçılıgının üçünçü jılında Belteşatsar degen da ısımı bar Daniel bir ayan aldı. Bul ayan çındık ele jana çoŋ küçkö ee ele. Al bul ayandı tüşündü, bul körünüştü baamdadı.

²Bul kündörü men, Daniel, üç juma kaygıga battım.

³Iç juma ötkönçö, daamduu tamak jebedim, et menen şaraptı oozuma albadım, jıpar jıttuu maylar menen maylangan jokmun.

⁴Al emi birinçi aydın jıyırma törtünçü künü men Tigir degen çoŋ darıyanın jeeginde elem.

⁵Başımdı kötörüp, zıgır kezdemeden kiyim kiygen, belin Upazdın altını menen kurçagan bir kişini kördüm.

⁶Anın denesi topaz taşınday, jüzü çagılganday, közdörü küyüp turgan çıraktay, koldoru menen buttarının körünüşü jaltıldagan jezdey, ünü top adamdın ünündöy eken.

⁷Men, Daniel, bul körünüştü jalgız men kördüm, menin janımdagı kişiler bul körünüştü körüşkön jok. Birok alardı çoŋ korkunuç bastı, alar jaşınış üçün kaçıp ketişti.

⁸Men jalgız kalıp, bul uluu körünüştü karap turdum, birok küç-kubattan taydım, öŋüm abdan buzuldu, şayım ketti.

⁹Anan men anın ünün uktum. Anın ünün ukkanımda, özümdü jogotup, jüztömöndöp jıgıldım, jerde betim menen jattım.

¹⁰Birok al maga kolun tiygizip, meni tizeme turguzup, alakanım menen jer tayantıp koydu.

¹¹Anan al maga: «Daniel, eŋ süyüktüü adam! Saga ayta turgan sözdördü tüşün, tüz tur, antkeni azır men saga jiberildim», – dedi. Al maga bul sözdördü aytkanda, men titirep, orduman turdum.

¹²Birok al maga mınday dedi: «Korkpo, Daniel, jürögüŋdü akılmandıkka jetüügö jana Kudayıŋdın aldında özüŋdü moyun sunduruuga burgan kündön tartıp ele senin sözdörüŋ ugulgan. Oşondo ele men senin sözdörüŋ boyunça kelmekmin,

¹³birok Persiya padışaçılıgının törösü maga jıyırma bir kün karşı turdu. Başkı törölördün biri Mihael maga jardam beriş üçün kelgenge çeyin, men oşol jerde, Persiya padışalarının janında karmalıp kaldım.

¹⁴Azır bolso saga akırkı kündörü senin eliŋ emne bolorun bildirgeni keldim, antkeni körünüş akırkı kündörgö tieşelüü».

¹⁵Al maga uşunday sözdördü aytıp jatkanda, men jüztömöndöp jıgılıp, süylöy albay kaldım.

¹⁶Birok oşondo adam balasına okşogon biröö oozuma kolun tiygizdi. Men oozumdu açıp, süylöy baştadım, anan aldımda turganga mınday dedim: «Mırzam! Bul körünüştön menin içki düynöm aŋtarılıp ketti, alsırap kaldım.

¹⁷Mırzam, men, senin kuluŋ, sendey mırzam menen kantip süylöşö alat? Antkeni mende küç jok, demim çıkpay kaldı».

¹⁸Oşondo adam balasına okşogon al kayradan kolun tiygizip, maga küç berdi.

¹⁹Anan mınday dedi: «Korkpo, eŋ süyüktüü adam! Saga tınçtık bolsun. Kayrattan, kayrattan!» Al meni menen süylöşüp jatkanda, men küçümö kirip: «Süylöy ber, mırzam, antkeni sen maga küç berdiŋ», – dedim.

²⁰Oşondo al mınday dedi: «Men saga emne üçün kelgenimdi bilesiŋbi? Azır men Persiya törösü menen salgılaşkanı jönöym. Men ketkende, Gretsiyanın törösü kelet.

²¹Oşondoy bolso da men saga çınıgı jazuuda emne jazılganın bildirem. Alarga karşı salgılaşta maga silerdin töröŋör Mihaelden başka jardam bere turgan eç kim jok.