Read NT LS 2005 – Инжил ЛС (2005 Daniel 2 Bible Online

Daniel 2 - NT LS 2005 – Инжил ЛС (2005 bible

Daniel 2

¹Nebuhadanasar özünün padışaçılıgının ekinçi jılında tüş kördü. Oşondo anın tınçı ketti, tüşü esinen çıgıp ketti.

²Oşondo padışa özünün tüşün ayttırış üçün, jaşıruun sırlardı bilüüçülördü, tölgöçülördü, sıykırçılardı jana kazdimderdi çakıruunu buyrudu. Alar kelip, padışa aldında turuştu.

³Padışa alarga: «Men tüş kördüm, bul tüştün maanisin bilgim kelip, tınçım ketip jatat», – dedi.

⁴Kazdimder padışaga aramey tilinde: «Padışa! Tübölük jaşa! Tüşüŋdü kuldarıŋa ayt, oşondo biz anın maanisin tüşündürüp berebiz», – deşti.

⁵Padışa kazdimderge mınday dep joop kıldı: «Men aytkan söz özgörülböyt: egerde siler maga tüştü jana anın maanisin aytıp berbeseŋer, anda silerdi bölö çaap, üyüŋördü urandıga aylandırışat.

⁶Egerde tüştü jana anın maanisin aytıp berseŋer, anda menden belek jana sıylık alasıŋar, silerge çoŋ sıy körsötülöt. Oşonduktan maga tüştü jana anın maanisin aytıp bergile».

⁷Alar ekinçi jolu: «Padışa özünün kuldarına tüşün aytsın, oşondo biz anın maanisin tüşündürüp berebiz», – dep joop berişti.

⁸Oşondo padışa alarga: «Menin sözümdün özgörülböstügün bilgendikten, ubakıttı utkuŋar kelip jatkanın bilip ele turam.

⁹Maga tüştü aytpay jatkanıŋardın sebebi – bir jaman oyuŋar bar: ubakıttı ötkörüp, maga jalgandı, kalptı aytkanı jatasıŋar. Tüşümdü aytıp bergile, oşondo men silerdin anın maanisin da aytıp bere alarıŋardı bilem», – dedi.

¹⁰Kazdimder padışaga mınday dep joop berişti: «Bul işti padışaga açıp bere ala turgan adam jer jüzündö jok, oşonduktan uluu jana kudurettüü bolgon bir da padışa buga okşogon işti bir da jaşıruun sırlardı bilüüçüdön, bir da sıykırçıdan, bir da tölgöçüdön jana bir da kazdimden talap kılgan emes.

¹¹Padışa talap kılıp jatkan bul iş uşunçalık kıyın bolgonduktan, anı padışaga adamdar menen jaşabagan kudaylardan başka eç kim açıp bere albayt».

¹²Buga padışa ayabay kaardanıp, ayabay açuulanıp, Babıldın bardık akılmandarın kırıp saluunu buyruk kıldı.

¹³Akılmandardı öltürüü jönündögü bul buyruk çıkkanda, Danieldi jana anın joldoştorun da öltürüü üçün izdeşti.

¹⁴Oşondo Daniel Babıl akılmandarın öltürgönü çıkkan padışa sakçılarının başçısı Ariohko akılmandık jana bilgiçtik menen kayrıldı.

¹⁵Al padışanın başkı kızmatçısı Ariohton: «Emne üçün padışa uşunday katuu buyruk çıgardı?» – dep suradı. Arioh Danielge bardık işti aytıp berdi.

¹⁶Daniel padışaga kirip, tüştün maanisin bilüügö ubakıt suradı.

¹⁷Anan Daniel üyünö kelip, özünün joldoştoru Hananiyaga, Mişaelge jana Azariyaga bolgon işti aytıp berdi.

¹⁸Babıldın başka akılmandarı menen koşo ölüp kalbaş üçün, asmandagı Kuday ırayım kılıp, bul sırdı açıp berüüsün ötüngülö dep, Daniel joldoştoruna kayrıldı.

¹⁹Oşondo bul jaşıruun sır Danielge tünkü körünüştö açıldı, Daniel asmandagı Kudaydı daŋktadı.

²⁰Daniel mınday dedi: «Teŋirdin ısımı kılımdan kılımga daŋktalsın, antkeni akılmandık menen küç Aga taandık.

²¹Al mezgilder menen jıldardı özgörtöt, padışalardı kulatat, padışalardı koёt, akılduularga akılmandık, tüşünö ala turgandarga bilim beret.

²²Al tereŋ jana jaşıruun sırlardı açat, karaŋgılıkta emne bar ekenin bilet, jarık Anı menen jaşayt.

²³Ata-babalarımdın Kudayı, Sen maga akılmandık jana küç bergeniŋ üçün, biz Senden emne jönündö surasak, oşonu maga açıp bergeniŋ üçün, Seni daŋktaym jana daŋazalaym, antkeni Sen bizge padışanın işin açıp berdiŋ».

²⁴Oşondon kiyin Daniel padışadan Babıldın akılmandarın öltürüü jönündö buyruk algan Ariohko kelip: «Babıldın akılmandarın öltürbö. Meni padışaga alıp bar, men aga tüştün maanisin açıp berem», – dedi.

²⁵Oşondo Arioh Danieldi padışaga daroo alıp kelip, aga: «Men Jüyüttün tutkunda jürgön uuldarının içinen padışaga tüştün maanisin açıp bere ala turgan bir adamdı taptım», – dedi.

²⁶Padışa Belteşatsar degen da ısımı bar Danielden: «Sen maga men körgön tüştü jana anın maanisin aytıp bere alasıŋbı?» – dep suradı.

²⁷Daniel padışaga mınday dep joop berdi: «Padışa surap jatkan sırdı padışaga akılmandar da, köz boёoçular da, jaşıruun sırlardı bilüüçülör da, tölgöçülör da açıp bere alışpayt.

²⁸Birok asmanda jaşıruun sırlardı aça turgan Kuday bar. Al akırkı kündördö emne bolorun Nebuhadanasar padışaga açıp berdi. Sen körgön tüş – töşögüŋdö jatıp körgön körünüş mınday:

²⁹sen, padışa, töşögüŋdö jatıp, mından arı emne bolot dep oyloduŋ. Oşondo sırlardı Açuuçu emne bolo turgandıgın saga körsöttü.

³⁰Birok bul sır maga jer jüzündö jaşagan bardık adamdardan akılduu bolgondugum üçün açılgan jok. Bul sır maga padışaga tüşünük beriş üçün, sen özüŋdün jürögüŋdögü oyloruŋdu bilişiŋ üçün açıldı.

³¹Sen, padışam, mınday körünüş kördüŋ: aldıŋda bir çoŋ burkan turganın kördüŋ, al burkan ebegeysiz çoŋ ele. Al ayabay jarkırap, senin aldıŋda turdu, anın körünüşü korkunuçtuu ele.

³²Al burkandın başı taza altından, kökürögü menen koldoru kümüştön, kursagı menen sandarı jezden ele.

³³Anın şıyraktarı temirden, tamandarının bir bölügü temirden, bir bölügü çopodon ele.

³⁴Sen karap turganda, koldun jardamısız ele toodon bir çoŋ taş uçup kelip, burkanga, anın temir jana çopo buttarına bir tiyip, alardı talkalap saldı.

³⁵Oşondo temir, çopo, jez, kümüş jana altındın baarı talkalanıp, jaykı kırmandagı topondoy bolup kaldı, alardı şamal uçurup ketti, alardın izi da kalgan jok. Burkandı talkalagan taş bolso çoŋ toogo aylanıp, büt jerdi eeledi.

³⁶Sen uşunday tüş kördüŋ! Padışa aldında anın maanisin da aytıp berebiz.

³⁷Sen, padışa, padışalardın padışasısıŋ. Asmandagı Kuday saga padışaçılık, biylik, küç-kubat jana atak-daŋk bergen.

³⁸Kaysı jerde gana jaşabasın, bardık adamdardı, jerdegi janıbarlar menen asmandagı kanattuulardı Al senin koluŋa berip, seni alardın baarının üstünön padışa koygon, altından jasalgan oşol baş sensiŋ!

³⁹Senden kiyin senin padışaçılıgıŋdan tömön bolgon başka padışaçılık kelet, andan kiyin büt jer jüzünö üstömdük kıla turgan üçünçü padışaçılık – jez padışaçılıgı kelet.

⁴⁰Törtünçü padışaçılık bolso temirdey katuu bolot. Antkeni temir bardıgın talkalap bülüntköndöy ele, al da bardıgın kıyratuuçu temirdey bolup talkalap bülüntöt.

⁴¹Sen körgön buttar jana bir bölügü çopo, bir bölügü temir bolgon buttardın manjaları padışaçılıktın bölünörün bildiret, al padışaçılıkta temirdin ança-mınça küçü kalat, antkeni sen çopo menen aralaşkan temirdi kördüŋ.

⁴²Buttardın manjalarının bir bölügü çopodon, bir bölügü temirden turgandıgı padışaçılıktın jarımı bekem, jarımı borpoŋ bolorun bildiret.

⁴³Al emi çopo menen aralaşkan temirdi körgönüŋ alardın adam tukumu arkıluu aralaşarın bildiret, birok temir çopo menen aralaşpaganday ele, alar biri-biri menen birikpeyt.

⁴⁴Oşol padışaçılıktardın ubagında asmandagı Kuday tübölük kıyrabay turgan bir padışaçılıktı ornotot, al padışaçılık başka elge berilbeyt. Al büt padışaçılıktardı kıyratat, talkalayt, özü bolso tübölük turat.

⁴⁵Toodon taş koldun jardamısız ele uçup kelip, temirdi, jezdi, çoponu, kümüştü jana altındı talkalaganın kördüŋ. Kudurettüü Kuday mından arı emne bolorun padışaga bildirdi. Bul tüş çındık, anın çeçmelenişi tuura!»

⁴⁶Oşondo Nebuhadanasar padışa jüztömöndöp jıgılıp, Danielge taazim kılıp, aga belekterdi jana jıpar jıttuu zattardı alıp kelgile dep buyruk kıldı.

⁴⁷Anan padışa Danielge: «Çını menen ele, silerdin Kudayıŋar – kudaylardın Kudayı, sen bul jaşıruun sırdı aça algandan kiyin, silerdin Kudayıŋar – jaşıruun sırlardı açkan padışalardın Egederi!» – dedi.

⁴⁸Oşondo padışa Danieldi jogorku kızmatka koydu, aga köptögön çoŋ belekterdi berdi, anı Babıldın bardık dubandarına başçı, Babıldın bardık akılmandarına eŋ başkı başçı kılıp koydu.

⁴⁹Birok Daniel padışadan ötüngöndüktön, al Babıl ölkösünün işterin başkaruuga Şadrahtı, Meyşahtı jana Abet-Negonu koydu. Daniel bolso padışa sarayında kaldı.