Read NT LS 2005 – Инжил ЛС (2005 Daniel 4 Bible Online

Daniel 4 - NT LS 2005 – Инжил ЛС (2005 bible

Daniel 4

¹Men, Nebuhadanasar, öz üyümdö, padışa sarayımda tınç jaşap, çoŋ iygilikterge jetiştim.

²Birok men meni korkutkan bir tüş kördüm. Töşögümdö jatıp oylogon oylorum, körgön körünüştörüm tınçımdı aldı.

³Oşondo maga tüştün maanisin aytıp berişsin dep, Babıldın bardık akılmandarın alıp kelüünü buyruk kıldım.

⁴Oşondo jaşıruun sırlardı bilüüçülör, sıykırçılar, kazdimder jana tölgöçülör kelişti. Men alarga tüşümdü aytıp berdim, birok alar maga anın maanisin tüşündürüp bere alışkan jok.

⁵Akırında, maga kudayımdın atınan Belteşatsar degen at koyulgan, içinde ıyık Kudaydın Ruhu bar Daniel keldi. Men aga tüşümdü aytıp berdim.

⁶“Belteşatsar, akılmandardın başçısı! Sende ıyık Kudaydın Ruhu bar ekenin, eç kanday jaşıruun sır sen üçün kıyın emes ekenin bilem, maga körgön tüşümdü jana anın maanisin aytıp ber.

⁷Töşögümdö jatkanda körgön körünüştör mınday ele: tüşümdö jer ortosunda ötö biyik bir darak turganın kördüm.

⁸Al darak çoŋ jana bekem ele, anın biyiktigi asmanga jetip, büt jer jüzünün uçu-kıyırına çeyin körünüp turdu.

⁹Anın jalbıraktarı kooz, jemişi mol ele. Anda bardıgı üçün azık bar ele. Anın tübünö talaa jırtkıçtarı kölökölöp, butaktarına kanattuular uyalaşat eken, andan bardık tirüü jandar tamaktanıp turuşat eken.

¹⁰Men töşögümdö jatkanda körgön körünüştö munu kördüm: asmandan Uktabay Karap Turuuçu, Iyık, tüşüp keldi.

¹¹Al katuu kıykırıp, mınday dedi: «Bul daraktı kıyıp salgıla, butaktarın butap salgıla, jalbıraktarın kübüp salgıla, jemişterin çaçıp jibergile. Anın tübündögü jırtkıçtar, butaktarındagı kanattuular ketsin.

¹²Birok anın negizgi tamırın jerde kaltırgıla, aga temir jana jez kişen salınsın, talaa çöptörünün arasında asman şüüdürümü menen sugarılsın. Al janıbarlar menen birge talaa çöptörün jesin.

¹³Andan adamdın jürögü alınıp, jırtkıçtın jürögü salınsın, anın üstünön jeti mezgil ötsün.

¹⁴Bul Uktabay Karap Turuuçulardın buyrugu menen çeçildi, Iyıktardın ökümü menen belgilendi. Oşonduktan jer jüzündö jaşagandardın baarı adamzat padışaçılıktarının üstünön Baarınan Jogoru Turgan biylik kıların, padışaçılıktı Özü kimge kaalasa, oşogo bererin jana aga kemsintilgen adamdı koёrun bilişsin»”.

¹⁵Men, Nebuhadanasar padışa, uşunday tüş kördüm. Al emi sen, Belteşatsar, anın maanisin tüşündürüp ber, antkeni menin padışaçılıgımdagı akılmandardın içinen eç kim anın maanisin tüşündürüp bere algan jok, birok sen tüşündürüp bere alasıŋ, antkeni sende ıyık Kudaydın Ruhu bar».

¹⁶Oşondo Belteşatsar degen da ısımı bar Daniel bir saatka jakın taŋ kalıp turdu, oyloru tınçın aldı. Padışa aga: «Belteşatsar! Bul tüş jana anın maanisi senin tınçıŋdı albasın», – dedi. Belteşatsar mınday dep joop berdi: «Mırzam! Bul tüş seni jek körgöndördün tüşünö kirse gana! Munun maanisi duşmandarıŋa bolso gana!

¹⁷Sen körgön çoŋ jana bekem, biyiktigi asmanga jetken, jerdin uçu-kıyırına körünüp turgan,

¹⁸jalbıraktarı kooz, jemişi mol, bardıgı üçün azıgı bar, tübündö talaa jırtkıçtarı jaşagan, butaktarında asman kanattuuları uyalagan darak –

¹⁹bul atak-daŋkka ee bolgon, küç-kubattuu, atak-daŋkıŋ alıska ketip, asmanga çeyin jetken, biyligiŋ jerdin uçu-kıyırına jetken padışa sensiŋ.

²⁰Al emi padışanın asmandan tüşüp kele jatkan Uktabay Karap Turuuçunu, Iyıktı, körüp, Anın: “Daraktı kıyıp salgıla, anı jok kılgıla, anın jerdegi negizgi tamırın gana kaltırgıla, aga temir jana jez kişen salınsın, talaa çöptörünün arasında asman şüüdürümü menen sugarılsın, anın üstünön belgilengen jeti mezgil ötkönçö, al talaa jırtkıçtarı menen bolsun”, – dep aytkanın ukkanı,

²¹padışa, anın maanisi, Bardıgınan Jogoru Turgandın mırzam padışaga çıgargan ökümü mınday:

²²Seni adamdardan bölüp salışat, sen talaa jırtkıçtarı menen jaşaysıŋ, seni ögüzgö okşotup çöp menen bagışat, asman şüüdürümü menen sugarılasıŋ, adamzat padışaçılıgına Bardıgınan Jogoru Turgan biylik kıların jana anı kimge kaalasa, oşogo bererin sen tüşüngönçö, senin üstüŋön jeti mezgil ötöt.

²³Al emi daraktın negizgi tamırın kaltıruuga buyruk berilgeni munu bildiret: sen asman biyligin taanıp bilgenden kiyin, padışaçılıgıŋ özüŋdö kalat.

²⁴Oşonduktan, padışa, saga bergen keŋeşimdi kabıl al: künöölörüŋdü adilettüülük kıluu menen, mıyzamsızdıgıŋdı kembagaldarga boorukerdik kıluu menen juu, oşondo senin tınçtıgıŋ ulanat».

²⁵Uşunun bardıgı Nebuhadanasar padışanın başına keldi.

²⁶On eki ay ötköndön kiyin, Babıldagı padışa sarayında arı-beri basıp jürgön padışa mınday dedi:

²⁷«Padışa şaarı bolsun dep, daŋkım üçün öz kuduretim menen kurgan uluu Babıl uşul emespi!»

²⁸Padışa bul sözdü aytıp bütö elekte ele, asmandan ün uguldu: «Saga aytılıp jatat, Nebuhadanasar padışa, senden padışaçılık biylik alındı!

²⁹Seni adamdardan bölüp salışat, talaa jırtkıçtarı menen jaşaysıŋ, seni ögüzgö okşotup çöp menen bagışat, adamzat padışaçılıgına Bardıgınan Jogoru Turgan biylik kıların, anı kimge kaalasa, oşogo bererin sen tüşüngönçö, senin üstüŋön jeti mezgil ötöt!»

³⁰Nebuhadanasar jönündö aytılgan bul söz oşol zamat orundaldı, anı adamdardan bölüp salıştı, al ögüzgö okşop çöp jedi, anın denesi asman şüüdürümü menen sugarılıp turdu, çaçtarı arstandıkınday, tırmaktarı kuştukunday bolup östü.

³¹«Bul kündör ötköndön kiyin, men, Nebuhadanasar, asmandı karadım, oşol uçurda akıl-esim özümö kaytıp keldi. Oşondo men Bardıgınan Jogoru Turgandı daŋktadım, Tübölük Jaşooçunu daŋazaladım. Anın biyligi – tübölük biylik, padışaçılıgı – kılımdan kılımga!

³²Jerde jaşagandın bardıgı eç nersege arzıbayt. Al asman koşuundarında da, jerde jaşagandardın arasında da Öz erkin işke aşırat. Anın koluna karşı çıgıp, Aga: “Sen emne kıldıŋ?” – dep ayta ala turgan eç kim jok.

³³Oşol uçurda menin akıl-esim özümö kaytıp keldi, öz padışaçılıgımdın daŋkı üçün öz uluulugum jana murunku körünüşüm kaytıp keldi. Oşondo keŋeşçilerim menen törölörüm meni izdep tabıştı, men padışaçılık tagıma kayradan oturguzuldum, atak-daŋkım murdagıdan da arttı.

³⁴Azır men, Nebuhadanasar, Asmandagı Padışanı daŋktaymın, maktaymın, daŋazalaymın. Anın bardık işteri – çındık, joldoru adilet, tekeberlerdi moyun sunduruuga Anın küçü jetet».