Read NT LS 2005 – Инжил ЛС (2005 Daniel 5 Bible Online

Daniel 5 - NT LS 2005 – Инжил ЛС (2005 bible

Daniel 5

¹Belşatsar padışa özünün miŋdegen törölörünö çoŋ toy ötkörüp, miŋdegen adamdardın aldında şarap içip oturdu.

²Al şarap içip alıp, atası Nebuhadanasar İerusalimdegi iybadatkanadan padışa, padışanın törölörü, ayaldarı jana küŋdörü şarap içişi üçün alıp çıkkan altın-kümüş idişterdi alıp kelüünü buyrudu.

³Oşondo İerusalimdegi Kuday üyünün ıyık bölmösünön alıngan altın idişterdi alıp kelişti. Padışa, anın törölörü, ayaldarı jana küŋdörü al idişter menen şarap içip jatıştı.

⁴Şarap içip alıp, altından jana kümüştön, jezden jana temirden, jıgaçtan jana taştan jasalgan kudaylardı daŋktap jatıştı.

⁵Tak oşol saatta adam kolu çıgıp, padışa sarayındagı, çıraktandın maŋdayındagı aktalgan dubalga jazdı. Padışa dubalga jazıp jatkan koldun manjasın kördü.

⁶Oşondo padışanın öŋü buzulup ketti. Oyloru tınçın aldı, belinin muundarı boşodu, tizeleri titirep, biri-birine urundu.

⁷Sıykırçılardı, kazdimderdi jana tölgöçülördü alıp kelgile dep, padışa katuu kıykırdı. Anan padışa Babıldın daanışmandarına: «Kim bul jazuunu okup, maga anın maanisin tüşündürüp berse, aga koçkul kızıl çapan kiygizilet, moynuna altın çınjır tagılat, padışaçılıkta üçünçü ökümdar bolot», – dedi.

⁸Oşondo padışanın bardık akılmandarı kirişti, birok jazılgan sözdördü okuy albay koyuştu jana alardın maanisin padışaga tüşündürüp bere albay koyuştu.

⁹Belşatsar padışa ayabay tınçsızdandı, anın öŋü buzuldu, anın törölörünün da tınçı ketti.

¹⁰Padışanın enesi padışanın jana anın törölörünün sözdörün ugup, toy bolup jatkan üygö kirdi. Padışanın enesi söz baştap, mınday dedi: «Padışa, tübölük jaşa! Oyloruŋ tınçıŋdı albasın, öŋüŋ da buzulbasın.

¹¹Senin padışaçılıgıŋda ıyık Kudaydın ruhu bar bir adam bar. Ataŋdın ubagında al adamda jarık, akıl, kudaylardın akılmandıgınday akılmandık bar ekeni bilingen. Oşondo Nebuhadanasar padışa, senin ataŋ, anı jaşıruun sırlardı bilüüçülördün, sıykırçılardın, kazdimderdin jana tölgöçülördün başçısı kılıp koygon, anı ataŋ, padışa, özü koygon.

¹²Antkeni al adamda, padışa özü Belteşatsar dep at koygon Danielde, özgöçö ruh, bilim jana tüştördü çeçmeley ala turgan, tabışmaktardı taba ala turgan, jaşıruun sırlardı aça ala turgan akılmandık bar bolup çıkkan. Oşonduktan Danieldi çakırıp kelişsin, al jazuunun maanisin tüşündürüp beret».

¹³Oşondo Danieldi padışanın aldına alıp kelişti. Padışa Danielge mınday dedi: «Menin atam, padışa, Jüyüt jerinen alıp kelgen, tutkunda jürgön Jüyüt uuldarının biri Daniel degen sensiŋbi?

¹⁴Men sen jönündö, sende Kudaydın ruhu, jarık, akıl jana biyik akılmandık bar ekenin uktum.

¹⁵Mına, bul jazuunu okup, maanisin çeçmelep beriş üçün, maga akılmandar menen sıykırçılardı alıp kelişti. Birok alar maga anın maanisin tüşündürüp bere alışkan jok.

¹⁶Seni çeçmelep bere alat, jaşıruun sırlardı aça alat dep uktum. Egerde bul jazuunu okuy alsaŋ jana anın maanisin çeçmelep bere alsaŋ, anda koçkul kızıl çapan kiesiŋ, moynuŋa altın çınjır tagılat, padışaçılıkta üçünçü ökümdar bolosuŋ».

¹⁷Oşondo Daniel padışaga mınday dep joop berdi: «Belekteriŋ özüŋdö kalsın, jogorku kızmattı başkaga ber. Dubaldagı jazuunu bolso okup berem jana maanisin çeçmelep berem.

¹⁸Padışa! Bardıgınan jogoru turgan Kuday ataŋ Nebuhadanasarga padışaçılıktı, uluuluktu, urmat-sıydı jana atak-daŋktı bergen.

¹⁹Kuday bergen uluuluktun aldında andan bardık elder, uruular jana uluttar titirep, korkup turuşkan: al kaalaganın öltürgön, kaalaganın tirüü kaltırgan, kaalaganın jogoru kötörgön, kaalaganın baskan.

²⁰Birok anın jürögü tekeberdenip ketkende, ruhu kataaldanıp, tootpos bolup kalganda, al özünün padışaçılık taktısınan kulatıldı, atak-daŋkınan ajıratıldı,

²¹adamdardan bölündü, jürögü jırtkıçtıkınday bolup kaldı, japayı eşekter menen jaşadı. Anı ögüzgö okşotup çöp menen bagıştı, denesi asman şüüdürümü menen sugarıldı. Adamzat padışaçılıgının üstünön bardıgınan jogoru turgan Kuday biylik kıların, Özü kimdi kaalasa, oşonu koёorun al tüşüngöngö çeyin uşunday boldu.

²²Sen da, anın uulu Belşatsar, uşunun baarın bilseŋ da, jürögüŋdü jooşutkan joksuŋ.

²³Teskerisinçe, asmandagı Teŋirge karşı çıktıŋ, saga Anın üyündögü idişterdi alıp kelişti, sen, senin törölörüŋ, ayaldarıŋ jana küŋdörüŋ al idişter menen şarap içişti. Körbögön, ukpagan, tüşünbögön, altından, kümüştön, jezden, temirden, jıgaçtan jana taştan jasalgan kudaylardı daŋktadıŋ. Ömürüŋ, bardık joldoruŋ kolunda turgan Kudaydı bolso daŋktagan joksuŋ.

²⁴Mına oşon üçün Andan koldun manjaları jiberilip, bul jazuu jazıldı.

²⁵Anda mınday dep jazılgan: “MENE, MENE, TEKEL, UPARSİN”.

²⁶Sözdördün maanisi mınday: “MENE” – Kuday senin padışaçılık kılgan kündörüŋdü eseptep çıgıp, aga çekit koydu.

²⁷“TEKEL” – sen tarazaga tartılıp, ötö jeŋil bolup çıktıŋ.

²⁸“PARAS” – senin padışaçılıgıŋ bölünüp, madaylıktar menen persiyalıktarga berildi».

²⁹Oşondo Belşatsardın buyrugu boyunça Danielge koçkul kızıl çapan kiygizişti, moynuna altın çınjır tagıştı jana anı padışaçılıkta üçünçü ökümdar kılıp jarıyalaştı.

³⁰Oşol ele tünü Kazdim padışası Belşatsar öltürüldü.

³¹Padışaçılıkka altımış eki jaştagı madaylık Dariy keldi.