Read NT LS 2005 – Инжил ЛС (2005 Daniel 7 Bible Online

Daniel 7 - NT LS 2005 – Инжил ЛС (2005 bible

Daniel 7

¹Babıl padışası Belşatsardın padışaçılıgının birinçi jılında Daniel töşögündö jatıp, tüş jana paygambarçılık körünüştördü kördü. Oşondo al tüşün bayandap jazdı.

²Daniel sözün baştap, mınday dedi: «Tündö men mınday körünüş kördüm: asmandın tört şamalı uluu deŋizdi tolkundatıp jattı.

³Anan deŋizden biri ekinçisine okşobogon tört çoŋ jırtkıç çıktı.

⁴Birinçisi arstanga okşoş, birok anın bürküttükündöy kanattarı bar eken. Men anın kanattarı julunguça, özü jerden kötörülüp, adamga okşop butuna turguça karap turdum. Aga adamdın jürögü berildi.

⁵Ekinçi jırtkıç ayuuga okşoş eken, al bir kaptalı menen turdu, oozunda, tişterinin arasında üç azuusu bar eken. Aga mınday dep aytıldı: “Tur, köp et je!”

⁶Andan kiyin ilbirske okşogon jırtkıçtı kördüm, anın jonunda kuştun tört kanatı bar eken, al jırtkıçtın tört başı bar eken. Aga biylik berildi.

⁷Oşondon kiyin men tünkü körünüştördö ötö korkunuçtuu, üröydü uçurgan, abdan küçtüü törtünçü jırtkıçtı kördüm. Anın çoŋ temir tişteri bar eken. Al jep-jutup, kıyratıp, kalganın buttarı menen tebelep jattı. Al murunku jırtkıçtardan ayırmalanıp turdu, anın on müyüzü bar ele.

⁸Men al müyüzdördü karap turdum, oşondo alardın arasınan ança çoŋ emes dagı bir müyüz çıktı, murunku müyüzdördün üçöö anın aldında tübü menen julundu, al müyüzdün adamdın közdöründöy bolgon közdörü, tekeber süylögön oozu bar eken.

⁹Akırında, men taktılar koyulganın kördüm, aga Kündörü Bayırkı olturdu. Anın kiyimi karday appak, başındagı çaçtarı taza jündöy eken; Anın taktısı ottun jalınınday, döŋgölöktörü jalındap küygön ottoy eken.

¹⁰Küyüp turgan bir ottuu darıya çıgıp, Anın aldında agıp jattı. Miŋdegen adamdar Aga kızmat kılıp jatıştı, tümöndögön adamdar Anın aldında turuştu. Sottor oturuştu, kitepter açıldı.

¹¹Oşol uçurda men tekeberdenip süylögön müyüzdün sözdörü üçün jırtkıç öltürülüp, denesi jançılıp, otko taştalganın kördüm.

¹²Başka jırtkıçtar da biylikten ajıratıldı, birok alardın ömürü belgilengen bir ubakıtka, bir möönötkö çeyin uzartıldı.

¹³Men tünkü körünüştördö adam Uuluna okşogon biröönün asman buluttarı menen kele jatkanın kördüm. Al Kündörü Bayırkıga keldi, Anı Kündörü Bayırkının aldına alıp kelişti.

¹⁴Oşondo bardık elder, uruular jana uluttar Aga kızmat kılışı üçün, Aga biylik, daŋk jana padışaçılık berildi. Anın biyligi – ötüp ketpey turgan tübölüktüü biylik, Anın padışaçılıgı – kulagıs padışaçılık.

¹⁵Men, Daniel, korkup kettim, körgön körünüştörüm tınçımdı aldı.

¹⁶Oşondo men aldıda turgandardın birine jakın barıp, bul körünüştördün bardıgının çınıgı maanisi jönündö suradım. Al maga aytılgandardın maanisin tüşündürüp berdi:

¹⁷“Bul tört çoŋ jırtkıç jerden tört padışa çıgarın bildiret.

¹⁸Andan kiyin padışaçılıktı Bardıgınan Jogoru Turgandın ıyıktarı kabıl alıp, tübölükkö, kılımdan kılımga padışaçılık kılışat”.

¹⁹Oşondo men baarınan ayırmalanıp turgan, eŋ korkunuçtuu, temir tiştüü, jez tırmaktuu, jep-jutkan, kıyratkan, al emi kalgandarın buttarı menen tebelep-tepsegen törtünçü jırtkıç jönündö,

²⁰anın başındagı on müyüz jönündö, tüşüp kalgan murunku üç müyüzdün orduna çıkkan, közdörü jana tekeber süylögön oozu bar, başkalardan çoŋ körüngön müyüz jönündö tak tüşündürmö berüüsün kaaladım.

²¹Men al müyüzdün ıyıktar menen salgılaşkanın,

²²Kündörü Bayırkı kelip, sot işi Bardıgınan Jogoru Turgandın ıyıktarına berilgenge çeyin, padışaçılıktı ıyıktar eeley turgan ubakıt kelgenge çeyin, alardı jeŋgenin kördüm.

²³Bul tuuraluu al mınday dedi: “Törtünçü jırtkıç – jer üstündögü törtünçü padışaçılık, al büt padışaçılıktardan ayırmalanıp, büt jer jüzün jep-jutup, tebelep-tepsep kıyratat.

²⁴Al emi on müyüz bul padışaçılıktan on padışa çıgarın bildiret. Alardan kiyin murdagılardan ayırmalangan başka bir padışaçılık çıgat, al üç padışaçılıktı bagıntıp alat.

²⁵Al Bardıgınan Jogoru Turganga karşı sözdördü aytıp, Bardıgınan Jogoru Turgandın ıyıktarın ezet. Al tursun, alardın mayramdarı menen mıyzamdarın özgörtüünü oyloyt, alar bir mezgilge, mezgilderge jana jarım mezgilge çeyin anın koluna berilet.

²⁶Andan kiyin sottor çoguluşat, anı biylikten ajıratışat, anı birotolo kıyratıp jok kılışat.

²⁷Padışaçılık da, biylik da, asman astındagı padışaçılık uluulugu da padışaçılıgı tübölük bolgon Bardıgınan Jogoru Turgandın ıyık eline berilet, bardık padışalar Aga kızmat kılışat, Aga baş iyişet”».

²⁸Sözdün ayagı uşul. Men, Daniel, özümdün oylorumdan ayabay tınçım ketti, öŋüm buzuldu, birok bul sözdü jürögümö saktadım.