Read NT LS 2005 – Инжил ЛС (2005 Daniel 8 Bible Online

Daniel 8 - NT LS 2005 – Инжил ЛС (2005 bible

Daniel 8

¹Belşatsardın padışaçılıgının üçünçü jılında men, Daniel, murunku körünüştön başka körünüş kördüm.

²Men al körünüştü körüp jatkanda, Eylam dubanındagı borbor şaar Şuşanda elem, men al körünüştö Ulay darıyasının jeeginde jürüptürmün.

³Başımdı kötörüp, darıyanın jeeginde bir koçkor turganın kördüm. Anın eki müyüzü bar eken, eki müyüzü teŋ uzun eken, birok bir müyüzü ekinçisinen uzunuraak eken, uzunu kıskasınan kiyin kötörüldü.

⁴Men al koçkordun batıştı, tündüktü, tüştüktü süzgülöp jatkanın kördüm, eç bir jırtkıç aga karşı tura algan jok, andan eç kim kutula algan jok. Al emneni kaalasa, oşonu kılıp jattı, tekeberdenip turdu.

⁵Men munu köŋül koyup karap turdum, oşondo batıştan bir teke büt jer jüzün eelep kele jattı, birok butu jerge tiygen jok. Al tekenin közdörünün ortosunda bir çoŋ müyüzü bar eken.

⁶Al men darıyanın jeeginde turganda körgön eki müyüzdüü koçkordun janına kelip, aga katuu kaarı menen atırıldı.

⁷Men anın koçkorgo jakın kelip, aga ayabay kaardanıp, anı süzüp, eki müyüzün sındırganın kördüm. Aga turuştuk bergenge koçkordun küçü jetken jok, teke anı jerge kulatıp, tebelep saldı, koçkordu andan kutkarıp alganga eç kim çıkkan jok.

⁸Oşondo teke ayabay küçkö toldu, birok küçünö kirgende, çoŋ müyüzü sınıp, anın orduna asmandın tört şamalın karagan tört müyüz çıktı.

⁹Alardın birinen tüştüktü, çıgıştı jana eŋ sonun ölkönü karay ayabay öskön, ança çoŋ emes bir müyüz ösüp çıktı.

¹⁰Al asman koşuununa çeyin kötörülüp, oşol koşuundun jana jıldızdardın bir bölügün jerge kulatıp, tebelep-tepsep saldı.

¹¹Al tursun, al oşol koşuundun Jol başçısına çeyin kötörüldü. Andan kün sayın çalınuuçu kurmandık tartılıp alındı, Anın ıyık jayı turgan jer bulgandı.

¹²Asman koşuunu mıyzamsızdık üçün kün sayın çalınuuçu kurmandık menen birge anın koluna salınıp berildi. Al çındıktı jerge kulatıp, ar kanday iş-araketterdi kılıp, iygilikke ee bolup jattı.

¹³Oşondo men bir ıyıktın süylöp jatkanın uktum. Al ıyık «Iyık jay menen koşuundardın tebelenip-tepselenüüsü jönündögü, kün sayın çalınuuçu kurmandık jönündögü jana een kaltıruuçu mıyzamsızdık jönündögü bul körünüş kança ubakıtka sozulat?» degen suroo bergen biröögö mınday dep joop berdi:

¹⁴Al maga: «Bul eki miŋ üç jüz keçke jana taŋga sozulat, oşondon kiyin ıyık jay tazalanat», – dedi.

¹⁵Anan mınday boldu: men, Daniel, bul körünüştü körüp, anın maanisin izdep jatkanımda, menin aldıma adamga okşoş biröö turup kaldı.

¹⁶Anan men Ulay darıyasının ortosunan adamdın ünün uktum, al: «Jebireyil! Aga bul körünüştün maanisin tüşündürüp ber», – dedi.

¹⁷Oşondo al men turgan jerge keldi, al kelgende, men korkup ketip, jüztömöndöp jıgıldım, al maga: «Adam uulu, bul körünüş akırkı mezgilge taandık ekenin bilip al», – dedi.

¹⁸Al meni menen süylöşüp jatkanda, men eç nerse sezbey, jerde jüztömöndöp jattım. Birok al maga kolun tiygizip, meni kayra orduma turguzup, mınday dedi:

¹⁹«Mına, men saga kaar tögülgön kündördün akırkı kündöründö emne bolorun bildirip jatam, antkeni bul belgilengen mezgildin akırına tieşelüü.

²⁰Sen körgön eki müyüzdüü koçkor – Maday jana Persiya padışaları.

²¹Al emi tüktüü teke – Gretsiyanın padışası, anın eki közünün ortosundagı çoŋ müyüz bolso – anın birinçi padışası.

²²Anın sınganı, anın orduna başka tört müyüz çıkkanı bul elden tört padışaçılık çıgarın, birok al padışanın küçü menen emes ekenin bildiret.

²³Alardın padışaçılıgının akırında, mıyzamsızdar özdörünün mıyzamsızdıktarının çegine jetkende, abiyirsiz, ötö aylaker padışa kelet.

²⁴Anın küçü bekemdelet, birok öz küçü menen emes. Al taŋ kalarlık kıyratuu işterin jürgüzöt, iygilikke jetet, ar kanday iş-araketterdi kılat, küçtüülördü jana ıyık eldi kırat.

²⁵Al akılı menen, eki jüzdüülügü menen iygilikke ee bolot, al jürögündö kötörülöt, tınçtık öküm sürüp turganda, köptördü öltüröt, egederlerdin Egederine karşı kötörülöt. Birok al koldun jardamısız kıyratılat.

²⁶Keç menen taŋ jönündö aytılgan körünüş çındık, birok sen bul körünüştü içiŋe sakta, antkeni al akırkı kündörgö tieşelüü».

²⁷Oşondo men, Daniel, alsırap, bir neçe kün oorudum. Andan kiyin turup, padışanın işterin atkara baştadım. Men bul körünüşkö taŋ kaldım, anı tüşüngön jokmun.