Read NT LS 2005 – Инжил ЛС (2005 Daniel 9 Bible Online

Daniel 9 - NT LS 2005 – Инжил ЛС (2005 bible

Daniel 9

¹Kazdim padışaçılıgının üstünö padışa bolup koyulgan, Maday uruusunan çıkkan Akaşbeyroş uulu Dariydin padışaçılıgının birinçi jılında

²men, Daniel, kitepterden, Teŋirdin Jeremiya paygambarga aytkan sözünön İerusalim jetimiş jıl een kaların tüşündüm.

³Oşondo men orozo karmap, zumbal kiyip, başıma kül çaçıp, Kuday-Teŋirge jüzümdü burup sıyındım, jalındım.

⁴Men Kuday-Teŋirime sıyınıp, künöölörümdü açık aytıp keçirim surap, mınday dedim: «Özün süygöndörgö jana Özünün buyruktarın atkargandarga kelişimdi jana ırayımdı saktagan, uluu jana korkunuçtuu Kuday-Teŋir!

⁵Biz künöögö battık, mıyzamsız, adiletsiz işterdi kıldık, öjörlönüp, Senin osuyattarıŋ menen mıyzamdarıŋdan baş tarttık.

⁶Padışalarıbızga, törölörübüzgö, ata-babalarıbızga, ölkönün bardık eline Senin ısımıŋdan süylögön Senin kuldarıŋdı – paygambarlardı ukkan jokpuz.

⁷Teŋir, adilettik Sende, al emi bügün biz – ar bir jüyüt, İerusalim turgundarı jana Saga işenimsiz bolgonu üçün Özüŋ kuup jibergen, jakınkı jana alıskı jerlerdegi, bardık ölkölördögü büt Israyıl eli uyat bolduk.

⁸Teŋir! Biz – padışalarıbız da, törölörübüz da, ata-babalarıbız da uyat bolduk, antkeni biz Senin aldıŋda künöögö battık.

⁹Bizdin Kuday-Teŋiribiz booruker jana keçirimdüü. Biz bolso Aga karşı çıktık,

¹⁰Kuday-Teŋiribizdin ününö kulak salgan jokpuz, Özünün kuldarı – paygambarlar arkıluu bergen mıyzamdarı menen jürgön jokpuz.

¹¹Büt Israyıl Senin mıyzamıŋdı buzup, andan baş tarttı, Senin ünüŋö kulak salgan jok. Oşon üçün Kudaydın kulu Musanın mıyzamında jazılgan kargış tiyip, ant atkarıldı, antkeni biz Aga karşı künöögö battık.

¹²Al bizge jana bizdi başkarıp turgan başkaruuçularga karşı aytkan Özünün sözün atkarıp, başıbızga çoŋ alaamat tüşürdü. Anday alaamat, İerusalimdin üstünö tüşköndöy alaamat, asman astında bolgon emes.

¹³Musanın mıyzamında jazılganday, büt alaamattın baarı başıbızga tüştü. Birok biz özübüzdün mıyzamsız işteribizden buruluş üçün, Senin çındıgıŋdı tüşünüş üçün, Kuday-Teŋiribizge jalıngan jokpuz.

¹⁴Teŋir oşol alaamattı közömölgö alıp, anı bizdin üstübüzgö kaptattı. Antkeni bizdin Kuday-Teŋiribiz Özü jüzögö aşırıp jatkan bardık işterinde adilet, biz bolso Anın ünün ukkan jokpuz.

¹⁵Öz elin Misir jerinen küçtüü kolu menen alıp çıkkan, atügül, bügünkü küngö çeyin Öz daŋkın körsötüp kele jatkan bizdin Kuday-Teŋiribiz, biz künöögö battık, mıyzamsız işterdi kıldık.

¹⁶Teŋir! Özüŋdün adilettigiŋ boyunça Özüŋdün şaarıŋ İerusalimge, Özüŋdün ıyık tooŋo bolgon kaarıŋ kaytsa eken, açuuŋ tarasa eken, antkeni bizdin künöölörübüz üçün, bizdin ata-babalarıbızdın mıyzamsızdıktarı üçün İerusalim menen Özüŋdün eliŋ tegeregindegi elderdin baarına şıldıŋ boldu.

¹⁷Kudayıbız, azır da Özüŋdün kuluŋdun sıyınuusu menen jalınuusun uk. Teŋir, een kalgan ıyık jayıŋdı Özüŋ üçün Özüŋdün jarık jüzüŋ menen kara.

¹⁸Kudayım, kulagıŋdı töşöp, uga kör. Közüŋdü açıp, bizdin kıyraganıbızdı jana Özüŋdün ısımıŋ menen atalgan şaardı kara, antkeni biz özübüzdün adildigibizge emes, Senin uluu ırayımıŋa tayanıp, Senin aldıŋa özübüzdün sıyınuularıbızdı alıp kelebiz.

¹⁹Teŋir, uga kör! Teŋir, keçire kör! Teŋir, kulak töşöp, atkara kör! Kudayım, Özüŋ üçün sozdukturba, antkeni Senin şaarıŋ da, Senin eliŋ da Özüŋdün ısımıŋ menen atalgan».

²⁰Men süylöp jatkanda, sıyınıp, öz künööm üçün, öz elim Israyıldın künöösü üçün keçirim surap jatkanda, Kuday-Teŋirimdin aldına Kudayımdın ıyık toosu jönündögü sıyınuumdu alıp kelip jatkanda,

²¹sıyınuumdu ulantıp jatkanımda, men murunku körünüştö körgön Jebireyil tez uçup kelip, keçki kurmandık çaluu ubagına jakın maga kolun tiygizip,

²²akıl aytıp, meni menen süylöşüp, maga mınday dedi: «Daniel! Men azır saga akıl aytuu üçün keldim.

²³Sen sıyına baştaganıŋda, maga söz aytıldı, men anı saga aytkanı keldim, antkeni sen eŋ süyüktüü adamsıŋ. Oşonduktan sözdü dit koyup ugup, körünüştü tüşün.

²⁴Senin eliŋ üçün jana senin ıyık şaarıŋ üçün jetimiş juma belgilendi. Al kılmış jabılışı üçün, künöölörgö möör basılışı üçün, mıyzamsızdıktar öçürülüşü üçün, tübölük çındık kelişi üçün, körünüşkö jana paygambarçılıkka möör basılışı üçün, ıyıktardın Iyıgı maylanışı üçün belgilendi.

²⁵Oşonduktan bilip, tüşünüp al: İerusalimdi kayra kalıbına keltirüü jönündö buyruk çıkkan ubakıttan Egeder Maşayak kelgenge çeyin jeti juma jana altımış eki juma ötöt. Oşondo el kayrılıp kelet, köçölör menen dubaldar kayra kurulat, birok bul kıyın mezgilderde bolot.

²⁶Altımış eki juma ötköndön kiyin, Maşayak ölüm jazasına tartılat, Al jok kılınat. Al emi şaar menen ıyık jaydı kele turgan bir asker başçının eli talkalayt, al taşkından kıyragansıp kıyrayt, kıyroolor soguştun ayagına çeyin bolot.

²⁷Oşondon kiyin al köp elder menen tüzgön kelişimdi bir jumanın içinde küçünö kirgizet, al emi jumanın ortosunda kurmandık çaluunu, tartuu alıp kelüünü toktotot, ıyık jayga kıyratuuçu jiyirkeniç ornotulat, aldın ala belgilengen toluk kıyroo kıyratuuçunun öz başına kelet».