Read NT LS 2005 – Инжил ЛС (2005 Oşuya 10 Bible Online

Oşuya 10 - NT LS 2005 – Инжил ЛС (2005 bible

Oşuya 10

¹Israyıl – jemişti köp bergen jüzüm sabagı. Al özünün jemişi kançalık köböygön sayın, kurmandık çalınuuçu jayların oşonçoluk köböyttü. Anın jerleri kançalık jakşı bolgon sayın, jasalma kudayların oşonçoluk koozdop jatat.

²Alardın jürögü bölündü, oşon üçün alar jazalanışat: alardın kurmandık çalınuuçu jayları talkalanat, jasalma kudayları kıyratılat.

³Azır alar: «Bizdin padışabız jok, antkeni biz Teŋirden korkkon emespiz! Al emi padışa bizge emne kıla alat?» – dep jatışat.

⁴Alar kurulay sözdördü süylöp jatışat, jalgan ant berip jatışat, kelişimderdi tüzüp jatışat. Oşon üçün alardın üstünön bolo turgan sot talaanın borozdoruna çıkkan uu çöptöy bolup ösüp çıgat.

⁵«Samariya turgundarı Beyt-Abendegi muzoo üçün titireşet. Anın eli al üçün ıylayt. Al tuuraluu kubangan anın butkana kızmatçıları anın atak-daŋkı jönündö ıylaşat, antkeni andan atak-daŋk ketet.

⁶Al özü da Jarep padışaga tartuu katarı Aşurga jönötülöt. Eprayım uyatka kalat, Israyıl öz oyu üçün maskara bolot.

⁷Samariyanın padışası suunun üstündögü köbük sıyaktuu jogolot.

⁸Israyıldın künöösü bolgon Aben butkanaları talkalanat. Alardın kurmandık çalınuuçu jaylarına tikenek jana töö tiken ösüp çıgat. Alar toolorgo: “Bizdi japkıla!” – deşet, adırlarga: “Bizdin üstübüzgö kulagıla!” – deşet.

⁹Israyıl, sen Giba kündörünön beri künöö kılıp kele jatasıŋ. Alar künöö kıluunu toktotuşkan jok. Mıyzamsızdıktın uuldarına karşı Gibada bolgon soguş bizge jetpeyt dep oyloşobu?

¹⁰Men alardı Özümdün kaaloom boyunça jazalaym, alarga karşı elder çogulat, alar özdörünün eki kılmışı üçün bayloogo alınışat.

¹¹Eprayım – üyrötülgön, dan bastıruunu jakşı körgön kunajın, anın joon moynuna moyunturuktu Men Özüm salam. Eprayımdı minişet, Jüyüt jer aydayt, Jakıp malalayt.

¹²Adilettikti sepkile, ırayımduuluktu orup alasınar. Dıŋ jeriŋerdi aydagıla, oşondo Al kelip, üstüŋörgö adildikti jamgırday tögöt, antkeni Teŋirdi izdey turgan ubakıt keldi.

¹³Siler jamandıktı ekkensiŋer, oşonduktan mıyzamsızdıktı orup alıp jatasıŋar, jalgançılıktın jemişin jep jatasıŋar, antkeni sen öz joluŋa jana jookerleriŋdin köptügünö ümüttöngönsüŋ.

¹⁴Oşon üçün senin eliŋdin içinde dürbölöŋ bolot, soguş künü Şalman Beyt-Arbeldi kıyratkanday, senin bardık sepildüü şaarlarıŋ kıyrayt: oşol soguşta enesi baldarı menen koşo öltürülgön.

¹⁵Silerdin çekten çıkkan jaman işteriŋer üçün, Beytel silerge mına uşunu kılat.