Read NT LS 2005 – Инжил ЛС (2005 Oşuya 12 Bible Online

Oşuya 12 - NT LS 2005 – Инжил ЛС (2005 bible

Oşuya 12

¹Eprayım şamaldı kaytarıp jüröt, çıgış şamalının artınan kuup jüröt, kün sayın jalgançılıktı jana talap-tonoonu köböytüp jatat. Alar Aşur menen kelişim tüzüp jatışat, Misirge zaytun mayı jetkirilip jatat.

²Birok Teŋir Jüyüt menen da sottoşot, Al Jakıptı joldoruna jaraşa jazalayt, aga işterine jaraşa tieşesin beret.

³Al enesinin kursagında jatkanda ele bir tuuganın tepken, al emi er jetkende Kuday menen karmaştı.

⁴Al perişte menen karmaştı, anı jeŋip çıktı, ıylap, aga jalınıp-jalbardı. Beytelde Al bizdi taap, oşol jerde biz menen süylöştü.

⁵Teŋir bolso – Sebayot Kuday. Jahaba – Anın ısımı.

⁶Sen da öz Kudayıŋa kayrıl, ırayımduuluktu, akıykattıktı sakta jana ar dayım Kudayıŋa tayan.

⁷«Kanaandık adamdın kolunda tuura emes taraza bar. Al jep kalgandı jakşı köröt.

⁸Eprayım: “Men bayıdım. Özümö mal-mülk jıynap aldım, menin bardık emgekterimden künöö bolup eseptelgen mıyzamsız bir da nerse taba alışpayt”, – dep aytıp jatat.

⁹Men bolso sen Misir jerinen çıkkandan beri senin Kuday-Teŋiriŋmin, seni mayram kündöründögüdöy, kayradan alaçıktarga oturuktaştıram.

¹⁰Men paygambarlarga süylödüm, ayandardı köböyttüm jana paygambarlar arkıluu ülgü-nasaat aŋgemelerdi koldondum.

¹¹Egerde Gilat jaraksız nerse bolup kalsa, anda anın turgundarı da bolbogon nerse bolup kalıştı, Gilgalda bukaçarlardı kurmandıkka çalıştı, alardın kurmandık çalınuuçu jayları talaalardın çekterinde turgan üymök taştarday.

¹²Jakıp Siriya talaasına kaçıp ketti, Israyıl ayal üçün kızmat kıldı, ayal üçün koy kaytardı.

¹³Teŋir paygambar arkıluu Israyıldı Misirden alıp çıktı, Al anı paygambar arkıluu saktap jürdü.

¹⁴Eprayım Teŋirdi katuu kaardanttı, oşon üçün al tökkön kandın kunun Teŋir anın öz moynuna koёt, Teŋir anın şıldıŋın öz başına keltiret.