Read NT LS 2005 – Инжил ЛС (2005 Oşuya 13 Bible Online

Oşuya 13 - NT LS 2005 – Инжил ЛС (2005 bible

Oşuya 13

¹Eprayım süylögöndö, bardıgı titirep turçu. Al Israyılda jogoru kötörülgön, birok Baal arkıluu künöögö batıp öldü.

²Azır da alar künöölörünö künöö koşup alıştı. Alar özdörünün tüşünügü boyunça özdörünün kümüşünön özdörünö kuyma burkandardı jasaştı, alardın baarı – tolugu menen sürötçünün kolunan çıkkan iş. Alar kurmandık çalgan adamdarga: “Bukaçarlardı öpkülö!” – dep jatışat.

³Oşon üçün alar taŋkı buluttay, tez ele jok bolup ketüüçü şüüdürümdöy, kırmandan şamal uçurgan topondoy, mordon çıkkan tütündöy boluşat.

⁴Birok sen Misir jerinen çıkkandan beri Men senin Kuday-Teŋiriŋmin. Oşonduktan sen Menden başka kudaydı bilbeşiŋ kerek, Menden başka Kutkaruuçu jok.

⁵Men seni çöldö, kakşıgan jerde taanıp bildim.

⁶Jayıtı bar alar tok ele. Toygonduktan alardın jürögü tekeberdendi, oşondo alar Meni esterinen çıgarıp koyuştu.

⁷Oşon üçün Men alarga arstandaymın, kabılanga okşop joldo aŋdıp turam.

⁸Men alarga mamalaktarınan ajıragan urgaaçı ayuuday kol salam, alardın köödönün jarıp salam, Men alardı oşol jerde urgaaçı arstanday bolup jep salam, alardı talaa jırtkıçtarı tıtıp ketişet.

⁹Sen özüŋdü öltürdüŋ, Israyıl, antkeni sen özüŋdün tayanıçıŋ bolgon Maga karşı çıktıŋ!

¹⁰Seni kutkara turgan padışaŋ azır kayda? Senin bardık şaarlarıŋdagı başçılarıŋ kayda? Sen alar jönündö “Maga padışa jana başçılardı ber!” dep aytkansıŋ.

¹¹Oşondo Men saga kaarım menen padışa berdim, anan anı açuum menen tartıp aldım.

¹²Eprayımdın mıyzamsızdıgı tüyünçökkö tüyülüp turat, anın künöösü saktalıp turat.

¹³Al töröp jatkan ayalday kıynalat. Al – akılsız uul, bolboso al özünün törölüüsün sozdukturmak emes.

¹⁴Men alardı ölgöndör jatkan jaydın biyliginen kun tölöp kutkaram, alardı ölümdön kutkaram. Ölüm! Senin uu tişiŋ kayda? Ölgöndör jatkan jay! Senin jeŋişiŋ kayda? Ökünüü közdörümdön jaşıruun.

¹⁵Eprayım bir tuugandarının arasında jemiştüü bolso da, çıgış şamalı, çöldön kötörülgön Teŋir şamalı, kelet, oşondo anın bulagı sooluyt, başatı kakşıyt: al şamal bardık kımbat baaluu nerseler saktalgan kazınanı kıyratat.