Read NT LS 2005 – Инжил ЛС (2005 Oşuya 2 Bible Online

Oşuya 2 - NT LS 2005 – Инжил ЛС (2005 bible

Oşuya 2

¹Bir tuugandarıŋarga “Ami (Menin elim)” dep aytkıla, eje-karındaştarıŋarga “Ruham (Irayım kılıngan)” dep aytkıla.

²Özüŋördün eneŋer menen sottoşkula, sottoşkula, antkeni al Menin ayalım emes, Men anın küyöösü emesmin.

³Men anı eneden tuuma jılaŋaç kılıp körsötüp, çölgö, kakşıgan jerge aylantıp, suusatıp öltürböşüm üçün, al jüzünön buzuktuktu, töşünön oynoştuktu çettetsin.

⁴Anın baldarına ırayım kılbaym, antkeni alar – buzuktuktun baldarı.

⁵Antkeni alardın enesi buzuktuk kıldı. Alardı törögön ayal özün uyat kıldı, antkeni al: “Maga nan, suu, jün, zıgır, zaytun mayın jana içimdik berip jatkan oynoştorumdu eerçiym”, – degen.

⁶Oşon üçün Men anın jolun tikender menen tosom, anı tosmo menen kurçaym, oşondo al öz jolun tappay kalat.

⁷Oynoştorunun artınan çurkayt, birok alarga jetpeyt. Alardı izdeyt, birok tappayt. Oşondo: “Men birinçi küyöömö kayra barayın, antkeni maga oşol ubakta azırkıga karaganda jakşı bolçu”, – dep aytat.

⁸Birok aga nandı, şaraptı jana zaytun mayın Men bergenimdi, anın altın menen kümüşün Men köböytkönümdü al bilgen jok. Alar oşol altın menen kümüştön Baal burkanın jasaştı.

⁹Oşon üçün egin jıynoo maalı kelgende, Öz nanımdı kayra alam, dayar bolgondo, Öz şarabımdı kayra alam, anın jılaŋaç etin japkan Özümdün jünüm menen zıgırımdı kayra tartıp alam.

¹⁰Oşentip, azır Men anın maskaraçılıgın oynoştorunun köz aldında açam, anı Menin kolumdan eç kim kutkara albayt.

¹¹Anın bardık kubanıçın: mayramdarın, ay jaŋırgandagı mayramdarın, işembilerin, bardık saltanattuu jıyındarın toktotom.

¹²“Bul belekterdi maga oynoştorum bergen”, – degen anın jüzüm sabaktarı menen anjır daraktarın kıyratam. Men alardı tokoygo aylantam, oşondo alardı talaa jırtkıçtarı jep salışat.

¹³Men anı jıpar jıttuu zat tütötüp, Baal burkandarına kızmat kılgan kündörü üçün jazalaym. Al söykölör menen şurulardı tagınıp alıp, oynoştorunun artınan jürdü, Meni bolso esinen çıgarıp koydu, – deyt Teŋir.

¹⁴Oşonduktan Men anı Özümö tartıp, çölgö alıp barıp, jürögünö süylöym.

¹⁵Oşol jerden Men aga özünün jüzümzarların berem, Akor öröönün ümüttün bosogosu kılıp berem. Al oşol jerde özünün jaş kündöründögüdöy, Misir jerinen çıkkan künündögüdöy ırdayt.

¹⁶Oşol künü, – deyt Teŋir, – sen Meni “İşi” dep çakırasıŋ, oşondon kiyin Meni “Baali” dep çakırbaysıŋ.

¹⁷Men anın oozunan Baal burkandarının ısımdarın alıp salam, oşondon kiyin alardın ısımdarı eskerilbeyt.

¹⁸Oşol künü alar üçün talaa jırtkıçtarı menen, asmandagı kanattuular menen, jerde soylooçu janıbarlar menen kelişim tüzöm. Al jerden jaanı da, kılıçtı da, soguştu da jok kılam, alardı koopsuz jaşay turgan kılam.

¹⁹Men seni menen tübölükkö nikeleşem, Men seni menen çındık jana adilettiktin, ırayım jana boorukerdiktin negizinde nikeleşem.

²⁰Men seni menen işenimdüülüktün negizinde nikeleşem, oşondo sen özüŋdün Teŋiriŋdi taanıp bilesiŋ.

²¹Oşol künü Men joop berem, – deyt Teŋir, – Men asmanga joop berem, asman jerge joop beret,

²²jer nanga, şarapka jana zaytun mayına joop beret, alar bolso İzreyelge joop berişet.

²³Men anı jerge Özüm üçün sebem. Lo-Ruhamdı Ruham deym, Lo-Amini Ami deym, al Maga: “Sen Menin Kudayımsıŋ” – deyt».