Read NT LS 2005 – Инжил ЛС (2005 Oşuya 4 Bible Online

Oşuya 4 - NT LS 2005 – Инжил ЛС (2005 bible

Oşuya 4

¹Israyıl uuldarı, Teŋirdin sözün ukkula! Antkeni Teŋir bul jerdin turgundarın sottoyt. Sebebi bul jerde akıykattık da, boorukerdik da, Kudaydı taanıp bilüü da jok.

²«Ant berüü, aldamçılık, kişi öltürüü, uuruluk kıluu, buzuktuk kıluu ayabay jayılgan, kan tögüünün artınan kan tögüü.

³Oşon üçün bul jer ıylayt, anın üstündö jaşagandın baarı – talaadagı aybanattar da, asmandagı kanattuular da alsırayt, atügül, deŋizdegi balıktar da kırılat.

⁴Birok biri-biri menen talaşıp-tartışpasın, birin-biri aşkerelebesin. Antkeni senin eliŋ ıyık kızmat kıluuçular menen talaşıp-tartışkandarga okşoş.

⁵Sen kündüz müdürülüp jıgılasıŋ, seni menen koşo paygambar tün içinde müdürülüp jıgılat, eneŋdi jok kılam.

⁶Elim Meni taanıp bilbegendikten kırıldı. Sen taanıp bilüünü çetke kakkandıktan, Men da seni Menin aldımda ıyık kızmat kıluudan çettetem. Sen öz Kudayıŋdın mıyzamın unutkandıktan, Men da senin baldarıŋdı unutam.

⁷Alar kançalık köböygön sayın, Maga karşı oşonçoluk köp künöö kılıp jatışat. Alardın daŋkın maskaraçılıkka aylantam.

⁸Alar Menin elimdin künöölörü menen azıktanıp jatışat, alardın janı anın mıyzamsızdıgına umtulup jatat.

⁹Elge emne bolso, ıyık kızmat kıluuçuga da oşol bolot. Anı özünün joldoruna jaraşa jazalaym, aga özünün kılgan işterine jaraşa tieşesin berem.

¹⁰Jeşet, birok toyuşpayt, buzuktuk kılışat, birok köböyüşpöyt, antkeni Teŋirge kızmat kıluunu taştap koyuşkan.

¹¹Buzuktuk, şarap jana içimdikter alardın jürögün eelep algan.

¹²Menin elim özünün daragınan surap jatat, aga özünün tayagı joop berip jatat. Antkeni buzuktuk ruhu alardı adaştırdı, alar buzuktuk kılıp, öz Kudayınan baş tartıştı.

¹³Alar toolordun çokularında kurmandık çalıp jatışat, döŋsöölördögü emen daraktarının, kayıŋdardın jana kara jıgaçtardın tübündö jıpar jıttuu zat tütötüp jatışat, antkeni alardın kölökösü jakşı. Oşonduktan kızdarıŋar buzuktuk kılıp jatışat, kelinderiŋer oynoştuk kılıp jatışat.

¹⁴Men buzuktuk kılıp jatkan kızdarıŋardı, oynoştuk kılıp jatkan kelinderiŋerdi jazalabaym, antkeni siler özüŋör buzulgan ayaldar menen koşulup jatasıŋar, buzuktuk kılgandar menen birge kurmandık çalıp jatasıŋar, türköy el bolso ölüp jatat.

¹⁵Israyıl, sen buzuktuk kılsaŋ da, Jüyüt künöö kılbasın. Gilgalga barbagıla, Beyt-Abenge çıkpagıla, “Teŋir tirüü!” dep ant berbegile.

¹⁶Antkeni Israyıl öjör kunajınday öjör bolup kaldı, oşon üçün Teŋir emi alardı kenen jayıtta kozu kaytargansıp kaytarmak bele?

¹⁷Eprayım burkandarga baylanıp kaldı. Anı burkandarı menen kaltır!

¹⁸Alar ması taragandan kiyin buzuktuk kılganın ulantışat. Alardın törölörü uyatsız işterdi jakşı körüşöt.

¹⁹Şamal alardı kanattarı menen kurçap alat, alar özdörü çalgan kurmandıktarı üçün uyat boluşat.