Read NT LS 2005 – Инжил ЛС (2005 Oşuya 5 Bible Online

Oşuya 5 - NT LS 2005 – Инжил ЛС (2005 bible

Oşuya 5

¹Iyık kızmat kıluuçular, munu ukkula, Israyıl tukumu, kulak salgıla, padışa üyü, kulak töşögülö, sebebi silerdin üstüŋördön sot bolot, antkeni siler Mispada sıyırtmak, Tabordo jayılgan tor bolduŋar.

²Alar buzuktukka batıp ketişti, birok Men alardın bardıgın jazalaym.

³Men Eprayımdı bilem, Israyıl da Menden jaşıruun emes, antkeni sen, Eprayım, buzuktuk kılıp jatasıŋ, Israyıl bulgandı.

⁴Alardın işteri öz Kudayına kayrıluuga jol berbeyt, antkeni alardın içinde buzuktuk ruhu bar, alar Teŋirdi bilişpeyt.

⁵Israyıldın tekeberdigi özünö karşı kübölöndürüp jatat. Israyıl menen Eprayım özdörünün mıyzamsızdıgı üçün müdürülüşöt, alar menen birge Jüyüt da müdürülöt.

⁶Alar özdörünün koyloru jana ögüzdörü menen Teŋirdi izdegeni çıgışat, birok Anı tabışpayt. Teŋir alardan alıstap ketken.

⁷Alar Teŋirge beyopalık kılıştı, antkeni alardan çooçun baldar töröldü. Emi duşman alardı jaŋırgan ayda mal-mülkü menen koşo jep jutat.

⁸Gibada müyüz tartkıla, Ramada surnay tartkıla. “Benjemin, artıŋda duşman!” dep, Beyt-Abende kıykırgıla.

⁹Jazaloo künü Eprayım jeri een kalat. Munu Israyıl uruularının arasında Men kabarladım.

¹⁰Jüyüttün jol başçıları çek aralardı buzuuçularga okşop kalıştı: Men alarga Öz kaarımdı suuday tögöm.

¹¹Eprayım ezildi, jazalanıp talkalandı, antkeni al jalgan kudaylardın artınan jürgüsü kelgen.

¹²Men Eprayım üçün kübödöy bolom, Jüyüt üçün kurttay bolom.

¹³Eprayım öz dartın, Jüyüt öz jaraatın kördü. Eprayım Aşurga jönödü, Jarep padışasına çabarman jönöttü. Birok al silerdi sakayta albayt, silerdin jaraatıŋardı ayıktıra albayt.

¹⁴Antkeni Men Eprayım üçün arstanday, Jüyüt üçün jaş arstanday bolom. Men, Men tıtkılap turup, ketip kalam; alıp ketem, eç kim kutkara albayt.

¹⁵Alar özdörünün künöökör ekenin moynuna alıp, Menin jüzümdü izdegenge çeyin, ketem, Men Öz orduma kaytam.