Read NT LS 2005 – Инжил ЛС (2005 Oşuya 9 Bible Online

Oşuya 9 - NT LS 2005 – Инжил ЛС (2005 bible

Oşuya 9

¹Israyıl, başka elderge okşop kubanba, şattanba! Antkeni sen öz Kudayıŋdan alıstap, buzuktuk kılıp jatasıŋ. Bardık kırmandarda buzuktuk tartuuların algandı süyösüŋ.

²Kırman menen jüzüm sıgıluuçu jay alardı bakpayt, alardın jüzüm şiresine bolgon ümütü aktalbayt.

³Alar Teŋirdin jerinde jaşaşpayt: Eprayım Misirge kaytat, alar Aşurda taza emes nerseni jeşet.

⁴Alar Teŋirge arnap şarap kuyuşpayt, Teŋirge alardın kurmandıktarı jakpayt. Alardın nanı aza kütköndördün nanınday bolot: anı jegenderdin bardıgı bulganışat, antkeni alardın nanı – özdörünün janı üçün, al Teŋir üyünö kirgizilbeyt.

⁵Saltanattuu jıyın künü jana Teŋirdin mayram künü emne kılasıŋar?

⁶Antkeni mına, alar kıyroonun ayınan kaçıp ketişet. Misir alardı jıynayt, Nop alardı kömöt. Alardın kümüştön jasalgan asıl buyumdarın çalkan basat, alardın çatırların tikendüü ösümdük kaptayt.

⁷Jazaloo kündörü keldi, tieşeŋerdi bere turgan kündör keldi: Israyıl munu bilet. Mıyzamsızdıgıŋardın köptügünön, kastıgıŋardın zordugunan ulam, paygambarçılık kılgan adamdı akılsız, Kudaydın ruhu jetelegen adamdı akılınan adaşkan deysiŋer.

⁸Eprayımdın korgooçusu – paygambar menin Kudayımdın janında, paygambardın bardık joldoruna tuzak tartılgan. Anın Kudayının üyündö da kastık bar.

⁹Alar Giba kündöründögüdöy künöögö batıştı, abdan buzuluştu. Teŋir alardın mıyzamsızdıgın esteyt, alardı özdörünün künöölörü üçün jazaga tartat.

¹⁰«Men Israyıldı çöldön jüzüm tapkanday taptım. Men silerdin ata-babalarıŋardı körgöndö, anjır daragının birinçi mömösün körgöndöy boldum, birok alar Baal-Peyorgo barıp, ıpılas işterge berilip ketişti, özdörü da süygöndörünö okşop jiyirkeniçtüü bolup kalıştı.

¹¹Eprayımdıktardın atak-daŋkı kuş sıyaktuu uçup ketet: bala törölböyt, boygo bütpöyt, tüyüldük tüyülböyt.

¹²Alar öz baldarın tarbiyalap çoŋoytuşsa da, alardı tartıp alam. Antkeni Men alardan çettep ketkende, alardın başına kaygı tüşöt!

¹³Men Eprayımdın Tirge okşop eŋ jakşı jerge oturguzulganın kördüm. Birok Eprayım öz baldarın kişi öltürgüçkö çıgarıp beret».

¹⁴Teŋir, alarga ber, alarga Sen emne beresiŋ? Alarga töröbös jatın, sütsüz emçek ber.

¹⁵«Alardın bardık mıyzamsızdıgı Gilgalda: oşol jerde Men alardı jek körüp kaldım, Men alardı jaman işteri üçün Öz üyümdön kuup çıgaram, alardı mından arı süyböym. Alardın bardık törölörü – kozgoloŋçuldar.

¹⁶Eprayım kuladı, alardın tamırı sooludu, emi alar jemiş berişpeyt. Alar törösö da, Men alardın kursagınan çıkkan süyüktüü jemişin öltürüp salam».

¹⁷Kudayım alardı çetke kagat, antkeni alar Aga kulak salışkan jok, oşonduktan alar elderdin arasında tentip jürgön el bolot.