Read NT LS 2005 – Инжил ЛС (2005 Joel 1 Bible Online

Joel 1 - NT LS 2005 – Инжил ЛС (2005 bible

Joel 1

¹Petuel uulu Joelge bolgon Teŋirdin sözü.

²«Karıyalar, munu ukkula, bul jerdin bardık turgundarı, kulak salgıla: silerdin tuşuŋarda je ata-babaŋardın tuşunda uşunday boldu bele?

³Munu baldarıŋarga aytkıla, al emi baldarıŋar öz baldarına aytışsın, alardın baldarı bolso kiyinki muunga aytışsın:

⁴kırk ayaktan kalgandı çegirtke jedi, çegirtkeden kalgandı kurt jedi, al emi kurttan kalgandı koŋuz jedi.

⁵Oygongula, içkiçter, ıylagıla, şarap içkenderdin baarı, jüzüm şiresin joktop, bozdop ıylagıla. Antkeni al silerdin oozuŋardan tartılıp alındı!

⁶Antkeni menin jerime küçtüü, san jetkis bir el keldi. Anın tişteri arstandın tişterindey, azuuları urgaaçı arstandıkınday.

⁷Al menin jüzüm sabagımdı kıyrattı, menin anjır daragımdı sındırdı, anı jılaŋaçtap sıyrıp ırgıtıp jiberdi, oşondo anın butaktarı agarıp kaldı».

⁸Jaş kezinde tiygen küyöösün joktogon jaş ayalday zumbal jamınıp ıyla!

⁹Teŋir üyünö alıp kelinüüçü nan kurmandıgı menen kuyuluuçu kurmandıktar toktodu. Iyık kızmat kıluuçular, Teŋirdin kızmatçıları, ıylap jatışat.

¹⁰Talaa een kalıp, jer kaygırıp jatat, antkeni dan jok boldu, jüzüm sabagı kuuradı, zaytun daragı sooludu.

¹¹Dıykandar, uyattan betiŋer kızarsın, jüzümçülör, ıylagıla, buuday menen arpanı joktop ıylagıla, antkeni talaadagı tüşüm jok boldu.

¹²Jüzüm sabagı kuuradı, anjır daragı sooludu. Anar, kurma jana alma baktarı – talaadagı büt daraktar kuurap kaldı. Oşonduktan adam balasınan kubanıç jogoldu.

¹³Iyık kızmat kıluuçular, beliŋerdi kurçagıla, ıylagıla, kurmandık çalınuuçu jaydın kızmatçıları, bozdop ıylagıla! Menin Kudayımdın kızmatçıları, kelgile, zumbal kiyip tün ötkörgülö. Antkeni silerdin Kudayıŋardın üyünö alıp kelinüüçü nan kurmandıktarı menen kuyuluuçu kurmandıktar toktodu.

¹⁴Orozo belgilegile, jıyın jarıyalagıla, bul ölkönün karıyaların, bardık turgundarın Kuday-Teŋiriŋerdin üyünö çakırgıla, Teŋirge jalıngıla.

¹⁵Oo, emne degen kün! Antkeni Teŋirdin künü jakın! Al Kudurettüüdön kıyratuuçu katarı kelet.

¹⁶Tamak bizdin köz aldıbızda tartılıp alınıp jatkan jokpu? Şattık menen kubanıç bizdin Kudaydın üyünön tartılıp alınıp jatkan jokpu?

¹⁷Uruktar topuraktın katmarında çirip kaldı, dan saktagıçtar boş kaldı, kampalar talkalandı, antkeni egin bolboy kaldı.

¹⁸Mal kanday ontop jatat! Ögüzdör tentip jürüşöt, antkeni alarga jayıt jok, koylor da japa çegip jatışat.

¹⁹Teŋir, Saga jalınam, antkeni talaadagı ottuu jayıttardı ot jalmap saldı, talaadagı daraktardın bardıgın jalın kuykalap ketti.

²⁰Atügül, talaadagı janıbarlar da Seni çakırıp jatışat, antkeni agın suular sooludu, talaadagı jayıttardı ot jalmap saldı.