Read NT LS 2005 – Инжил ЛС (2005 Joel 2 Bible Online

Joel 2 - NT LS 2005 – Инжил ЛС (2005 bible

Joel 2

¹«Siondo surnay tartkıla, Menin ıyık toomdo çuu kötörgülö. Jerdin bardık turgundarı titiresin, antkeni Teŋirdin künü kele jatat, antkeni al jakın.

²Al – karaŋgılıktın jana karaŋgının künü, al – buluttuu jana tumanduu kün. Toolordun üstünö çaçıragan taŋkı jarıktay bolup, sansız köp jana küçtüü bir el kele jatat, mınday el kılımdardan beri bolgon emes, mından arı da, ukumdan-tukumga bolboyt.

³Anın aldındagı ot jalmap jatat, al emi artındagı jalın kuykalap jatat. Jer anın aldında Eyden bagı sıyaktuu, al emi anın artında een kalgan talaa sıyaktuu, andan kaçıp kutulgan eç kim jok.

⁴Anın körünüşü attardın körünüşündöy, alar atçan askerlerdey çaap kele jatışat.

⁵Alar toolordun çokusundagı arabalardın düŋgürögön dobuşunday, samandı jalmagan jalındagan ottun çartıldagınday, soguşka tizilgen küçtüü eldey çaap kele jatışat.

⁶Anı körgöndö, elder titirep jatışat, bardıgının öŋü kumsarıp jatat.

⁷Alar jookerlerge okşop jügürüp kele jatışat, er jürök askerlerge okşop dubaldarga çıgıp jatışat, ar biri öz jolu menen kele jatat, öz jolunan adaşpay kele jatat.

⁸Alar biri-birin jöölöböy, ar biri öz jolu menen kele jatat, nayzalarga jıgılıp jatışat, birok eç kanday zıyanga uçuraşkan jok.

⁹Şaardı aralap çurkap jürüşöt, dubaldarga çıgıp jatışat, üylördün üstünö çıgıp jatışat, uurularga okşop terezelerden kirip jatışat.

¹⁰Alardın aldında jer titirep jatat, asman solkuldap jatat, kün menen ay küŋürttönüp jatat, jıldızdar da öz jarıgın jogotup jatat».

¹¹Teŋir Öz askerlerinin aldında ün salıp jatat, antkeni Anın koşuunu sansız, Anın sözün atkaruuçu ötö kubattuu. Antkeni Teŋirdin künü uluu jana ötö korkunuçtuu, aga kim turuştuk bere alat?

¹²Birok Teŋir azır da: «Maga büt jürögüŋör menen, orozo menen, ıy menen, ökürük menen kayrılgıla», – dep jatat.

¹³Kiyimiŋerdi emes, jürögüŋördü tıtkıla, Kuday-Teŋiriŋerge kayrılgıla, antkeni Al jakşı jana booruker, çıdamduu jana abdan ırayımduu, Al alaamat jibergeni üçün ökünöt.

¹⁴Kim bilet, balkim, Al boor oorup, silerdin Kuday-Teŋirge arnagan nan kurmandıgıŋardı, kuyuluuçu kurmandıgıŋardı – batasın kaltırar.

¹⁵Siondo surnay tartkıla, orozo belgilegile, jıyın jarıya kılgıla.

¹⁶Eldi çogultkula, jıyın çakırgıla, karıyalardı çakırgıla, jaş ulandardı, emçektegi naristelerdi çogultkula. Küyöö öz üyünön, koluktu öz bölmösünön çıgıp kelsin.

¹⁷Teŋir üyünün kire beriş bölmösü menen kurmandık çalınuuçu jaydın ortosunda ıyık kızmat kıluuçular, Teŋirdin kızmatçıları: «Teŋir, Öz eliŋdi aya, Öz murasıŋdı şıldıŋga kaltırba, başka elder anı kordoşposun! Elder arasında “Bulardın Kudayı kayda?” dep aytılgan sözdün emne keregi bar?» – dep ıylaşsın.

¹⁸Oşondo Teŋir Öz jerine jan tarttı, Öz elin ayadı.

¹⁹Teŋir Öz eline mınday dep joop berdi: «Mına, Men silerge dan, şarap jana zaytun mayın jiberem, alarga toёsuŋar, mından arı silerdi başka elderge şıldıŋ kıldırbaym.

²⁰Tündüktön kelgen duşmandı silerden alıstatıp, suusuz, een jerge kuup jiberem, anın aldı jaktagı askerin çıgış deŋizine, art jaktagı askerin batış deŋizine kuup jiberem, oşondo andan ötö sasık jıt çıgat, andan kaŋırsıgan jıt kötörülöt, antkeni al köp jamandık jasadı.

²¹Jer, korkpo! Kuban, şattan, antkeni uluu Teŋir munu kıla alat!

²²Korkpogula, janıbarlar, antkeni çöldögü jayıttar kögöröt, darak öz mömösün beret, anjır menen jüzüm sabagı öz küçün körsötöt.

²³Siler da, Sion uuldarı, Kuday-Teŋiriŋer jönündö kubangıla, şattangıla, antkeni Al Özünün ırayımı menen silerge jamgır beret, silerge erte jamgır menen keç jamgırdı murunkuday jaadırat.

²⁴Kırmandar danga tolot, jüzüm sıgıluuçu jay jüzümgö, may sıkkıç mayga tolot.

²⁵Silerge karşı jibergen Özümdün kalıŋ askerim bolgon çegirtke, kurt, koŋuz jana kırk ayak oşol jıldarı jep koygon bardık nersenin ordun tolturam.

²⁶Toygonço jeysiŋer, toёsuŋar, silerge keremet körsötkön Kuday-Teŋiriŋerdin ısımın daŋktaysıŋar, Menin elim tübölükkö şıldıŋ bolboyt.

²⁷Oşondo Menin Israyıldın arasında ekenimdi, silerdin Kuday-Teŋiriŋer ekenimdi, Menden başka Kuday jok ekenin bilesiŋer, Menin elim tübölükkö şıldıŋ bolboyt.

²⁸Oşondon kiyin mınday bolot: Men ar bir adamdın üstünö Öz Ruhumdu tögöm, oşondo uuldarıŋar menen kızdarıŋar paygambarçılık kılışat, karıyalarıŋar tüş körüşöt, jaş baldarıŋar körünüş körüşöt.

²⁹Oşol kündörü Men kuldardın üstünö da, küŋdördün üstünö da Öz Ruhumdu tögöm.

³⁰Asmanda da, jerde da jışaandardı körsötöm, alar: kan, ot jana kötörülgön tütün.

³¹Teŋirdin uluu, korkunuçtuu künü keler aldında kün karaŋgılayt, ay kanday bolup kızarat.

³²Oşondo mınday bolot: Teŋirdin ısımın çakırgan ar bir adam kutkarılat, antkeni Teŋir aytkanday, Sion toosunda jana İerusalimde kutkarıluu bolot, Teŋir Özü çakırgan adamdar da kutkarılışat.