Read NT LS 2005 – Инжил ЛС (2005 Amos 2 Bible Online

Amos 2 - NT LS 2005 – Инжил ЛС (2005 bible

Amos 2

¹Teŋir mınday deyt: «Kılgan üç kılmışı üçün, tört kılmışı üçün Maaptı ayabaym, antkeni al Edom padışasının söögün akitaştay bolguça örttödü.

²Maapka ot jiberem, al ot Keriottun padışa sarayların jalmayt. Oşentip, Maap surnay tartılıp, ızı-çuu, bülgün bolup jatkanda ölöt.

³Alardın arasınan başkaruuçusun jok kılam, anı menen birge anın bardık törölörün öltüröm», – deyt Teŋir.

⁴Teŋir mınday deyt: «Kılgan üç kılmışı üçün, tört kılmışı üçün Jüyüttü ayabaym, antkeni alar Teŋirdin mıyzamdarın çetke kagıştı, Anın körsötmölörün saktaşkan jok, ata-babaları tabıngan burkandar alardı joldon çıgarıştı.

⁵Jüyütkö ot jiberem, al ot İerusalimdin padışa sarayların jalmayt».

⁶Teŋir mınday deyt: «Kılgan üç kılmışı üçün, tört kılmışı üçün Israyıldı ayabaym, antkeni alar adilet adamdı kümüşkö, jakırdı bir jup sandalga satışat.

⁷Alar jakırlardın başın topurakka matıruunu köksöşöt, momundardı joldon çıgarışat, atügül, Menin ıyık ısımımdı bulgaş üçün, atası menen uulu bir ayalga barat.

⁸Ar kaysı kurmandık çalınuuçu jaydın janında, küröögö alıngan kiyimderdin üstündö jambaştap jatışat, ayıpkerlerden tölötülüp alıngan şaraptardı öz kudaylarının üyündö içişet.

⁹Men bolso alardın köz aldında biyiktigi kedr daragınday, bekemdigi emen daragınday bolgon Amordu öltürdüm. Men anın başındagı mömösün, tübündögü tamırların jok kıldım.

¹⁰Men silerdi Misir jerinen alıp çıktım, amorluktardın jerin murastap kalışıŋar üçün, silerdi çöldö kırk jıl alıp jürdüm.

¹¹Men silerdin uuldarıŋardan paygambarlardı, ulandarıŋardan nazirlerdi çıgardım. Je uşunday emespi, Israyıl uuldarı? – deyt Teŋir.

¹²Siler bolso nazirlerge şarap içirdiŋer, paygambarlarga: “Paygambarlık kılbagıla!” – dep buyruk berdiŋer.

¹³Boolor jüktölgön araba jerdi kanday bassa, Men da silerdi oşondoy basam.

¹⁴Oşondo şamdagay da kaçıp kutula albayt, küçtüü da özünün küçün körsötö albayt, er jürök jooker da öz ömürün saktap kala albayt,

¹⁵jaa tartkıç da turuştuk bere albayt, jöö külük da kaçıp kete albayt, atçan da öz ömürün saktap kala albayt,

¹⁶er jüröktördün eŋ kayrattuusu oşol künü jılaŋaç kaçat», – deyt Teŋir.