Read NT LS 2005 – Инжил ЛС (2005 Amos 4 Bible Online

Amos 4 - NT LS 2005 – Инжил ЛС (2005 bible

Amos 4

¹Samariya toosundagı Başan kunajındarı, siler, kedey-kembagaldardı kısımga algandar, jakırlardı ezgender, öz mırzalarına: «Alıp kel, içeli!», – degender, bul sözdü ukkula!

²«Silerdi ilmekter menen, tirüü kalgandardı kayırmaktar menen süyröp kete turgan kündör kelet dep, Kuday-Teŋir Özünün ıyıktıgı menen ant berdi.

³Oşondo baarıŋar dubaldın teşikterinen çıgıp, Armon tooloruna ırgıtılasıŋar, – deyt Teŋir.

⁴Beytelge bargıla da künöögö batkıla, Gilgalga jönögülö da kılmışıŋardı köböytkülö. Kurmandıgıŋardı ar bir taŋda çalgıla, al turgay, onduktarıŋardı üç kündö bir alıp bargıla.

⁵Iraazıçılık kurmandıgına açıtkı koşulgan kurmandıktı alıp kelgile, öz kaalooŋor menen alıp kelgen tartuularıŋar jönündö jarıya kılgıla, alar jönündö jar salgıla, antkeni, Israyıl uuldarı, siler uşunday kılgandı jakşı körösüŋör,– deyt Kuday-Teŋir.

⁶Oşon üçün Men silerge bardık şaarlarıŋarda taza tişterdi berdim, bardık ayıl-kıştaktarıŋarda nandı tartış kıldım. Birok siler Maga kayrılgan joksuŋar, – deyt Teŋir.

⁷Orup-jıyuuga dagı üç ay bar bolso da, Men jamgır jaadırgan jokmun, bir şaarga jamgır jaadırdım, al emi ekinçi şaarga jamgır jaadırgan jokmun. Bir jer jamgırga sugarıldı, al emi jamgırga sugarılbagan jer kurgadı.

⁸Oşondo suu içiş üçün, eki-üç şaardın eli bir şaarga çogulup jattı, birok suusundarın kandıra içe alışkan jok. Oşondo da siler Maga kayrılgan joksuŋar, – deyt Teŋir.

⁹Men silerdi eginiŋerge dat kaptatıp, anı sargartıp jazaladım. Köp sandagan jemiş baktarıŋardı, jüzümzarlarıŋardı, anjır daraktarıŋardı, zaytun daraktarıŋardı kırk ayak jedi, uşunun bardıgına karabastan, siler Maga kayrılgan joksuŋar, – deyt Teŋir.

¹⁰Men silerge Misirge jibergendey juguştuu ooru jiberdim, ulandarıŋardı kılıç menen öltürdüm, attarıŋardı tutkundap kettim, koşuundarıŋardan çıkkan sasık jıt kaŋıljaarıŋardı jardı, uşunun bardıgına karabastan, siler Maga kayrılgan joksuŋar, – deyt Teŋir.

¹¹Sodom menen Amordu kanday kıyratsam, Men silerdi oşondoy kıyrattım, oşondo siler otton alıngan çıçaladay bolduŋar, uşunun bardıgına karabastan, siler Maga kayrılgan joksuŋar, – deyt Teŋir.

¹²Oşon üçün, Israyıl, Men saga uşunday kılam. Men saga uşunday kılganı jatkandıktan, Israyıl, sen öz Kudayıŋ menen joluguşuuga dayardan.

¹³Antkeni Al – toolor menen şamaldı jaratkan, oylorun adamga bildirgen, taŋkı jarıktı karaŋgılıkka aylantkan, jerdin biyiktikterinde basıp jürgön Teŋir, Anın ısımı – Sebayot Kuday-Teŋir».