Read NT LS 2005 – Инжил ЛС (2005 Amos 5 Bible Online

Amos 5 - NT LS 2005 – Инжил ЛС (2005 bible

Amos 5

¹Israyıl, mına bul sözgö, siler tuuraluu koşoguma kulak salgıla:

²Israyıl kızı jıgıldı, emi al mından arı turbayt! Al öz jerinde kulatıldı, anı turguzar eç kim jok».

³Antkeni Kuday-Teŋir: «Israyılda miŋ askeri menen çıkkan şaardın jüz askeri gana kalat, jüz askeri menen çıkkan şaardın on askeri gana kalat», – dep jatat.

⁴Antkeni Teŋir Israyılga mınday dep jatat: «Meni izdegile, oşondo tirüü bolosuŋar.

⁵Beyteldi izdebegile, Gilgalga barbagıla, Beyer-Şebaga ötpögülö, antkeni Gilgal büt boydon tutkunga ketet, Beytel bolso jok bolot».

⁶Teŋirdi izdegile, oşondo tirüü bolosuŋar, Anın kaarı Jusupka ot sıyaktuu jalındap, anı jalmap salbasın, Beytelde al ottu öçürö turgan eç kim bolboyt.

⁷Oo, siler, adilettikti ermenge aylantkandar, çındıktı tebelegender!

⁸Jeti Arkar jana Altı Arkar top jıldızdarın kim jarattı, ölüm kölökösün jarık taŋga kim aylantat, kündü kim tündöy karaŋgı kılat, kim deŋiz suuların çakırıp, jer betine tögöt? Anın ısımı – Teŋir!

⁹Al kıyratuuçunu küçtüügö karşı çıŋdayt, oşondo kıyratuuçu sepilge kiret.

¹⁰Alar bolso darbazanın aldında aşkere kılgan adamdı jek körüşöt, çındıktı süylögön adamdan jiyirkenişet.

¹¹Siler jakırdı tebelep-tepsep, anın nanının jakşısın tartıp alıp jatkanıŋar üçün, jılmalangan taştardan üylördü kursaŋar da, al üylördö jaşabaysıŋar, eŋ sonun jüzümzarlardı östürsöŋör da, alardın şarabın içpeysiŋer.

¹²«Antkeni Men silerdin kılmışıŋar kançalık köp ekenin, künöölörüŋördün kanday oor ekenin bilem: siler adil adamdın duşmanısıŋar, para alıp, sotto kedey-kembagaldardın işterin burmalaysıŋar».

¹³Oşonduktan akıl-estüü adam bul mezgilde unçukpayt, antkeni bul – jaman mezgil.

¹⁴Tirüü kalış üçün, jamandıktı emes, jakşılıktı izdegile. Oşondo özüŋör aytıp jatkanday, Sebayot Kuday-Teŋir siler menen bolot.

¹⁵Jamandıktı jek körgülö, jakşılıktı süygülö, darbazaŋardın aldında akıykattıktı jaktagıla. Balkim, Sebayot Kuday-Teŋir Jusuptun kaldıgına ırayım kılar.

¹⁶Oşonduktan Bardıgın Karmap Turuuçu, Sebayot Kuday-Teŋir, mınday deyt: «Bardık ayanttarda ıy bolot, bardık köçölördö: “Attiŋ! Attiŋ!” – dep kıykırışat. Dıykandı ökürgöngö, mıktı koşokçulardı koşok koşkongo çakırışat.

¹⁷Bardık jüzümzarlarda ıy bolot, antkeni Men seni aralap ötöm, – deyt Teŋir.

¹⁸Teŋirdin künün kaalagandarga kaygı! Silerge Teŋirdin al kününün emne keregi bar? Al kün – jarık emes, karaŋgı kün.

¹⁹Al kün – arstandan kaçkan adamdın aldınan ayuu çıkkanday, je üyünö kelip, kolu menen dubalga tayangan adamdı jılan çakkanday bolgon kün.

²⁰Emne, Teŋirdin künü karaŋgı emespi, jarıkpı? Al karaŋgı, anda jarkıroo da jok.

²¹Silerdin mayramdarıŋardı çetke kagam, alardı jek köröm, saltanattuu jıyındarıŋarda çalgan kurmandıktarıŋardı jıttabaym.

²²Maga bütündöy örttölüüçü kurmandık jana nan kurmandıgın alıp kelseŋer da, Men alardı kabıl albaym jana semiz bukaçarlardan çalgan tınçtık kurmandıgıŋardı karabaym.

²³Irlarıŋdın ünün Menden alıs kıl, antkeni Men senin arfalarıŋdın ünün ukpaym.

²⁴Akıykattık suuday, çındık tınbay akkan darıyaday agıp tursun!

²⁵Israyıl, siler çöldö jürgön kırk jıl içinde Maga arnap kurmandıktardı, nan kurmandıktarın çaldıŋar bele?

²⁶Siler Molohtun çatırın jana özüŋör üçün jasap algan kudayıŋardın jıldızı bolgon Raypan burkanıŋardı kötörüp jürdüŋör.

²⁷Oşon üçün Men silerdi Damasktan arı köçürüp jiberem, – deyt Teŋir. Anın ısımı – Sebayot Kuday!