Read NT LS 2005 – Инжил ЛС (2005 Amos 6 Bible Online

Amos 6 - NT LS 2005 – Инжил ЛС (2005 bible

Amos 6

¹Siondo beykapar jatkan, Samariya toosuna ümüttönüp beygam jatkan, elderdin arasında birinçiler dep atalgan, Israyıl tukumu kelip turgan adamdarga kaygı!

²Kalneyge ötkülö da, karap körgülö. Al jerden uluu Hamatka bargıla, anan peliştilikterdin Gat şaarına tüşkülö. Alar bul padışaçılıktardan jakşı beken? Alardın jeri silerdin jeriŋerden kenen beken?

³Siler alaamat kündü alıs dep eseptep, zombuluktun biyligin jakındatıp jatasıŋar,

⁴pil söögünön jasalgan sörüdö jatasıŋar, töşöktö kerilip jatasıŋar, koylordun eŋ jakşısın, ottuu jayıttagı bukaçarlardı jep jatasıŋar,

⁵guslinin koştoosunda ırdap, aspapta Döötkö okşop oynoybuz dep oyloysuŋar,

⁶şaraptı çenebey içip, eŋ jakşı maylar menen maylanasıŋar, Jusuptun kaygısın bölüşpöysüŋör!

⁷Oşon üçün siler azır tutkundardın aldında tutkundalıp ketesiŋer. Oşentip, kerilip jatkandar, silerdin kubanıçıŋar toktoyt.

⁸Kuday-Teŋir Özü menen ant berip jatat, Sebayot Kuday-Teŋir mınday dep jatat: «Jakıptın tekeberdiginen jiyirkenem, anın üylörün jek köröm, oşonduktan Men şaardı jana anın içinde emne bolso, oşonun baarın duşmandın koluna salıp berem.

⁹Oşondo mınday bolot: kaysı bir üydö on adam kalsa, alar da ölöt.

¹⁰Oşondo alardın tuuganı je söök örttööçü adam alardın sööktörün üydön alıp çıgıp bara jatıp, üydün janında turgandan: “Janıŋda dagı kişi barbı?” – dep surayt. Tigil: “Eç kim jok”, – dep joop beret. Anda al aga: “Unçukpa! Antkeni Teŋirdin ısımın eskerüügö bolboyt”, – dep aytat.

¹¹Antkeni mına, Teŋir buyruk berip, çoŋ üylördü uratat, kiçine üylördü jaraka ketirip kıyratat.

¹²Attar aska menen çurkay alabı? Askanı ögüz menen aydoogo bolobu? Siler bolso akıykattıktı uuga, çındıktın jemişin ermenge aylanttıŋar.

¹³Siler bolbogon nerselerge kubanıp: “Biz bul kuduretke özübüzdün küçübüz menen ee bolgon jokpuzbu?” – deysiŋer.

¹⁴Mına, Men, – deyt Sebayot Kuday-Teŋir, – Israyıl, silerge karşı bir eldi kötöröm, oşondo al el silerdi Hamattın kire berişinen çöl suusuna çeyin ezet».