Read NT LS 2005 – Инжил ЛС (2005 Amos 7 Bible Online

Amos 7 - NT LS 2005 – Инжил ЛС (2005 bible

Amos 7

¹Kuday-Teŋir maga mınday körünüş körsöttü: Mına, jaykı çöp çıga baştaganda, Teŋir çegirtkeni jarattı. Al çöp padışanın çöp çabıgınan kiyin çıkkan çöp ele.

²Çegirtke jerdegi çöptördü jep bütköndö, men: «Kuday-Teŋir, ırayım kıla kör. Jakıp kantip turuştuk beret? Al ötö ele kiçine», – dedim.

³Oşondo Teŋir ökünüp: «Anday bolboyt», – dedi.

⁴Kuday-Teŋir maga mınday körünüş körsöttü: Mına, jazalaş üçün, Kuday-Teŋir ot çıgardı, oşondo al ot tüpkürdögü çoŋ suulardı, jerdin bir bölügün jalmadı.

⁵Oşondo men: «Kuday-Teŋirim, toktoto kör! Jakıp kantip turuştuk beret? Al ötö ele kiçine», – dedim.

⁶Oşondo Teŋir ökünüp: «Bul da bolboyt», – dedi.

⁷Al maga mınday körünüş körsöttü: Mına, Teŋir tik dubal üstündö turat, Anın kolunda jipke asma korgoşun salmoor bar.

⁸Teŋir maga: «Amos, sen emneni körüp turasıŋ?» – dedi. Men: «Jipke asma salmoordu», – dep joop berdim. Anan Teŋir mınday dedi: «Mına, Men Öz elim Israyıldın ortosuna jipke asma salmoor koёm. Mından arı aga keçirim kılbaym.

⁹Iskaktın kurmandık çalınuuçu biyiktikteri kıyratılat, Israyıldın ıyık jayları talkalanat. Jarobamdın tukumuna kılıç menen karşı çıgam».

¹⁰Beyteldin ıyık kızmat kıluuçusu Amatsiya Israyıldın padışası Jarobamga mınday dep ayttırdı: «Amos Israyıldın arasında saga karşı kozgoloŋ çıgarıp jatat. Anın büt sözdörünö jer çıday albayt.

¹¹Antkeni Amos mınday dep jatat: “Jarobam kılıçtan ölöt, Israyıl bolso öz jerinen sözsüz tutkundalıp ketet”».

¹²Anan Amatsiya Amosko mınday dedi: «Körögöç! Tezinen ket, Jüyüt aymagına kaç. Oşol jerde nan jep, oşol jerde paygambarçılık kıl.

¹³Al emi Beytelde mından arı paygambarçılık kılba, antkeni bul jer – padışanın ıyık jayı, padışanın üyü».

¹⁴Oşondo Amos Amatsiyaga mınday dep joop berdi: «Men paygambar emesmin, paygambardın uulu da emesmin. Men koyçu bolçumun, tıt daragın östürçümün.

¹⁵Birok Teŋir meni koy koroodon alıp, maga mınday dedi: “Bar, Menin elim Israyılga paygambarçılık kıl”.

¹⁶Emi Teŋirdin sözünö kulak sal. Sen maga: “Israyılga karşı paygambarçılık kılba, Iskakka söz süylöbö”, – dep jatasıŋ.

¹⁷Oşon üçün Teŋir mınday deyt: “Şaarda senin ayalıŋ buzuktuk kılat. Uuldarıŋ menen kızdarıŋ kılıçtan ölöt. Senin jeriŋ jer bölgön arkan menen bölünöt, özüŋ bolso taza emes jerde ölösüŋ, Israyıl öz jerinen sözsüz kuulup çıgat”».