Read NT LS 2005 – Инжил ЛС (2005 Amos 8 Bible Online

Amos 8 - NT LS 2005 – Инжил ЛС (2005 bible

Amos 8

¹Kuday-Teŋir maga mınday körünüş körsöttü: men bir sebet bışkan jemişti kördüm.

²Al menden: «Amos, sen emneni körüp turasıŋ?» – dep suradı. Men: «Bir sebet bışkan jemişti», – dedim. Oşondo Teŋir maga mınday dedi: «Menin elim Israyıldın akırı keldi. Mından arı anı keçirbeym.

³Oşol künü padışa sarayındagı ırlar ıyga aylanat, – deyt Kuday Teŋir, – ölüktör köp bolot, ar kaysı jerde alardı ün-sözsüz ırgıtışat».

⁴Kembagaldardı jep-jutkusu kelgender, jakırlardı öltürgüsü kelgender,

⁵«Jaŋırgan ay mayramı ötsö, biz nan sata alabız, işembi künü ötsö, biz kampalardı açabız, eypanın kölömün azaytabız, şekeldin baasın kötöröbüz, tuura emes tarazalar menen aldaybız,

⁶kedeylerdi kümüşkö, kembagaldardı bir jup but kiyimge satıp alabız, al emi dandın kalbırdan ötpöy kalganın satabız», – degender, munu ukkula!

⁷Teŋir Jakıptın daŋkı menen ant berdi: «Çındıgında, alardın bul işterinin eç birin tübölükkö unutpaym!

⁸Mına uşundan jer solkuldabas beken, anın üstündö jaşagan ar bir adam ıylabas beken? Jer büt boydon darıyaday taşkındayt, al Misir darıyasına okşop birde kötörülüp, birde tömön tüşöt.

⁹Oşol künü mınday bolot, – deyt Kuday-Teŋir, – çak tüştö kündü batıram, kündüz jerdi karaŋgılatam,

¹⁰mayramdarıŋardı kaygıga, ırlarıŋardın bardıgın ıyga aylantam, baarıŋarga zumbal kiygizip, çaçıŋardı kıram. Ölködö jalgız uulun joktop ıylagandagıday ıy kötöröm, anın ayagı kaygıluu kün sıyaktuu bolot.

¹¹Mına, kündör kele jatat, – deyt Teŋir, – oşol kündörü Men jer üstünö açarçılık jiberem, al nanga bolgon açarçılık emes, suuga bolgon suusoo emes, Teŋirdin sözdörün uguuga bolgon suusoonu jiberem.

¹²Oşondo Teŋirdin sözün izdep, deŋizden deŋizge teŋselip basışat, tündüktön çıgışka sandalışat, birok anı tabışpayt.

¹³Oşol künü oşol suusoodon suluu kızdar menen jigitter sooluşat.

¹⁴Alar Samariyanın künöösü menen: “Dan, senin kudayıŋ tirüü! Beyer-Şebaga barçu jol tirüü!” – dep ant berişet. Alar kulaşat, oşol boydon turuşpayt».