Read NT LS 2005 – Инжил ЛС (2005 Obadiya 1 Bible Online

Obadiya 1 - NT LS 2005 – Инжил ЛС (2005 bible

Obadiya 1

¹Obadiya körgön körünüş. Kuday-Teŋir Edom tuuraluu mınday deyt: Biz Teŋirden kabar uktuk, «Turgula, Edomgo karşı soguşka çıgabız!» dep jarıyalaş üçün, elderdin arasına elçi jönötüldü.

²«Mına, Men seni elderdin arasında kiçine el kıldım, sen abdan jek köründü bolduŋ.

³Askalardın jarakalarında jaşagan, oturuktaşkan jeri biyik jer bolgon, jürögündö: “Kim meni jerge kulatıp tüşüröt?” – degen seni özüŋdün jürögüŋdün tekeberdigi aldadı.

⁴Sen bürküttöy bolup biyik kötörülüp, öz uyaŋdı jıldızdardın arasına salsaŋ da, Men seni oşol jerden da kulatıp tüşüröm, – deyt Teŋir.

⁵Sen uşunça kıyragıday, saga uurular, tünkü karakçılar kirdibi? Birok alar özdörünö kança kerek bolso, oşonço gana uurdaşmak da. Egerde saga jüzüm terip ketüüçülör kirişse, anda alar ança-mınça mömö kaltırışmak da.

⁶Eysaptın bardık nersesi kanday tonoldu, anın jaşıruun kazınaları kanday aŋtarıldı!

⁷Seni menen kelişim tüzgöndör seni çek araga çeyin uzatıp barıştı, seni menen tınçtıkta bolgondor seni aldap, bagıntıp alıştı, senin nanıŋdı jegender saga tuzak koyuştu. Senin akılıŋ jok!

⁸Men oşol künü Edomdogu daanışman adamdardı, Eysap toosundagı akılduu adamdardı kıram, – deyt Teŋir.

⁹Teyman, senin er jürök adamdarıŋdın üröyü uçat, Eysap toosundagı adamdardın baarı salgılaşta kırılat.

¹⁰Öz bir tuuganıŋ Jakıpka kısım körsötkönüŋ üçün uyatka kalasıŋ, tukum kurut bolosuŋ.

¹¹Sen çette turgan künü, jat jerlikter anın askerlerin tutkundap ketken künü, bötön elder anın darbazasınan kirip, İerusalim üçün ökçömö taş ırgıtkan künü sen da oşolordun biri sıyaktuu bolduŋ.

¹²Bir tuuganıŋdı başına alaamat tüşkön künü, kıyragan künü tabalap karap turbasaŋ bolot ele. Jüyüt uuldarı kırılıp jatkan künü kubanbasaŋ bolot ele, alardın başına alaamat tüşkön künü oozuŋdu çoŋ açpasaŋ bolot ele.

¹³Başına alaamat tüşkön künü Menin elimdin darbazasına kirbeseŋ bolot ele, anın başına alaamat tüşkön künü kıyraganın karap turbasaŋ bolot ele, başına alaamat tüşkön künü anın mülkünö tiybeseŋ bolot ele.

¹⁴Anın kaçkındarın öltürüş üçün, joldordun kesilişinde aŋdıp turbasaŋ bolot ele. Alaamat künündö anın aman kalgandarın duşmandın koluna salıp berbeseŋ bolot ele.

¹⁵Antkeni büt elderge Teŋirdin künü jakın: sen kanday kılsaŋ, saga da oşondoy kılınat. Senin kılgan işiŋ öz başıŋa tiet.

¹⁶Antkeni siler Menin ıyık toomdo kaar çöyçögünön içkeniŋerdey ele, bardık elder da andan dayıma içişet. Alar içişet, jutuşat, oşondo alar jer üstündö takır bolbogondoy boluşat.

¹⁷Al emi Sion toosunda kutkarıluu bolot, al ıyık jay bolot. Jakıp öz murasına ee bolot.

¹⁸Jakıp ot, Jusup jalın, al emi Eysap saman bolot: anı örttöp jok kılışat, oşentip, Eysaptın elinen eç kim kalbayt, antkeni munu Teŋir ayttı.

¹⁹Tüştüktö jaşagandar Eysap toosun eelep alışat, al emi örööndö jaşagandar Pelişti jerin eelep alışat. Alar Eprayım talaaların, Samariya talaaların eelep alışat, Benjemin Gilattı eelep alat.

²⁰Kanaandıktardın arasında jaşap jatkan Israyıl uuldarının tutkundagı askerleri Sarepatka çeyin eelep alışat, al emi Separatta jaşap jatkan İerusalimden tutkundalıp ketkender tüştük şaarların eelep alışat.

²¹Oşentip, Eysap toosun sottoş üçün, Sion toosuna kutkaruuçular çıgışat, oşondo padışaçılık Teŋirge taandık bolot».