Read NT LS 2005 – Инжил ЛС (2005 Junus 1 Bible Online

Junus 1 - NT LS 2005 – Инжил ЛС (2005 bible

Junus 1

¹Amitay uulu Junuska Teŋirden mınday söz boldu:

²«Tur, uluu şaar Ninebige barıp, oşol şaar jönündö paygambarçılık kıl, antkeni anın mıyzamsız işteri Maga jetti».

³Oşondo Junus Teŋirdin jüzünön Tarşışka kaçıp ketmekçi boldu. Al turup, Japaga keldi da, Tarşışka jönöp jatkan bir kemeni taap, jol akısın tölödü. Teŋirdin jüzünön kaçıp, Tarşışka alar menen birge ketiş üçün, kemege tüştü.

⁴Birok Teŋir deŋizge katuu şamal jönöttü, oşondo deŋizde katuu boroon baştalıp, keme talkalana turgan boldu.

⁵Keme aydooçulardın üröyü uçup, ar kim öz kudayın çakırdı. Anan alar kemeni jeŋildetiş üçün, andagı jüktü deŋizge ırgıta baştaştı. Junus bolso kemenin ıldıy jagına tüşüp, jatıp uktap kalgan ele.

⁶Oşondo keme başçısı aga kelip: «Sen emne uktap jatasıŋ? Tur, öz Kudayıŋdı çakır, balkim, Kuday bizdi eske alıp, ölböy kalarbız», – dedi.

⁷Anan alar biri-birine: «Jürgülö, ökçömö taş ırgıtıp, kimdin ayınan uşul kırsıkka kabılıp jatkanıbızdı bileli», – deşti. Ökçömö taş ırgıtıştı, al Junuska tüştü.

⁸Oşondo andan: «Aytçı, bul kırsıkka kimdin ayınan kabıldık? Emne iş kılasıŋ? Kaydan kele jatasıŋ? Kaysı ölködönsüŋ? Kaysı eldensiŋ?» – dep suraştı.

⁹Junus alarga: «Men ebereymin, deŋizdi jana kurgaktıktı jaratkan asmandagı Kuday-Teŋirden korkom», – dep joop berdi.

¹⁰Junustun aytıp bergeninen ulam, alar anın Teŋirdin jüzünön kaçıp bara jatkanın bilişti. Oşondo alardın üröyü uçup, aga: «Emne üçün mınday kıldıŋ?» – deşti.

¹¹Anan alar andan: «Deŋiz tınçış üçün, biz seni emne kılışıbız kerek?» – dep suraştı. Antkeni tolkun küçöp bara jatkan ele.

¹²Junus alarga mınday dedi: «Meni alıp, deŋizge ırgıtkıla. Oşondo deŋiz tınçıyt, antkeni bul katuu boroon menin ayımdan bolup jatkanın bilem».

¹³Birok al adamdar kurgaktıkka jetiş üçün, bardık küçü menen kalak şiltey baştaştı, birok jete alışkan jok, antkeni deŋizde alarga karşı tolkun küçödü.

¹⁴Oşondo alar Teŋirdi çakırıp: «Oo Teŋir, Senden suranabız, bul adamdın janı üçün biz kırılıp kalbasak eken, jazıksız kandı moynubuzga sala körbö, antkeni Sen, Teŋir, Özüŋö emne jaksa, oşonu kıldıŋ!» – deşti.

¹⁵Anan Junustu alıp, deŋizge ırgıtıştı. Oşondo deŋizdegi tolkun basıldı.

¹⁶Oşondo bul adamdar Teŋirden abdan korkup kalıştı. Teŋirge kurmandık çalıştı jana ubadalardı berişti.