Read NT LS 2005 – Инжил ЛС (2005 Junus 3 Bible Online

Junus 3 - NT LS 2005 – Инжил ЛС (2005 bible

Junus 3

¹Anan Junuska Teŋirden ekinçi jolu söz boldu:

²«Tur, uluu şaar Ninebige bar, Men saga emneni buyrusam, oşonun baarın oşol şaarda jarıyala».

³Oşondo Junus turup, Teŋirdin sözü boyunça Ninebige jönödü. Ninebi Kudaydın uluu şaarı ele, anın başınan ayagına çeyin jöö baskanda üç kündük jol ele.

⁴Junus şaardı aralap, bir kündö kança jol basuuga mümkün bolso, oşonço jol basıp: «Kırk kündön kiyin Ninebi talkalanat», – dep jar saldı.

⁵Oşondo ninebilikter Kudayga işenip kalıştı, orozo jarıyalaştı, kiçinesinen çoŋuna çeyin zumbal kiyişti.

⁶Bul söz Ninebi padışasına jetti, oşondo al tagınan turup, üstündögü padışa kiyimin çeçip, zumbal kiyip, külgö oturdu.

⁷Anan padışa özünün jana törölörünün atınan Ninebide mınday dep jar saluunu buyruk kıldı: «Adam da, mal da, ögüz da, koy da eç nerse jebesin, jayıtka çıkpasın, suu da içpesin.

⁸Adamdar da, mal da zumbal jamınıp, Kudayga bozdop jalınışsın, ar biri özünün jaman jolunan, zorduk-zombuluk işterinen baş tartsın.

⁹Kim bilet, balkim, Kuday boorukerdik kılıp, Özünün bizge karşı jalındagan kaarınan kaytar, biz ölböy kalarbız».

¹⁰Oşondo Kuday alardın işterin, jaman joldorunan burulganın körüp, alarga alaamat tüşüröm dep aytkan sözünö ökünüp, alaamat tüşürgön jok.