Read NT LS 2005 – Инжил ЛС (2005 Sandar 1 Bible Online

Sandar 1 - NT LS 2005 – Инжил ЛС (2005 bible

Sandar 1

¹Israyıl eli Misir jerinen çıkkandan kiyin, ekinçi jıldın ekinçi ayının birinçi künündö Sinay çölündö, jıyın çatırında Teŋir Musaga mınday dedi:

²«Arun ekööŋör Israyıldın bütkül jamaatındagı ar bir uruunu, ar bir üy-bülönü sanap çıkkıla. Erkek attuularının birin da kaltırbay, attarın atap sanap çıkkıla.

³Israyıl elinin jıyırma jana andan jogorku jaştagı soguşka jaraktuularının baarın koşuundarı boyunça sanap çıkkıla.

⁴Ar bir uruunun uruu başçısı silerge jardam bersin.

⁵Silerge jardamdaşa turgan erkekterdin attarı mınday: Rubeyin uruusunan Şedeyurdun uulu Elitsur,

⁶Şımon uruusunan Surişadaydın uulu Şelumiel,

⁷Jüyüt uruusunan Aminadaptın uulu Nahşon,

⁸İsahar uruusunan Suardın uulu Natanael,

⁹Zabulun uruusunan Heylondun uulu Eliyap,

¹⁰Jusuptun uuldarınan: Eprayım uruusunan Amiyuttun uulu Elişama, Menaşe uruusunan Pıdatsurdun uulu Gamliel,

¹¹Benjemin uruusunan Gidoninin uulu Abidan,

¹²Dan uruusunan Amişadaydın uulu Ahiezer,

¹³Aşır uruusunan Ohrandın uulu Pagiel,

¹⁴Gat uruusunan Rebueldin uulu Eliyasap,

¹⁵Naptalı uruusunan Eynandın uulu Akira.

¹⁶Bular – jamaattın tandalgan uuldarı, öz-öz uruularının uruu başçıları, Israyıl miŋ başıları».

¹⁷Musa menen Arun attarı atalgan uşul erkekterdi alıp jönöştü.

¹⁸Alar ekinçi aydın birinçi künü bütkül jamaattı jıynaştı. Oşondo alar jıyırma jana andan jogorku jaştagı erkek attuulardın birin kaltırbay, uruusu, üy-bülösü boyunça attarın atap sanap çıgıştı.

¹⁹Musa Teŋirdin aytkanınday kılıp, alardı Sinay çölündö sanap çıktı.

²⁰Oşondo Israyıldın tun uulu Rubeyinden taragan, jıyırma jana andan jogorku jaştagı soguşka jaraktuu erkek attuularının biri kalbay, uruusu, tukumu, üy-bülösü boyunça attarı ataldı.

²¹Rubeyin uruusundagı erkekterdin sanı kırk altı miŋ beş jüz boldu.

²²Şımondun uuldarınan taragan uruulardı öz-öz uruusu boyunça, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

²³Şımon uruusundagı erkekterdin sanı elüü toguz miŋ üç jüz boldu.

²⁴Gattın uuldarınan taragan uruulardı öz-öz uruusu boyunça, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

²⁵Gat uruusundagı erkekterdin sanı kırk beş miŋ altı jüz elüü boldu.

²⁶Jüyüttün uuldarınan taragan uruulardı öz-öz uruusu boyunça, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

²⁷Jüyüt uruusundagı erkekterdin sanı jetimiş tört miŋ altı jüz boldu.

²⁸İsahardın uuldarınan taragan uruulardı öz-öz uruusu boyunça, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

²⁹İsahar uruusundagı erkekterdin sanı elüü tört miŋ tört jüz boldu.

³⁰Zabulundun uuldarınan taragan uruulardı öz-öz uruusu boyunça, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

³¹Zabulun uruusundagı erkekterdin sanı elüü jeti miŋ tört jüz boldu.

³²Jusuptun uulu Eprayımdın uuldarınan taragan uruulardı öz-öz uruusu, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

³³Eprayım uruusundagı erkekterdin sanı kırk miŋ beş jüz boldu.

³⁴Jusuptun uulu Menaşenin uuldarınan taragan uruulardı öz-öz uruusu, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

³⁵Menaşe uruusundagı erkekterdin sanı otuz eki miŋ eki jüz boldu.

³⁶Benjemindin uuldarınan taragan uruulardı öz-öz uruusu, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

³⁷Benjemin uruusundagı erkekterdin sanı otuz beş miŋ tört jüz boldu.

³⁸Dandın uuldarınan taragan uruulardı öz-öz uruusu, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

³⁹Dan uruusundagı erkekterdin sanı altımış eki miŋ jeti jüz boldu.

⁴⁰Aşırdın uuldarınan taragan uruulardı öz-öz uruusu, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

⁴¹Aşır uruusundagı erkekterdin sanı kırk bir miŋ beş jüz boldu.

⁴²Naptalının uuldarınan taragan uruulardı öz-öz uruusu, üy-bülösü boyunça jıyırma jana andan jogorku jaştagı soguşka jaraktuu erkek attuularının birin kaltırbay, attarın atap sanap çıgıştı.

⁴³Naptalı uruusundagı erkekterdin sanı elüü üç miŋ tört jüz boldu.

⁴⁴Sanakka kirgender mına uşular. Alardı Musa menen Arun jana Israyıldın uruu başçıları – on eki uruu başçı sanap çıgıştı.

⁴⁵Alar Israyıl uuldarının soguşka jaraktuu jıyırma jana andan jogorku jaştagı erkek attuularının baarın üy-bülösü boyunça sanap çıgıştı.

⁴⁶Alardın jalpı sanı altı jüz üç miŋ beş jüz elüü boldu.

⁴⁷Lebi uruusu alar menen koşo sanakka kirgen jok.

⁴⁸Antkeni Teŋir Musaga mınday dep aytkan:

⁴⁹«Lebi uruusun gana tizmege kirgizbe, Israyıl uuldarınday kılıp alardı sanaba.

⁵⁰Lebilerge jıyın çatırın jana aga tieşelüü bardık nerselerdi tapşırıp ber. Alar jıyın çatırın jana aga tieşelüü nerselerdin baarın kötörüp jürüşsün, oşol jerde kızmat kılışsın jana anın tegeregine özdörünün stanın jaygaştırışsın.

⁵¹Jıyın çatırın köçürgöndö, lebiler jıynaştırsın; jıyın çatırın ornotkondo, lebiler ornotsun. Egerde bul işke lebilerden bölök biröö jakındasa, al ölüm jazasına tartılsın.

⁵²Israyıl uuldarı öz stanının, öz tuusunun janında turuşsun.

⁵³Teŋirdin kaarı Israyıl uuldarına tögülböş üçün, lebiler öz standarın jıyın çatırının tegeregine jaygaştırışsın. Lebiler jıyın çatırının janında küzöttö turuşsun».

⁵⁴Teŋir Musaga kanday buyrusa, Israyıl uuldarı oşondoy kılıştı.