Read NT LS 2005 – Инжил ЛС (2005 Sandar 10 Bible Online

Sandar 10 - NT LS 2005 – Инжил ЛС (2005 bible

Sandar 10

¹Teŋir Musaga dagı mınday dedi:

²«Kümüştön eki surnay jasa, alardı çegip jasa. Surnaylardı sen jamaattı çakırış üçün, standı ordunan jıldırış üçün koldon.

³Surnaylar tartılganda, bütkül jamaat jıyın çatırının aldına çogulat.

⁴Bir surnay tartılganda, törölör menen Israyıldın miŋ başıları çogulat.

⁵Surnaydı üzüp-üzüp tartkanda, jıyın çatırının çıgış tarabında turgan standar kozgolot.

⁶Surnaydı ekinçi iret üzüp-üzüp tartkanda, jıyın çatırının tüştük tarabında turgan standar kozgolot. Stan jolgo çıgarda, surnaylardı üzüp-üzüp tartışsın.

⁷Eldi jıyınga çakırarda, surnaylardı üzböy tartkıla.

⁸Surnaylardı Arundun uuldarı – ıyık kızmat kıluuçular gana tartışsın. Bul körsötmö silerdin ukum-tukumuŋarga tübölük kalsın.

⁹Jeriŋerge kol salgan duşmandarıŋar menen soguşarda, surnaylarıŋardı üzüp-üzüp tartkıla, oşondo Kuday-Teŋiriŋer silerdi estep, duşmandarıŋardan kutkarat.

¹⁰Köŋül açkan kündörüŋördö, mayramdarıŋarda, ay jaŋırganda, bütündöy örttölüüçü kurmandıktar menen tınçtık kurmandıktarın çalganıŋarda, surnaylarıŋardı tartkıla. Bul surnay silerdi Kudayıŋar esine alışı üçün tartılat. Men silerdin Kuday-Teŋiriŋermin».

¹¹Ekinçi jıldın ekinçi ayının jıyırmançı künü jıyın çatırının üstünön bulut kötörüldü.

¹²Oşondo Israyıl uuldarı stanı menen Sinay çölünön çıgıştı. Bulut bolso Paran çölünö kelip toktodu.

¹³Oşentip, alar birinçi jolu Teŋirdin Musa arkıluu bergen buyrugu boyunça jolgo çıgıştı.

¹⁴Birinçi bolup Jüyüt stanı tuusun kötörüp, koşuundarı menen jolgo çıktı. Alardın koşuun başında Aminadaptın uulu Nahşon turdu.

¹⁵İsahar uruusunun koşuun başında Suardın uulu Natanael turdu.

¹⁶Zabulun uuldarının koşuun başında Heylondun uulu Eliyap turdu.

¹⁷Jıyın çatırı çeçilgenden kiyin, anı Geyirşon uuldarı menen Merari uuldarı kötörüp jönöştü.

¹⁸Anan Rubeyin stanı tuusun kötörüp, koşuundarı menen jolgo çıktı. Alardın koşuun başında Şedeyurdun uulu Elitsur turdu.

¹⁹Şımon uuldarının koşuun başında Surişadaydın uulu Şelumiel turdu.

²⁰Gat uuldarının koşuun başında Rebueldin uulu Eliyasap turdu.

²¹Andan kiyin ıyık jaydı kötörgön Kaattın uuldarı jönöştü. Jıyın çatırın bolso alar kelgiçe ornotup koyuşçu.

²²Anan Eprayım stanı tuusun kötörüp, koşuundarı menen jolgo çıktı. Alardın koşuun başında Amiyuttun uulu Elişama turdu.

²³Menaşe uuldarının koşuun başında Pıdatsurdun uulu Gamliel turdu.

²⁴Benjemin uuldarının koşuun başında Gidoninin uulu Abidan turdu.

²⁵Akırkı bolup Dan stanı tuusun kötörüp, koşuundarı menen jolgo çıktı. Alardın koşuun başında Amişadaydın uulu Ahiezer turdu.

²⁶Aşır uuldarının koşuun başında Ohrandın uulu Pagiel turdu.

²⁷Naptalı uuldarının koşuun başında Eynandın uulu Akira turdu.

²⁸Israyıl uuldarının koşuundarı uşunday tartip menen jolgo çıgıştı.

²⁹Oşondo Musa midiandık tuuganı Rebueldin uulu Hobapka mınday dedi: «Biz azır Teŋir berem dep ubada kılgan jerge jönöybüz. Biz menen jür, biz saga jakşılık kılabız, antkeni Teŋir Israyılga jakşılık ubada kılgan».

³⁰Birok al: «Barbaym, men öz jerime, öz mekenime baram», – dedi.

³¹Oşondo Musa aga mınday dedi: «Bizdi taştaba, antkeni sen stanıbızdı çöldö kantip jaygaştırıp jatkanıbızdı bilesiŋ, bizge jol körsötüüçü bol.

³²Egerde biz menen barsaŋ, Teŋirdin bizge kıla turgan jakşılıgına ülüştöş bolosuŋ».

³³Anan alar Teŋirdin toosunan jolgo çıgıp, üç kün jol jürüştü. Teŋirdin kelişim sandıgın kötörgöndör koşuun toktoy turgan jerdi tabış üçün, üç kün boyu aldıda jol jürüştü.

³⁴Alar jolgo çıkkanda, kündüz Teŋirdin bulutu alarga jol körsötüp turdu.

³⁵Kelişim sandıgın kötörgöndör jolgo çıkkanda, Musa mınday deçü: «Teŋir, orduŋan tur! Sen orduŋan turganda, Senin duşmandarıŋ çaçırap ketsin, Seni jek körgöndör Senin jüzüŋdön kaçsın!»

³⁶Kelişim sandıgın kötörgöndör toktogondo, Musa mınday deçü: «Teŋir, miŋdegen, tümöndögön Israyıl uuldarına kayrılıp kel!»