Read NT LS 2005 – Инжил ЛС (2005 Sandar 13 Bible Online

Sandar 13 - NT LS 2005 – Инжил ЛС (2005 bible

Sandar 13

¹Oşondon kiyin el Hatseyrotton çıgıp, Paran çölünö kelip toktodu.

²Oşondo Teŋir Musaga mınday dedi:

³«Men Israyıl uuldarına berip jatkan Kanaan jerin körüp kelüügö kişi jiber. Ar bir uruudan birden kişi jiber, alar uruu başçılarınan bolsun».

⁴Musa alardı Teŋirdin buyrugu boyunça Paran çölünön jönöttü, alardın baarı Israyıl uuldarının başçıları ele.

⁵Alardın attarı mınday: Rubeyin uruusunan Zakurdun uulu Şamuya,

⁶Şımon uruusunan Horinin uulu Şapat,

⁷Jüyüt uruusunan Jepundun uulu Kalep,

⁸İsahar uruusunan Jusuptun uulu İgal,

⁹Eprayım uruusunan Nundun uulu Oşuya,

¹⁰Benjemin uruusunan Rapanın uulu Paltiy,

¹¹Zabulun uruusunan Sodinin uulu Gadiel,

¹²Jusuptan taragan Menaşe uruusunan Susinin uulu Gadi,

¹³Dan uruusunan Gemalinin uulu Amiel,

¹⁴Aşır uruusunan Mihaeldin uulu Setur,

¹⁵Naptalı uruusunan Bopsinin uulu Nahbiy,

¹⁶Gat uruusunan Mahinin uulu Guel.

¹⁷Musa jerdi körüp kelüügö jibergen adamdardın attarı uşular. Oşondo Musa Nundun uulu Oşuyaga Jaşıya degen at koydu.

¹⁸Musa alardı Kanaan jerin körüp kelüügö jönötüp jatıp, mınday dedi: «Tüştük taraptagı oşol ölkögö barıp, toosuna çıgıp,

¹⁹jerin karap körgülö. Anda jaşagan el küçtüübü je alsızbı, köppü je azbı, bilip kelgile.

²⁰Al el jaşagan jer jakşıbı je jamanbı, jaşagan şaarları kanday, al el çatırlarda jaşaybı je çeptüü jerdebi, bilip kelgile.

²¹Al jerdin topuragı semizbi, arıkpı, bak-darak ösöbü je jokpu, bilip kelgile. Kayrattuu bolgula, al jerdin mömö-jemişterinen ala kelgile». Bul ubak jüzüm bışkan maal ele.

²²Oşentip, alar jolgo çıgıp, Sin çölünön Hamattın janındagı Rehopko çeyinki jerlerdi karap çıgıştı.

²³Anan tüştüktü karay bet alıp, Anaktın tukumdarı Akiman, Şeyşay, Talmay jaşagan Hebrongo çeyin barıştı. Hebron bolso Misirdegi Soan şaarınan jeti jıl murda kurulgan ele.

²⁴Anan Eşkol öröönünö barıp, bir şiŋgil jüzümdü kıyıp alıp, şırgıyga ilip, eki kişi kötördü. Alar anar, anjır mömölörün da alıştı.

²⁵Israyıl uuldarı oşol jerden jüzüm şiŋgilin kıyıp algandıktan, al örööndü Eşkol dep ataştı.

²⁶Oşentip, alar jerdi karap çıgıp, kırk kündön kiyin kaytıp kelişti.

²⁷Alar Paran çölünö, Kadeşke, Musa menen Arunga jana Israyıl uuldarının jamaatına kelip, alarga körgöndörün aytıp berişti jana al jerdin jemişterin körsötüştü.

²⁸Alar Musaga mınday dep aytıp berişti: «Sen bizdi jibergen jerge barıp keldik, çın ele, al jer süt menen bal akkan jer eken, al jerdin jemişteri mına.

²⁹Birok al jerde jaşagan el küçtüü eken, şaarları da ötö çoŋ, çep menen kurçalgan eken. Biz al jerden Anaktın tukumun da kördük.

³⁰Al jerdin tüştük jagında amalıktıktar, toolorunda hettikter, jebustuktar jana amorluktar, deŋiz jeegi menen İordan boyunda kanaandıktar jaşaşat eken».

³¹Birok Kalep Musanın aldında turgan eldi tınçtandırıp: «Jürgülö, al jerdi eelep alalı, antkeni biz al jerdi oŋoy ele basıp ala alabız», – dedi.

³²Anı menen barıp kelgender bolso: «Jok, biz al jerdin elderine karşı bara albaybız, antkeni alar bizden alda kança küçtüü eken», – deşti.

³³Oşentip, alar karap kelgen jerleri jönündö Israyıl uuldarının arasına mınday jaman söz taratıştı: «Biz karap çıkkan jerler kızıl kırgın, kara sürgün ketpegen jerler eken, biz körgön kişilerdin bardıgı alp kişiler eken.

³⁴Al jerden biz Anaktın alp tukumunan çıkkan alptardı kördük, alardın janında biz özübüzdü çegirtkedey sezdik, alardın közünö da çegirtkedey köründük».