Read NT LS 2005 – Инжил ЛС (2005 Sandar 15 Bible Online

Sandar 15 - NT LS 2005 – Инжил ЛС (2005 bible

Sandar 15

¹Teŋir Musaga mınday dedi:

²«Israyıl uuldarına mınday dep ayt: “Siler Men berip jatkan jerge kirgeniŋerde,

³Teŋirge jıtı jakkan kurmandık alıp kelüü üçün, bütündöy örttölüüçü kurmandıkka, je ubada boyunça, je öz kaaloosu boyunça çalınuuçu kurmandıkka, je mayramdarda çalınuuçu kurmandıkka bodo jana mayda maldan çalasıŋar.

⁴Oşondo Teŋirge arnap kurmandık çaluuçu adam nan kurmandıgına gindin törttön bir bölügünçölük zaytun mayı koşulgan eypanın ondon bir bölügünçölük buuday unun alıp kelişi kerek.

⁵Bütündöy örttölüüçü kurmandıkka je başka kurmandıktarga çalınuuçu kozulardı alıp kelgende, ar bir kozu menen koşo kuyuluuçu kurmandıkka gindin törttön bir bölügünçölük şarap alıp kel.

⁶Kurmandıkka çalınuuçu koçkor menen koşo nan kurmandıgına gindin üçtön bir bölügünçölük zaytun mayı koşulgan eypanın ondon eki bölügünçölük buuday unun alıp kel.

⁷Jıtı Teŋirge jakkan kuyuluuçu kurmandıkka gindin üçtön bir bölügünçölük şarap alıp kel.

⁸Egerde Teŋirge arnap bütündöy örttölüüçü kurmandıkka, je ubada boyunça çalınuuçu kurmandıkka, je tınçtık kurmandıgına jaş ögüz alıp kele turgan bolsoŋ,

⁹anda ögüz menen birge nan kurmandıgına jarım gin zaytun mayı koşulgan eypanın ondon üç bölügünçölük buuday unun,

¹⁰oşondoy ele jıtı Teŋirge jakkan kuyuluuçu kurmandıkka jarım gin şarap alıp kel.

¹¹Ögüz, koçkor, kozu je ulak alıp kelgen sayın uşunday kıl.

¹²Alıp kelgen ar bir kurmandıgıŋardın sanına jaraşa uşunday ölçömdögü kurmandıktardı koşup alıp kelgile.

¹³Jıtı Teŋirge jakkan kurmandık alıp kelgen Israyıl elinin ar bir turgunu mına uşunday kılsın.

¹⁴Egerde silerdin araŋarda jaşagan kelgin je silerdin uruuŋarda jaşagan kim bolbosun, jıtı Teŋirge jakkan kurmandık alıp kele turgan bolso, al da siler kılgandı kılsın.

¹⁵Teŋirdin jamaatı bolgon siler üçün da, silerdin araŋarda jaşagan kelgin üçün da birdey mıyzam, bul mıyzam silerdin ukum-tukumuŋarga tübölük kalsın. Siler Teŋirdin aldında kanday bolsoŋor, kelginder da oşondoy.

¹⁶Silerge da, silerdin araŋarda jaşagan kelginge da mıyzam menen ukuk birdey”».

¹⁷Teŋir Musaga mınday dedi:

¹⁸«Israyıl uuldarına mınday dep ayt: “Men silerdi alıp bara jatkan jerge barganıŋarda,

¹⁹al jerdin nanın jegeniŋerde, Teŋirge arnap kurmandık alıp kelgile.

²⁰Birinçi kamırıŋardan jasalgan tokoçtu öydö kötörülüüçü kurmandıkka alıp kelgile. Anı kırmandan alıp kelgen kurmandık sıyaktuu öydö kötörgülö.

²¹Birinçi kamırıŋardan jasalgan tokoçtu Teŋirge arnap öydö kötörüp alıp kelgile. Ukum-tukumuŋar da uşunday kılsın.

²²Egerde Teŋirdin Musaga aytkan osuyattarının baarın bilbestikten buzsaŋar,

²³Teŋirdin Musa arkıluu osuyattagan kününön tartıp, Teŋirdin osuyattarının baarın atkarbasaŋar, kiyinki tukumuŋar atkarbasa,

²⁴egerde jamaattın baykabastıgınan jaŋılıştık ketken bolso, anda büt jamaat jıtı Teŋirge jakkan bütündöy örttölüüçü kurmandıkka bir jaş ögüz, anı menen koşo belgilengen sanda nan kurmandıgın jana kuyuluuçu kurmandık alıp kelsin, oşondoy ele künöö üçün çalınuuçu kurmandıkka bir teke alıp kelsin.

²⁵Anan ıyık kızmat kıluuçu Israyıl uuldarının büt jamaatın künöödön tazalasın, oşondo alarga keçirim bolot, antkeni alar munu jaŋılıştık menen kılışkan, oşonduktan alar özdörünün künöösü üçün, jaŋılıştıgı üçün Teŋirge arnap, Teŋirdin aldına kurmandık alıp kelişsin.

²⁶Oşondo Israyıl uuldarının büt jamaatına jana alardın arasında jaşagan kelginderge keçirim bolot, antkeni munu jalpı el jaŋılıştık menen kılgan.

²⁷Egerde bir adam bilbestikten künöö kılsa, anda al künöösü üçün bir jıldık eçkini kurmandıkka çalsın.

²⁸Bilbestikten künöö kılgan adamdı ıyık kızmat kıluuçu Teŋirdin aldında tazalasın, oşondo al tazalanat jana aga keçirim bolot.

²⁹Bilbestikten künöö kılgan adam Israyıl uuldarının jergiliktüü turgunu bolobu, alardın arasında jaşap jatkan kelgin bolobu, silerde bir mıyzam bolsun.

³⁰Jergiliktüü turgun bolobu, kelgin bolobu, bilip turup künöö kılsa, anda al Teŋirge akarat keltirgen bolot. Al adam öz elinin arasınan jok kılınsın.

³¹Antkeni al Teŋirdin sözün jek körüp, Anın osuyatın buzdu. Al adam jok kılınsın, öz künöösü öz moynunda”».

³²Israyıl uuldarı çöldö jürgöndö, işembi künü otun terip jürgön kişini körüp kalıştı.

³³Körüp kalgandar otun terip jürgön kişini Musa menen Arunga jana büt jamaat aldına alıp kelip,

³⁴anı kamatıp koyuştu, antkeni anı emne kıluu kerek ekeni ali anıktala elek bolçu.

³⁵Oşondo Teŋir Musaga mınday dedi: «Bul adam ölüm jazasına tartılsın. Anı standın sırtına alıp çıgıp, büt jamaat taş baraŋga alsın».

³⁶Teŋir Musaga buyruganday, büt jamaat anı standın sırtına alıp çıgıp, taş baraŋga alıp öltürüştü.

³⁷Teŋir Musaga mınday dedi:

³⁸«Israyıl uuldarına mınday dep ayt: Alar ukumdan-tukumga kiyimderinin etegine çaçılardı jasaşsın, kiyimderinin etegindegi oşol çaçılarga kök jündön jasalgan jip koşuşsun.

³⁹Çaçılardagı kök jip, siler anı körgöndö Teŋirdin bardık osuyattarın estep, atkarışıŋar üçün, silerdi buzuktukka türtkön jürögüŋör menen közüŋördün kaaloosun atkarbaşıŋar üçün,

⁴⁰Menin bardık osuyattarımdı atkarışıŋar üçün, Kudayıŋardın aldında ıyık boluşuŋar üçün koşulat.

⁴¹Silerdin Kudayıŋar boluş üçün, silerdi Misir jerinen alıp çıkkan Kuday-Teŋiriŋer Menmin. Silerdin Kuday-Teŋiriŋer Menmin».