Read NT LS 2005 – Инжил ЛС (2005 Sandar 19 Bible Online

Sandar 19 - NT LS 2005 – Инжил ЛС (2005 bible

Sandar 19

¹Teŋir Musa menen Arunga mınday dedi:

²«Teŋirdin osuyat kılgan mıyzamı bul: “Israyıl uuldarına ayt, alar saga kemçiliksiz, mayıp emes, moyunturuk salınbagan küröŋ kunajın alıp kelişsin.

³Anan anı standın sırtına alıp çıgıp, Elazardın köz aldında soyuşsun.

⁴Anan ıyık kızmat kıluuçu Elazar anın kanına söömöyün malıp, jıyın çatırının aldına jeti jolu çaçsın.

⁵Anan kunajındı anın köz aldında örttöşsün: terisin da, etin da, kanın da, kan-jinin da örttöşsün.

⁶Anan ıyık kızmat kıluuçu kedr jıgaçın, issop jana koçkul kızıl jündön jasalgan jip alıp, küyüp jatkan kunajındın üstünö taştasın.

⁷Anan ıyık kızmat kıluuçu kiyimin jana denesin suuga juup, stanga kelsin. Al keçke çeyin taza emes bolot.

⁸Anı örttögön adam kiyimderin, denesin suuga juusun, al keçke çeyin taza emes bolot.

⁹Anan taza adam örttölgön kunajındın külün çogultup, standın sırtındagı taza jerge koysun. Al Israyıl uuldarının jamaatı üçün, tazartuuçu suu üçün saktalsın. Bul – künöö üçün çalıngan kurmandık.

¹⁰Anan kunajındın külün çogultkan kişi kiyimderin juusun, al keçke çeyin taza emes bolot. Bul Israyıl uuldarı üçün jana alar menen jaşagan kelginder üçün tübölük mıyzam bolsun.

¹¹Kim ölgön kişinin denesine tiyse, al jeti kün taza emes bolot.

¹²Bul suu menen al özün üçünçü jana jetinçi künü tazalasın, oşondo taza bolot. Egerde al üçünçü künü jana jetinçi künü tazalanbasa, taza bolboyt.

¹³Ölgön kişinin denesine kolun tiygizip, birok özün tazalabagan adam Teŋirdin ıyık jayın bulgagan bolot, al Israyıl elinin arasınan jok kılınsın, antkeni aga tazartuuçu suu çaçılgan emes, al taza emes, anın taza emestigi özündö kaldı.

¹⁴Mıyzam mınday: Egerde adam çatırda ölsö, anda çatırga kirgendin baarı jana çatırdagılardın baarı jeti kün boyu taza emes bolot.

¹⁵Oozu baylanbagan jana üstü jabılbagan açık idişterdin baarı taza emes bolot.

¹⁶Talaada kılıçtan ölgön adamga je ölgön adamga, je ölgön adamdın söögünö, je mürzösünö tiygen adam jeti kün taza emes bolot.

¹⁷Taza emes adamdı tazalaş üçün, künöö üçün örttölgön janagı kurmandıktın külün alıp, idişke salıp, üstünö agın suudan kuysun.

¹⁸Anan taza adam issopton bir tutam alıp, anı suuga malıp, çatırga jana çatırdın içindegi idişterge, kişilerge, ölgön adamdın söögünö, je öltürülgön adamga, je ölgön adamga, je tabıtka tiygen adamga çaçsın.

¹⁹Taza adam taza emes adamga üçünçü jana jetinçi künü oşentip çaçsın, jetinçi künü anı tazartsın. Anan al kiyimin, denesin suu menen juusun, al keçinde taza bolot.

²⁰Kim taza emes bolup turup özün tazartpasa, al el içinen jok kılınsın, antkeni al Teŋirdin ıyık jayın bulgadı, aga tazartuuçu suu çaçılgan emes, al taza emes.

²¹Bul alar üçün tübölüktüü mıyzam bolsun. Tazartuuçu suu çaçkan adam da kiyimin juusun. Tazartuuçu suuga tiygen adam keçke çeyin taza emes bolot.

²²Taza emes adam emnege tiyse, oşonun baarı taza emes bolot. Taza emes adamga tiygen adam da keçke çeyin taza emes bolot”».