Read NT LS 2005 – Инжил ЛС (2005 Sandar 21 Bible Online

Sandar 21 - NT LS 2005 – Инжил ЛС (2005 bible

Sandar 21

¹Tüştük tarapta jaşagan Kanaan padışası Aratta Israyıl elinin Atarimge barçu jol menen kelatkanın ugup, alarga karşı soguş açıp, alardın bir neçe kişisin tutkunga aldı.

²Oşondo Israyıl eli Teŋirge mınday dep ubada berdi: «Egerde bul eldi menin koluma salıp berseŋ, anda bulardın şaarların talkalaym».

³Teŋir Israyıl elinin ünün ugup, kanaandıktardı anın koluna salıp berdi. Israyıldıktar alardı şaarları menen koşo talkalap jok kılıştı. Oşonduktan al jerdi Horma dep ataştı.

⁴Edom jerin aylanıp ötüş üçün, alar Or toosunan Kızıl deŋizge karay ketken jol menen jönöştü. Joldo eldin çıdamı kete baştadı.

⁵Alar Kudayga karşı, Musaga karşı mınday dep naalıştı: «Bizdi Misir jerinen çöldö ölsün dep alıp çıktıŋar bele? Antkeni bul jerde nan da, suu da jok, bul jarıbagan tamak köŋülübüzgö tiydi».

⁶Oşondo Teŋir elge uuluu jılandardı jiberdi. Alar Israyıl uuldarın çagıştı, oşondo alardın bir tobu öldü.

⁷Anan el Musaga kelip, mınday dedi: «Biz Teŋirge jana saga karşı süylöp, künöögö battık. Teŋirge sıyınçı, Al jılandardı jogotsun». Oşondo Musa el üçün sıyındı.

⁸Teŋir Musaga mınday dedi: «Jezden jılan jasap, şırgıyga kadap koy, jılan çakkan kişi anı bir karasa ele, tirüü kalat».

⁹Musa jezden jılan jasap, şırgıyga kadap koydu. Jılan çakkan kişi jez jılandı karap, tirüü kalıp jattı.

¹⁰Israyıl uuldarı jolgo çıgıp, Obotko kelip toktoştu.

¹¹Obotton çıgıp, Jey-Abarimge kelip toktoştu, al kün çıgışta, Maaptın karşısındagı çöldö jaygaşkan.

¹²Al jerden çıgıp, Zeret öröönünö kelip toktoştu.

¹³Al jerden çıgıp, Arnon suusunun amorluktardın çek arasına kirbegen jagındagı çölgö kelip toktoştu, antkeni Arnon suusu Maap menen amorluktardın ortosunda jatkan Maaptın çek arası bolçu.

¹⁴Oşonduktan Teŋirdin soguştarı kitebinde mınday dep aytılgan:

¹⁵«Kızıl deŋizdegi Bayep jana Arnon suuları, alardın Şebet-Arga tüşkön jogorku başattarı Maap menen çekteşip turat».

¹⁶Al jerden Beyirge bet alıştı. Teŋir Musaga «Eliŋdi çogult, Men alarga suu berem» dep aytkan kuduk uşul.

¹⁷Oşondo Israyıl mınday dep ırdadı: «Tol, tol kuduk! Al jönündö ırdagıla!

¹⁸Bul – törölör jana el başçılar özdörünün mıyzam tayaktarı menen kazgan kuduk». Bul çöldön çıgıp, Matanga bet alıştı.

¹⁹Matandan Nahalielge, Nahalielden Bamotko jönöştü.

²⁰Bamotton çıgıp, Maap jerindegi Pizgi toosunun çokusundagı çöldü karagan Ayga jönöştü.

²¹Israyıl amorluktardın padışası Sihongo mınday dep ayttırganı elçilerin jiberdi:

²²«Maga senin jeriŋ arkıluu ötüügö uruksat et. Egin talaalarıŋ menen jüzümzarlarıŋdı aralap ötpöybüz, kuduktarıŋdan da suu içpeybiz. Jeriŋden padışanın jolu menen gana ötüp ketebiz».

²³Birok Sihon Israyıl uuldarına öz jeri arkıluu ötüügö uruksat berbey koydu. Al özünün elin çogultup, çöldö Israyıl eline karşı çıgıp, Jaaska çeyin kelip, Israyıl eli menen salgılaştı.

²⁴Israyıl anı kılıçı menen kıyratıp, Arnondon Jabokko çeyinki, anın amonduktardın çek arasına çeyinki jerlerin basıp aldı, antkeni amonduktardın çek arası bekem bolçu.

²⁵Oşentip, Israyıl uşul şaarlardın baarın eelep aldı. Israyıl amorluktardın bardık şaarlarında, Keşpondo jana aga karaştuu bardık şaarlarda jaşap turdu.

²⁶Antkeni Keşpon amorluktardın padışası Sihondun şaarı ele. Al maaptıktardın murunku padışası menen soguşup, anın Arnongo çeyinki jerinin baarın tartıp algan.

²⁷Oşonduktan ırçılar mınday dep ırdaşat: «Keşpongo kelgile, Sihondun şaarın kayradan kurgula, tegerete bekemdegile.

²⁸Antkeni Keşpondon çıkkan ot, Sihondun şaarınan çıkkan jalın Ar-Maaptı jana Arnondun biyiktikterin eelep jatkandardı jalmadı.

²⁹Maap, saga kaygı! Kemoş eli, kıyradıŋ! Uuldarıŋ kaçıp jönöştü, kızdarıŋ bolso Amor padışası Sihondun tutkunu bolup kalıştı.

³⁰Biz alardı jebe menen kıyrattık. Keşpon Dibongo çeyin kıyradı, biz alardı Meydebanın janındagı Nopahka çeyin kıyrattık».

³¹Oşentip, Israyıl amorluktardın jerinde jaşap turdu.

³²Musa Jazerdi körüp kelüügö kişi jiberdi. Anan alar aga karaştuu ayıl-kıştaktardı basıp alıştı, al jerlerde jaşagan amorluktardı kuup çıgıştı.

³³Anan artka kayrılıp, Başandı közdöy jönöştü. Oşondo Başan padışası Og büt eli menen alarga karşı çıgıp, Edreydin janında salgılaştı.

³⁴Oşondo Teŋir Musaga: «Sen andan korkpo, antkeni Men anın özün, büt elin, büt jerin senin koluŋa salıp berem. Keşpondo jaşagan Amor padışası Sihondu kanday kılsaŋ, munu da tak oşondoy kılasıŋ», – dedi.

³⁵Oşentip, ısrayıldıktar anın özün, uuldarın, büt elin birin kaltırbay kıyratıştı, anın jerlerin eelep alıştı.