Read NT LS 2005 – Инжил ЛС (2005 Sandar 22 Bible Online

Sandar 22 - NT LS 2005 – Инжил ЛС (2005 bible

Sandar 22

¹Israyıl uuldarı jolgo çıgışıp, Jerihonun karşısındagı İordan suusunun boyuna, Maap tüzdügünö kelip toktoştu.

²Sipordun uulu Balak Israyıl elinin amorluktarga emne kılganın kördü.

³Maap eli bul elden abdan korktu, sebebi eldin sanı köp ele. Maap eli Israyıl uuldarınan abdan korktu.

⁴Oşondo maaptıktar Midian aksakaldarına mınday deşti: «Ögüz talaadagı çöptü kanday kaysasa, emi bul el da bizdin aylanabızdı oşondoy kaysayt». Oşol ubakta Sipordun uulu Balak Maap elinin padışası bolçu.

⁵Al Eprat darıyasının boyundagı Pıtordo, özünün elinin jerinde jaşagan Beyordun uulu Bilamdı çakırtıp mınday dep ayttırış üçün elçilerdi jiberdi: «Misir jerinen bir el kelip, jerdin betin kaptap, menin janımda jaşap kaldı.

⁶Kelip, uşul eldi kargap ber, antkeni bul el menden alda kança küçtüü. Balkim, bul eldi kıyratıp, jerimden kuup çıkkanga oşondo küçüm jeter. Sen kimge bata berseŋ, al bata aların, kimdi kargasaŋ, al kargışka kaların men bilem».

⁷Anan Maap aksakaldarı menen Midian aksakaldarı sıykırçılık kıldırış üçün, belekterin kötörüp, Bilamga kelişip, Balaktın aytkan sözdörün aga aytıp berişti.

⁸Oşondo Bilam alarga mınday dedi: «Uşul jerge tünöp kalgıla. Teŋir maga kanday aytsa, silerge oşondoy joop berem». Maap aksakaldarı Bilamdıkında tünöp kalıştı.

⁹Kuday Bilamga kelip, mınday dep suradı: «Senikinde tünöp kalgan kaysı kişiler?»

¹⁰Bilam Kudayga mınday dep joop berdi: «Bulardı maaptıktardın padışası Sipordun uulu Balak mınday dep ayttırış üçün maga jiberiptir:

¹¹“Misir jerinen bir el kelip, jer betin kaptap kaldı. Kelip, bul eldi kargap ber. Balkim, men oşondo bular menen soguşuuga jarap, jerimden kuup çıgarmın”».

¹²Oşondo Kuday Bilamga mınday dedi: «Bular menen barba, al eldi kargaba, antkeni al el – bata algan el».

¹³Bilam erteŋ menen turup, Balaktın törölörünö mınday dedi: «Jeriŋerge kete bergile, antkeni Teŋir menin siler menen barışımdı kaalagan jok».

¹⁴Maap törölörü ordularınan turup, Balakka kelip, mınday deşti: «Bilam biz menen kelüügö makul bolboy koydu».

¹⁵Balak alardan da ataktuu, kadır-barktuu törölördü jiberdi.

¹⁶Alar Bilamga kelip, mınday deşti: «Sipordun uulu Balak: “Maga kelbey koybo.

¹⁷Saga çoŋ sıy körsötöm, sen maga emne aytsaŋ, oşonun bardıgın jasaym. Kelip, bul eldi kargap ber”, – dep jatat».

¹⁸Balaktın kuldarına Bilam mınday dep joop berdi: «Balak maga altın-kümüşkö tolgon üyün berse da, Kuday-Teŋirimdin buyrugun attap, çoŋ da, kiçine da iş kıla albaym.

¹⁹Oşentse da, mında tünöp kalgıla. Teŋir maga dagı emne deer eken, oşonu bileyin».

²⁰Kuday tün içinde Bilamga kelip, mınday dedi: «Bul kişiler seni çakırıp kelse, orduŋan turup, bular menen jönö, birok Men aytkandı gana kıl».

²¹Bilam ertesi erteŋ menen turup, eşegin tokup, Maap törölörü menen jönödü.

²²Anın ketkenine Kuday kaardandı. Oşondo aga toskoolduk kılış üçün, Teŋirdin periştesi aldınan çıktı. Bilam özünün urgaaçı eşegin minip baratkan, janında eki malayı bar ele.

²³Oşondo eşegi koluna kılıç karmap jolunda turgan Teŋirdin periştesin körüp, joldon burulup, talaaga saldı. Bilam bolso eşegin jolgo kayrış üçün sabap kirdi.

²⁴Teŋirdin periştesi jüzümzarlardın ortosundagı kuuş joldo turup kaldı. Joldun eki tarabı teŋ dubal ele.

²⁵Eşek Teŋirdin periştesin körgöndö, dubal jakka ıktap, Bilamdın butun kısıp saldı. Bilam dagı sabap kirdi.

²⁶Teŋirdin periştesi bolso al jerden jılıp, oŋgo da, solgo da burula algıs tar jerge turup aldı.

²⁷Bilam minip turgan eşek Teŋirdin periştesin körüp, jata kaldı. Bilamdın kaarı kaynap, eşekti tayak menen sabap kirdi.

²⁸Oşondo Teŋir eşekke til kirgizdi. Eşek Bilamga mınday dedi: «Meni üçünçü iret sabap jatasıŋ, men saga emne kıldım?»

²⁹Bilam eşekke: «Meni keleke kılganıŋ üçün sabadım. Egerde kolumda kılıç bolso, başıŋdı azır ele kıya çapmakmın», – dedi.

³⁰Eşek bolso Bilamga: «Uşul küngö çeyin özüŋ minip jürgön aldıŋdagı eşegiŋ men emes belem, saga uşinte turgan önökötüm bar bele?» – dedi. Bilam: «Jok!» – dedi.

³¹Teŋir Bilamdın közün açtı. Al koluna jalaŋdagan kılıç karmap joldo turgan Teŋirdin periştesin kördü. Oşondo al aga taazim kılıp, jüztömöndöp jıgıldı.

³²Teŋirdin periştesi aga mınday dedi: «Emne üçün eşegiŋdi üç jolu sabadıŋ? Baratkan joluŋ Menin aldımda tuura bolbogonduktan, Men saga toskoolduk kılış üçün çıktım.

³³Eşegiŋ Meni körüp, üç iret joldon buruldu. Burulup ketpegende, Men anı tirüü kaltırıp, seni öltürüp koymokmun».

³⁴Bilam Teŋirdin periştesine mınday dedi: «Men künöö kıldım, antkeni men Senin maga karşı çıgıp, jolumda turganıŋdı bilgen emesmin. Bul Saga jakpasa, anda men kayra tartayın».

³⁵Oşondo Teŋirdin periştesi Bilamga mınday dedi: «Bul kişiler menen bara ber, birok Men saga emne desem, oşonu gana süylöysüŋ». Oşentip, Bilam Balaktın törölörü menen jönöp ketti.

³⁶Balak Bilamdın kele jatkanın ugup, anı Arnondun janındagı çek arada jaygaşkan maaptıktardın şaarınan tosup çıktı.

³⁷Balak Bilamga mınday dedi: «Men seni çakırtkanı kişi jiberbedim bele. Emne üçün kelbey koyduŋ? Men seni kantip ele sıylay albay kalayın?»

³⁸Bilam Balakka mınday dedi: «Mına, men saga keldim, birok men özüm birdeme ayta alar bekem? Kuday oozuma emneni salsa, men oşonu gana aytam».

³⁹Anan Bilam Balak menen ketti. Alar Kiriyat-Hutsotko kelişti.

⁴⁰Balak ögüzdördü, koylordu soyup, Bilamga jana anı menen birge kelgen törölörgö berip jiberdi.

⁴¹Balak ertesi erteŋ menen Bilamdı Baal biyiktikterine çıgarıp, oşol jerden Israyıl elinin bir bölügün körsöttü.