Read NT LS 2005 – Инжил ЛС (2005 Sandar 23 Bible Online

Sandar 23 - NT LS 2005 – Инжил ЛС (2005 bible

Sandar 23

¹Oşondo Bilam Balakka: «Maga bul jerge jeti kurmandık çalınuuçu jay ornotup, jeti bukaçar, jeti koçkor dayardap ber», – dedi.

²Balak Bilam aytkanday kıldı. Ar bir kurmandık çalınuuçu jayda Balak menen Bilam birden bukaçar, birden koçkor çalıştı.

³Anan Bilam Balakka: «Bütündöy örttölüüçü kurmandıgıŋdın janında turup tur, men barıp keleyin. Balkim, Teŋir maga jolugar. Al maga emneni aytsa, oşonu saga aytam», – dep aytıp, biyik jerge çıgıp ketti.

⁴Oşondo Kuday Bilamga joluktu. Bilam Kudayga: «Men jeti kurmandık çalınuuçu jay ornotup, ar bir kurmandık çalınuuçu jayda birden bukaçar, birden koçkor çaldım», – dedi.

⁵Oşondo Teŋir Bilamdın aytçu sözün oozuna salıp: «Balakka kayra barıp, uşul sözdördü ayt», – dedi.

⁶Bilam Balakka kaytıp kelse, al özünün bütündöy örttölüüçü kurmandıgının janında Maap törölörü menen turuptur.

⁷Oşondo Bilam mınday dedi: «Maap padışası Balak meni Mesopotamiyadan, çıgış toolorunan aldırıp alıp: “Kel, Jakıptı kargap ber, kel, Israyıl elin kargap ber”, – dedi.

⁸Kuday anı kargabasa, men anı kantip kargayın? Teŋir aga jamandık kılbasa, men aga kantip jamandık kılayın?

⁹Men anı askalardın çokusunan körüp turam, adırlardın başınan karap turam: bul özünçö jaşagan, esepke kirbegen el eken.

¹⁰Kumday sansız Jakıptı kim sanap çıgat da, Israyıldın törttön bir bölügün kim eseptep çıgat? Oşol adil adamdar ölgön sıyaktuu ölsöm eken, künüm oşolorduku sıyaktuu ele bütsö eken!»

¹¹Oşondo Balak Bilamga: «Bul emne kılganıŋ? Men seni kas duşmandarımdı kargap bersin dep aldırbadım bele, sen bolso bata berip jatasıŋ!» – dedi.

¹²Bilam bolso: «Teŋir oozuma emneni salsa, men tak oşonu aytışım kerek emespi», – dep joop berdi.

¹³Balak aga: «Jür meni menen başka jerge, sen al eldi oşol jerden körösüŋ, birok büt boydon körböysüŋ, bir bölügün gana körösüŋ, oşol jerden kargap ber», – dedi.

¹⁴Anan anı Pizgi toosunun çokusundagı sakçılar turgan jerge alıp kelip, jeti kurmandık çalınuuçu jay ornotup, ar bir kurmandık çalınuuçu jayda birden bukaçar, birden koçkor çaldı.

¹⁵Oşondo Bilam Balakka: «Uşul jerde, bütündöy örttölüüçü kurmandıgıŋdın janında turup tur, men bolso tigil jakka Kuday menen jolukkanı barıp keleyin», – dedi.

¹⁶Teŋir Bilamga jolugup, aytar sözün oozuna salıp: «Balakka kayra barıp, uşul sözdördü ayt», – dedi.

¹⁷Al kayra kelse, Balak özünün bütündöy örttölüüçü kurmandıgının janında Maap törölörü menen turuptur. Oşondo Balak andan: «Teŋir emne dep ayttı?» – dep suradı.

¹⁸Al mınday sözdördü ayttı: «Tur, Balak, meni uk, Sipor uulu, sözümö kulak sal.

¹⁹Kalp aytkıday, Kuday adam emes, özgörülüp ketkidey, Kuday adam balası emes. Al aytkanın atkarbay koymok bele? Al degenin kılbay koymok bele?

²⁰Mına, men bata bere baştadım, antkeni Al Özü bata berip jatat, oşonduktan men munu özgörtö albaym.

²¹Jakıptın başına müşkül tüşörü körünböyt, Israyıldın başına baktısızdık keleri bilinbeyt. Kuday, anın Teŋiri, anı menen, Israyıldan padışa surnayının ünü çıgat.

²²Alardı Misirden Kuday alıp çıkkan, alardın küçü buyuboldun küçündöy.

²³Jakıpka eç kanday köz baylooçuluk taasir etpeyt, Israyılga sıykır taasir etpeyt. Öz uçurunda Jakıp tuuraluu, Israyıl tuuraluu: “Karagılaçı, Kuday kanday ukmuştardı jarattı!” – dep aytışat.

²⁴Bul el urgaaçı arstanday komdonup, erkek arstanday turdu. Emi al oljosun basıp jemeyinçe, jaylaganının kanına kanmayınça jatpayt».

²⁵Balak Bilamga mınday dedi: «Anı kargabasaŋ kargabay ele koy, bata berbeseŋ berbey ele koy».

²⁶Bilam Balakka mınday dep joop berdi: «Teŋir maga emneni aytsa, oşonu atkaram dep, men saga aytpadım bele?»

²⁷Oşondo Balak Bilamga: «Jür, men seni başka jerge alıp barayın, balkim, bul Kudayga jagar, oşol jaktan eldi kargap berersiŋ», – dedi.

²⁸Anan Balak Bilamdı çöldü karagan Peyor toosunun çokusuna alıp çıktı.

²⁹Bilam Balakka: «Maga uşul jerge jeti kurmandık çalınuuçu jay ornotup, jeti bukaçar, jeti koçkor dayardap ber», – dedi.

³⁰Balak Bilam aytkanday kılıp, ar bir kurmandık çalınuuçu jayda birden bukaçar, birden koçkor çaldı.