Read NT LS 2005 – Инжил ЛС (2005 Sandar 24 Bible Online

Sandar 24 - NT LS 2005 – Инжил ЛС (2005 bible

Sandar 24

¹Bilam Israyıl eline bata berüü Teŋirge jagarın körüp, murdagıday sıykırçılık kılbay, burulup, çöldü karap turup kaldı.

²Anan Bilam köz çaptırıp, öz-öz uruusu menen turgan Israyıl elin kördü. Oşondo anın üstünö Kudaydın Ruhu tüştü.

³Oşondo al mınday sözdördü ayttı: «Beyordun uulu Bilam süylöp jatat, açık körgön adam aytıp jatat,

⁴Kudaydın sözün ugup jatkan, Kudurettüünün ayanın körüp jatkan adam aytıp jatat. Al jıgılıp bara jatat, birok al açık körüp turat:

⁵Jakıp, çatırlarıŋ, Israyıl, üylörüŋ kanday sonun!

⁶Alar darıya boyundagı baktarday, Teŋir oturguzgan aloy daraktarınday, suu boyundagı kedr daraktarınday, örööndöy sozulup jatat.

⁷Anın çakalarınan suu aşıp-taşıp tögülüp turat, anın ukum-tukumu çoŋ suularday jayılat. Anın padışası Agaktan da ötüp, padışaçılıgının zobolosu artat.

⁸Anı Misirden Kuday alıp çıkkan. Anın küçü buyuboldun küçündöy, al özünö karşı çıkkan eldi jep salat, sööktörün talkalap, jebesi menen jeksen kılat.

⁹Al tize büktü, erkek arstanday, urgaaçı arstanday jatat, anı kim turguza alat? Saga bata bergen bata alat, seni kargagan kargışka kalat!»

¹⁰Oşondo Balaktın Bilamga kaarı kaynap, kolun serpip, aga mınday dedi: «Men seni duşmanımdı kargasın dep çakırgam, birok sen alarga üç jolu bata berdiŋ.

¹¹Öz joluŋa tüş, men seni sıylayın dedim ele, birok Teŋir seni sıydan ajıratıp jatat».

¹²Oşondo Bilam Balakka mınday dedi: «Men senin maga jibergen elçileriŋe:

¹³“Balak maga altın-kümüşkö tolgon üyün berse da, Teŋirdin buyrugun buza albaym, öz erkim menen jakşılık je jamandık kıla albaym. Teŋir emneni aytsa, men oşonu aytam”, – dep aytpadım bele.

¹⁴Men öz elime ketip bara jatam. Jür meni menen, men saga keleçekte bul el senin eliŋdi emne kıların aytıp berem».

¹⁵Anan al mınday sözdördü ayttı: «Beyordun uulu Bilam süylöp jatat, açık körgön adam aytıp jatat.

¹⁶Kudaydın sözün ugup jatkan, Bardıgınan Jogoru Turgandan akılmanduuluk algan, Kudurettüünün ayanın körüp jatkan adam aytıp jatat. Al jıgılıp bara jatat, birok al açık körüp turat.

¹⁷Anı körüp turam, birok al azırınça jok. Anı körüp turam, birok ali al jakın emes. Jakıptan jıldız çıgat, Israyıldın biylik tayagı kötörülöt, al Maaptın törölörünö sokku urat, Şet uuldarının bardıgın kıyratat.

¹⁸Edom biylik astında bolot, Seir öz duşmandarının biyligi astında bolot, Israyıl bolso öz küçün körsötöt.

¹⁹Jakıptın tukumu kalgan şaarlardı basıp alıp talkalayt».

²⁰Anan al amalıktıktardı körüp, mınday sözdördü ayttı: «Amalık – bayırkı elderdin biri, birok al akırında kıyrap jok bolot».

²¹Anan al keynilikterdi körüp, mınday sözdördü ayttı: «Senin turagıŋ bekem, senin uyaŋ askaga salınıptır.

²²Birok Aşur seni kolgo tüşürüp, tutkundap keterine az kalganda, Kabıl bülgüngö uçurayt».

²³Anan al dagı mınday sözdördü ayttı: «O, kanday kaygı, Kuday munu kılganda kim tirüü kalat!

²⁴Kitimden kemeler kelip, Aşurdu bagıntıp alat, Eyberdi da bagıntıp alat, birok alar da oyron boluşat!»

²⁵Anan Bilam ordunan turup, kelgen jagına, öz jerine ketti, Balak da öz jolu menen ketti.