Read NT LS 2005 – Инжил ЛС (2005 Sandar 27 Bible Online

Sandar 27 - NT LS 2005 – Инжил ЛС (2005 bible

Sandar 27

¹Oşondo Salapattın kızdarı kelişti. Salapat Heyperdin, Heyper Gilattın, Gilat Mahirdin, Mahir Menaşenin, Menaşe Jusuptun uulu. Salapattın kızdarının attarı Mahla, Noya, Hogla, Milka jana Tirsa ele.

²Alar Musa menen ıyık kızmat kıluuçu Elazardın, törölör menen bardık jamaattın aldına kelip, jıyın çatırının oozunda turup, mınday deşti:

³«Bizdin atabız çöldö ölgön, al Teŋirge karşı çıkkan Koraktın talamdaştarının arasında bolgon emes, al öz künöösü üçün ölgön, anın erkek baldarı bolgon emes.

⁴Erkek balası jok bolso ele, atabızdın atı öz uruusunun arasınan öçüp kalışı kerekpi? Atabızdın bir tuugandarının arasınan bizge da jer bergile».

⁵Musa bul işti Teŋirdin aldına koydu.

⁶Oşondo Teŋir Musaga mınday dedi:

⁷«Salapattın kızdarı tuura aytıp jatat, alarga atasının bir tuugandarının arasınan muraska jer ber, alarga atasının ülüşün ber.

⁸Anan Israyıl uuldarına mınday dep ayt: “Kim erkek bala körböy ölsö, anda anın ençisin kızdarına ötkörüp bergile.

⁹Egerde kızdarı jok bolso, anda anın ençisin bir tuugandarına bergile.

¹⁰Egerde bir tuugandarı jok bolso, anda anın ülüşün atasının bir tuugandarına bergile.

¹¹Egerde atasının bir tuugandarı jok bolso, anda anın ülüşün muraska kaltıruu üçün, öz uruusundagı jakın tuugandarının birine bergile. Teŋir Musaga buyruganday, bul mıyzam Israyıl uuldarına tübölükkö kalsın”».

¹²Teŋir Musaga dagı mınday dedi: «Mına bul Abarım toosuna çıgıp, Men Israyıl uuldarına berip jatkan jerdi kara.

¹³Al jerdi karap çıkkandan kiyin, bir tuuganıŋ Arun öz eline koşulganday, sen da öz eliŋe koşul.

¹⁴Antkeni siler Sin çölündö Menin buyrugumdu atkarbay koygonsuŋar, büt jamaat naalıp jatkanda, Meriba suusunun boyunda alarga Menin ıyıktıgımdı körsötkön emessiŋer».

¹⁵Musa Teŋirge mınday dedi:

¹⁶«Teŋir, bardık adamdardın ruhunun Kudayı, uşul jamaattı başkara turgan adamdı dayındap koyso eken.

¹⁷Teŋirdin jamaatı kaytaruuçusu jok koylordoy bolboşu üçün, alardın aldında kirip-çıga turgan, alardı alıp çıgıp, alıp kire turgan adam bolso eken».

¹⁸Oşondo Teŋir Musaga mınday dedi: «İçinde Ruh bar Nundun uulu Jaşıyanı özüŋö çakırıp, başına koluŋdu koy,

¹⁹anı ıyık kızmat kıluuçu Elazardın aldına, büt jamaattın aldına turguzup, alardın köz aldında aga akıl-nasaat ayt.

²⁰Israyıl uuldarının büt jamaatı aga baş iyişi üçün, öz daŋkıŋdan ber.

²¹Al ıyık kızmat kıluuçu Elazarga kayrılıp tursun. Elazar bolso Teŋirdin çeçimin urim arkıluu surasın. Israyıldın bardık uuldarı menen bütkül jamaatı anı menen birge bolup, anın aytkanı boyunça kirip-çıgıp turuuga tiyiş».

²²Teŋir buyruganday, Musa Jaşıyanı çakırıp, ıyık kızmat kıluuçu Elazardın jana büt jamaattın aldına koydu.

²³Anan al Jaşıyanın başına kolun koyup, Teŋir kanday aytsa, oşondoy kılıp, aga akıl-nasaat ayttı.