Read NT LS 2005 – Инжил ЛС (2005 Sandar 30 Bible Online

Sandar 30 - NT LS 2005 – Инжил ЛС (2005 bible

Sandar 30

¹Teŋir Musaga emneni buyrusa, oşonun baarın Musa Israyıl uuldarına aytıp berdi.

²Israyıl uuldarının uruu başçılarına Musa mınday dedi: «Teŋir mınday buyruk berdi:

³“Kim Teŋirge ubada berse je özün özü tıyuuga söz berip kargansa, anda al aytkan sözdörün buzbasın, oozunan çıkkandın bardıgın atkarsın.

⁴Egerde Teŋirge ayal ubada berse je jaş çagında, atasının töründö jürgöndö özün özü tıyuuga söz berse,

⁵atası kızının ubadasın je özün özü tıyuuga söz bergenin ugup, makul bolso, anda kızı bardık ubadasın orundatsın, özün özü tıyuuga bergen sözün atkarsın.

⁶Egerde atası anı ugup, birok tıyıp koyso, anda kızı ubadasın, özün özü tıyuuga bergen sözün atkarbay ele koysun, Teŋir kızdı keçiret, antkeni anı atası tıyıp koygon.

⁷Egerde al kız küyöögö çıgıp ketip, anın moynunda özün baylagan ubadası je oozunan çıkkan sözü kalsa,

⁸anı küyöösü bilip, makul bolso, anda ayal ubadasın orundatsın, özün özü tıyuuga bergen sözün atkarsın.

⁹Egerde küyöösü bilip, aga tıyuu salsa, anda anın moynundagı ubadasın je özün baylagan oozunan çıkkan sözün jokko çıgargan bolot. Oşondo ayaldı Teŋir keçiret.

¹⁰Jesir ayal je küyöösü menen ajıraşıp ketken ayal kanday gana ubada berbesin, özün özü tıyuuga kanday gana söz berbesin, bardıgın atkarsın.

¹¹Egerde ayal küyöösünün üyündö ubada berse je özün özü tıyuuga söz berse,

¹²anı küyöösü ugup, makul bolup, tıyuu salbasa, anda ayal bardık ubadasın orundatsın, özün özü tıyuuga bergen sözdörünün baarın atkarsın.

¹³Egerde küyöösü ugup, alardı jokko çıgarsa, anda ayal oozunan çıkkan bardık ubadaların jana özün özü tıyuuga bergen sözdörün atkarbay ele koyso bolot. Anı küyöösü jokko çıgargandıktan, Teŋir anı keçiret.

¹⁴Bardık ubadanı jana özün özü tıyuuga bergen bardık sözdü ayaldın küyöösü bekite alat jana jokko çıgara alat.

¹⁵Egerde küyöösü al tuuraluu ukkandan kiyin köp kün ötsö da unçukpay koyso, anda oşonusu menen ayalının ubadasın jana anın moynundagı özün özü tıyuuga bergen sözün bekitken bolot, antkeni al tuuraluu ukkandan kiyin da unçukkan jok.

¹⁶Egerde alardı ukkandan kiyin jokko çıgarsa, anda al ayalının künöösün öz moynuna algan bolot”».

¹⁷Küyöösü menen ayalının ortosundagı, jaş çagında atasının üyündö jürgön kız menen atasının ortosundagı mamile tuuraluu Teŋirlin Musaga osuyattagan mıyzamı uşunday.