Read NT LS 2005 – Инжил ЛС (2005 Sandar 31 Bible Online

Sandar 31 - NT LS 2005 – Инжил ЛС (2005 bible

Sandar 31

²«Israyıl uuldarı üçün midiandıktardan öç al, oşondon kiyin öz eliŋe koşulasıŋ».

³Oşondo Musa elge kayrılıp, mınday dedi: «Midiandıktardan Teŋirdin öçün alış üçün, midiandıktarga karşı çıguuga özüŋördün araŋardan adamdardı kuraldandırıp, soguşka kamdagıla.

⁴Israyıl uruularının ar birinen miŋden kişi çıgarıp, soguşka jönötkülö».

⁵Oşondo miŋdegen Israyıl elinin ar bir uruusunan miŋden – on eki miŋ kuralduu jooker soguşka bölündü.

⁶Musa ar bir uruudan miŋden alıp, alardı soguşka jönöttü, alar menen koşo ıyık kızmat kıluuçu Elazardın uulu Pinehastı da soguşka jönöttü. Anın kolunda ıyık idişter jana belgi berüüçü surnay bar ele.

⁷Oşentip, Teŋir Musaga buyruganday, alar midiandıktarga karşı soguş açıp, alardın bardık erkek attuuların kırıp salıştı.

⁸Öltürülgöndör menen koşo Midiandın beş padışasın: Ebi, Rekem, Sur, Hur, Rebanı koşo öltürüştü, Beyordun uulu Bilamdı da kılıç menen öltürüştü.

⁹Al emi midiandıktardın ayaldarı menen baldarın Israyıl uuldarı tutkundap alıştı, alardın bodo malın, koroo-koroo koylorun, mülkün oljolop alıştı.

¹⁰Alardın karamagındagı şaarlardı, ayıl-kıştaktardı örttöp jiberişti.

¹¹Tartıp algandarının baarın: büt oljonu, maldı, tutkundap algan adamdardı alıp ketişti.

¹²Alar tutkundarın, oljolorun, tartıp algandarın Jerihonun maŋdayındagı İordandın boyunda, Maap tüzdügündö jaygaşkan Israyıl uuldarının jamaatına jana Musa menen ıyık kızmat kıluuçu Elazarga jetkirişti.

¹³Musa menen ıyık kızmat kıluuçu Elazar, jamaattın büt törölörü alardın aldınan tosup çıgıştı.

¹⁴Oşondo soguştan kaytkan asker başçılarına, miŋ başılarına, jüz başılarına Musanın açuusu kelip, mınday dedi:

¹⁵«Ayaldarın emne üçün tirüü kaltırdıŋar?

¹⁶Bilamdın keŋeşi menen Peyorgo jagınıp, Israyıl uuldarının Teŋirden baş tartuusuna sebepker bolgondor uşular. Oşon üçün Teŋirdin jamaatı kıyragan.

¹⁷Oşonduktan bardık erkek baldarın, erkek menen jatkan ayaldarın öltürgülö.

¹⁸Al emi erkek körö elek kızdarın özüŋör üçün tirüü kaltırgıla.

¹⁹Oşondon kiyin jeti kün standın sırtında turup turgula. Kişi öltürgön je ölükkö tiygen adamdarıŋardın baarı, tutkundarıŋar da üçünçü jana jetinçi künü tazalangıla.

²⁰Büt kiyimiŋerdi, büt bulgaarı buyumdarıŋardı, eçkinin jününön jasalgan büt nerseleriŋerdi, büt jıgaç idişteriŋerdi tazalap çıkkıla».

²¹Iyık kızmat kıluuçu Elazar soguşka barıp kelgen jookerlerge mınday dedi: «Teŋirdin Musaga osuyattagan mıyzamı mınday:

²²“Altındı, kümüştü, jezdi, temirdi, kalaydı jana korgoşundu,

²³otko salına turgandardın bardıgın tazalaş üçün otko salgıla, andan kiyin tazartuuçu suuga salgıla, oşondo taza bolot, al emi otko salınbay turgandardın bardıgın suuga salgıla.

²⁴Kiyimiŋerdi bolso jetinçi künü juugula, oşondo taza bolosuŋar, oşondon kiyin gana stanga kirseŋer bolot”».

²⁵Teŋir Musaga mınday dedi:

²⁶«Iyık kızmat kıluuçu Elazar jana jamaattın uruu başçıları menen oljogo tüşkön adamdardı, maldı sanap çık.

²⁷Anan oljonu soguşka barıp kelgen jookerlerge jana büt jamaatka teŋ bölüp ber.

²⁸Soguşka barıp kelgen ar bir jookerden Teŋir üçün alım al, adamdardan da, bodo maldan da, eşekterden da, mayda maldan da al: beş jüz baştan bir baş al.

²⁹Alarga tiygen oljonun jarımınan alım al. Munu öydö kötörüp Teŋirge alıp kelgen kurmandık katarı ıyık kızmat kıluuçu Elazarga ber.

³⁰Israyıl uuldarına tiygen oljonun jarımınan Teŋirdin jıyın çatırında kızmat kılgan lebilerge ber. Adamdardan da, bodo maldan da, eşekterden da, mayda maldan da al: elüü baştan bir baş al».

³¹Musa menen ıyık kızmat kıluuçu Elazar Teŋirdin Musaga aytkanınday kılıştı.

³²Soguşka barıp kelgen jookerler tartıp algan oljonun sanı: altı jüz jetimiş beş miŋ mayda mal,

³³jetimiş eki miŋ bodo mal,

³⁴altımış bir miŋ eşek,

³⁵otuz eki miŋ erkek körö elek kız.

³⁶Soguşka katışkandardın jarım ülüşün eseptegende, üç jüz otuz jeti miŋ beş jüz mayda mal boldu.

³⁷Teŋir üçün alıngan alımdın sanı altı jüz jetimiş beş mayda mal boldu.

³⁸Bodo maldın sanı – otuz altı miŋ, anın jetimiş ekisi – Teŋir üçün alıngan alım.

³⁹Eşektin sanı – otuz miŋ beş jüz, anın altımış biri – Teŋir üçün alıngan alım.

⁴⁰Adamdardın sanı – on altı miŋ, anın otuz ekisi – Teŋir üçün alıngan alım.

⁴¹Musa Teŋir üçün alıngan alımdı, Teŋir buyruganday, ıyık kızmat kıluuçu Elazarga tapşırdı.

⁴²Musa soguşka katışkandar alıp kelgen oljonun jarımın Israyıl uuldarına bölüp berdi.

⁴³Jamaattın ençisine tiygen oljonun jarımı mınça: üç jüz otuz jeti miŋ beş jüz mayda mal,

⁴⁴otuz altı miŋ bodo mal,

⁴⁵otuz miŋ beş jüz eşek,

⁴⁶on altı miŋ adam.

⁴⁷Israyıl uuldarına tiygen jarım oljonun: adamdardın, maldın elüüdön bir bölügün Musa alıp, Teŋir buyruganday, Teŋirdin jıyın çatırında kızmat kılgan lebilerge berdi.

⁴⁸Musaga miŋdegen jookerlerdin asker başçıları, miŋ başıları, jüz başıları kelip, mınday deşti:

⁴⁹«Kuldarıŋ özdörünö tapşırılgan jookerlerdi sanap çıgıştı, alardın biri da kemibeptir.

⁵⁰Mına, Teŋirdin aldında tazalanışıbız üçün, ar kimibiz özübüz tapkan altından jasalgan buyumdardı: moyunga tagılçu çınjırlardı, bilerikterdi, şakekterdi, söykölördü, çaçpaktardı Teŋirge arnap alıp keldik».

⁵¹Musa menen ıyık kızmat kıluuçu Elazar altından jasalgan uşul buyumdardı alardan alıştı.

⁵²Miŋ başılar menen jüz başılardın Teŋirge arnap alıp kelgen altın buyumdarının salmagı on altı miŋ jeti jüz elüü şekel boldu.

⁵³Jookerlerdin ar biri özü üçün talap-tonogon.

⁵⁴Oşentip, Musa menen ıyık kızmat kıluuçu Elazar miŋ başılar menen jüz başılardan altındardı alıp, Teŋir Israyıl uuldarın esine alışı üçün, jıyın çatırına alıp kelişti.