Read NT LS 2005 – Инжил ЛС (2005 Sandar 32 Bible Online

Sandar 32 - NT LS 2005 – Инжил ЛС (2005 bible

Sandar 32

¹Rubeyindin uuldarı menen Gattın uuldarının malı ötö köp ele. Alar Jazer jerinde da, Gilat jerinde da malga ılayıktuu jerler bar ekenin körüştü.

²Anan Gattın uuldarı menen Rubeyindin uuldarı Musa menen ıyık kızmat kıluuçu Elazarga jana jamaattın törölörünö kelip, mınday dep aytıştı:

³«Atarot, Dibon, Jazer, Nimra, Keşpon, Elaley, Sıbam, Nebo jana Bıyon jerlerin

⁴Teŋir Israyıl jamaatının aldında kıyratıp salgan. Bul jerler – maldın jayıtına ılayıktuu jerler. Kuldarıŋdın bolso malı köp.

⁵Egerde biz senin aldıŋda ırayım tapkan bolsok, bul jerlerdi öz kuldarıŋdın karamagına ber. Bizdi İordan suusunan arı ötkörbö».

⁶Oşondo Musa Gattın uuldarı menen Rubeyindin uuldarına mınday dedi: «Bir tuugandarıŋar soguşka bara jatışsa, siler bul jerde kalasıŋarbı?

⁷Emne üçün siler Israyıl uuldarın Teŋir berip jatkan jerge ötkörböy aynıtıp jatasıŋar?

⁸Men silerdin ata-babalarıŋardı jerdi körüp keliş üçün Kadeş-Barneyiden jönötköndö, alar da uşunday kılışkan.

⁹Alar Eşkol öröönünö çeyin barıp, oşol jerdi körüp kelişkenden kiyin, Teŋir berip jatkan jerge Israyıl uuldarı barbaşı üçün, alardı aynıtışkan.

¹⁰Oşol künü Teŋirdin kaarı kaynap, mınday dep ant bergen:

¹¹“Misirden çıkkan bul eldin jıyırma jana andan jogorku jaştagıları Men Ibrayımga, Iskakka, Jakıpka berem dep ubada kılgan jerdi körüşpöyt, sebebi alar Maga baş iybey koyuştu.

¹²Al jerdi Kenazdık Jepundun uulu Kalep menen Nundun uulu Jaşıya gana köröt, antkeni bular Teŋirge baş iyişken”.

¹³Israyılga Teŋirdin kaarı kaynap, alardı çöldö kırk jıl alıp jürdü. Alar Teŋirdin aldında künöö kılgan büt uruusu ölüp jok bolguça tentişti.

¹⁴Mına azır da, siler, künöökörlördün tukumu, ata-babaŋarga okşop kötörülüp çıgıp, Israyılga Teŋirdin kaarın dagı kaynattıŋar.

¹⁵Egerde siler Teŋirden baş tartsaŋar, anda Al eldi dagı çölgö kaltırat, siler bul eldi uşintip kurutasıŋar».

¹⁶Oşondo alar Musaga kelip, mınday deşti: «Biz bul jerge malıbızga koroo-saraylardı salabız, baldarıbızga şaar kurabız.

¹⁷Özübüz bolso birinçi bolup kuraldanıp alıp, Israyıl uuldarın öz jerine jetkirmeyinçe, alardın aldında barabız. Al jerdin turgundarı baldarıbızga korkunuç tuudurbaşı üçün, alardı çeptüü şaarlarda kaltırabız.

¹⁸Israyıl uuldarının ar biri öz ülüşün almayınça, biz üyübüzgö kaytıp kelbeybiz.

¹⁹Egerde bizge İordandın berki öyüzünön, çıgış taraptan ülüş tiyse, anda biz İordandın arkı öyüzünön jana andan arkı jerlerden alar menen birge ülüş albaybız».

²⁰Oşondo Musa alarga mınday dedi: «Egerde siler mınday kılsaŋar, egerde Teŋirdin aldında kuraldanıp çıksaŋar,

²¹silerdin kuraldangan ar bir jookeriŋer, Teŋir Özünün aldındagı duşmandarın jok kılıp bütmöyünçö, Teŋirdin aldında İordandın arkı öyüzünö ötsö,

²²Teŋirdin aldında jer bagınıp berse, oşondon kiyin kayrılıp kelseŋer, anda Teŋirdin jana Israyıl elinin aldında künöölüü bolboysuŋar, oşondo bul jer Teŋirdin aldında silerdin ençiŋer bolot.

²³Egerde mınday kılbasaŋar, anda Teŋirdin aldında künöögö batkan bolosuŋar, bul künööŋör üçün jazalanasıŋar.

²⁴Baldarıŋarga şaar, koyloruŋarga koroo-jay kurgula, oozuŋardan emne çıksa, oşonu jasagıla».

²⁵Oşondo Gattın uuldarı menen Rubeyindin uuldarı Musaga mınday deşti: «Mırzabız kanday buyrusa, kuldarıŋ oşondoy kılışat.

²⁶Baldarıbız, ayaldarıbız, bardık malıbız uşul jerde, Gilat şaarlarında kalat.

²⁷Kuldarıŋ bolso, mırzabız aytkanday, jookerlerdey kuraldanıp, Teŋirdin aldında soguşka barat».

²⁸Oşondo Musa alar tuuraluu ıyık kızmat kıluuçu Elazarga, Nundun uulu Jaşıyaga jana Israyıl uuldarının uruu başçılarına mınday dep buyruk berdi:

²⁹«Gattın uuldarı menen Rubeyindin uuldarının bardıgı kuraldanıp, Teŋirdin aldında siler menen birge İordandın arkı öyüzünö ötsö, silerdin aldıŋarda jer bagınıp berse, anda Gilat jerin alardın karamagına bergile.

³⁰Egerde alar siler menen birge kuraldanıp barışpasa, anda siler menen birge Kanaan jerinen ülüş alışat».

³¹Oşondo Gattın uuldarı menen Rubeyindin uuldarı mınday dep joop berişti: «Teŋir senin kuldarıŋa kanday aytsa, tak oşondoy kılabız.

³²Biz Teŋirdin aldında kuraldanıp, Kanaan jerine barabız, bizdin ülüşübüz İordandın bul öyüzü bolsun».

³³Musa Gattın uuldarı menen Rubeyindin uuldarına, Jusuptun uulu Menaşenin jarım uruusuna Amor padışası Sihon padışaçılık kılıp turgan jerlerdi, Başan padışası Og padışaçılık kılıp turgan jerlerdi şaarları menen, çet jakalarındagı ayıl-kıştaktarı menen berdi.

³⁴Gattın uuldarı Dibon, Atarot, Aroyer,

³⁵Atrot-Şopan, Jazer, Jokpeya,

³⁶Beyt-Nimra, Beyt-Aran degen bekem korgonduu şaarlardı, koylorgo koroo-saraylardı kuruştu.

³⁷Rubeyindin uuldarı Keşpon, Elaley, Kiriyatayim degen şaarlardı kuruştu.

³⁸Attarı özgörtülgön Nebo menen Baal-Meyondu, oşondoy ele Sıbmanı kuruştu. Alar özdörü kurgan şaarlarga at koyuştu.

³⁹Menaşenin uulu Mahirdin uuldarı Gilatka barıp, anı basıp alıp, al jerde jaşagan amorluktardı kuup çıgıştı.

⁴⁰Musa Menaşenin uulu Mahirge Gilattı berdi, al oşol şaarga oturuktaştı.

⁴¹Menaşenin uulu Jayır barıp, ayıl-kıştaktarın basıp alıp, alardı Jayırdın ayıl-kıştaktarı dep atadı.

⁴²Nobah da barıp, Kenattı jana aga karaştuu şaarlardı basıp alıp, alardı öz atınan Nobah dep atadı.