Read NT LS 2005 – Инжил ЛС (2005 Sandar 36 Bible Online

Sandar 36 - NT LS 2005 – Инжил ЛС (2005 bible

Sandar 36

¹Gilattın uuldarınan taragan uruulardın başçıları (Gilat Mahirdin, Mahir Menaşenin uulu. Bul uruu – Jusuptun uuldarınan taragan uruulardın biri.) Musanın jana Israyıl uuldarının uruu başçıları bolgon törölördün aldına kelip, mınday deşti:

²«Teŋir Israyıl uuldarına ökçömö taş ırgıtıp jer bölüştürüp berüünü bizdin mırzabızga buyrugan. Teŋir bizdin bir tuuganıbız Salapattın ülüşün anın kızdarına berüünü da bizdin mırzabızga buyruk kılgan.

³Egerde alar Israyıl uuldarının başka uruusundagı uuldarının ayaldarı bolup kalsa, anda alardın ülüşü bizdin ata-babalardın ülüşünön alınıp, alar kelin bolup bargan uruuga koşulup berilet, ökçömö taş boyunça algan ülüşübüz da alarga berilet.

⁴Atügül, Israyıl uuldarı yubiley jılın ötkörgöndö da, alardın ülüşü alar kelin bolup bargan uruuga koşulup, ata-babalarıbızdın uruularının ülüşünön alardın ülüşü bölünüp alınat».

⁵Oşondo Musa Israyıl uuldarına Teŋirdin sözü boyunça mınday dep buyruk berdi: «Jusuptun uuldarınan taragan uruular tuura aytıp jatışat.

⁶Teŋir Salapattın kızdarı jönündö mınday osuyat kılat: Alar özdörünö jakkan adamga küyöögö çıgışsın. Birok alar öz atasının uruusundagılarga gana çıgışsın.

⁷Antkeni Israyıl uuldarının ülüşü uruudan uruuga ötpöşü kerek. Israyıldın ar bir uruusu öz ata-babasının uruularının ülüşünö gana baylanuu boluşu kerek.

⁸Israyıl uuldarının uruularının ülüştörün murastay turgan kız öz atasının uruusundagı adamga turmuşka çıksın, antkeni Israyıl uuldarı öz ata-babalarının ülüştörün murastap kalışı kerek.

⁹Ilüş bir uruudan ekinçi uruuga ötpösün, antkeni Israyıl uuldarının ar bir uruusu öz ülüştörünö baylanuu boluşu kerek».

¹⁰Teŋir Musaga kanday buyrugan bolso, Salapattın kızdarı tak oşondoy kılıştı.

¹¹Salapattın kızdarı Mahla, Tirsa, Hogla, Milka jana Noya atasının bir tuugandarının uuldarına küyöögö çıgıştı.

¹²Alar Jusuptun uulu Menaşeden taragan uruunun uuldarına turmuşka çıgıştı. Oşentip, alardın ülüşü atalarının uruusunda kaldı.

¹³Teŋir Musa arkıluu Israyıl uuldarına Jerihonun karşısındagı İordan boyundagı Maap tüzdügündö bergen osuyattarı menen körsötmölörü uşular.