Read NT LS 2005 – Инжил ЛС (2005 Sandar 5 Bible Online

Sandar 5 - NT LS 2005 – Инжил ЛС (2005 bible

Sandar 5

¹Teŋir Musaga mınday dedi:

²«Israyıl uuldarına mınday dep buyruk ber: Özdörü jaşap jatkan standı bulgabaşı üçün, alar bardık pes ooruluulardı, jınıstık müçösünön iriŋ akkandardı, ölükkö tiyip bulgangandardı,

³erkek bolobu, ayal bolobu, standın sırtına çıgarıp salışsın, alardın arasında Men jaşap jatam».

⁴Israyıl uuldarı oşondoy kılıştı, alardı standın sırtına çıgarıp salıştı. Teŋir Musaga kanday aytsa, Israyıl uuldarı oşondoy kılıştı.

⁵Teŋir Musaga mınday dedi:

⁶«Israyıl uuldarına ayt: “Erkek bolobu, ayal bolobu, adamga karşı kandaydır bir künöö kılsa, anda al Kudayga karşı kılmış kılgan bolot, al adam künöölüü.

⁷Al kılgan künöösün moynuna alıp, keçirim surasın, kanday zıyan keltirse, oşonu tolugu menen tölöp bersin. Kimge karşı künöö kılsa, oşol adamdın kununun üstünö kununun beşten bir bölügün koşup tölöp bersin.

⁸Egerde al adamdın kunun ala turgan muraskoru jok bolso, anda anın kunun Teŋirge bersin. Anın kunun künöösü üçün çalınuuçu koçkor menen koşo ıyık kızmat kıluuçuga bersin.

⁹Israyıl uuldarının alıp kelgen ıyık kurmandıktarının içinen öydö kötörüp alıp kelgen tartuularının baarı ıyık kızmat kıluuçuga taandık.

¹⁰Kimdir biröö tarabınan arnalgan nerse ıyık kızmat kıluuçuga taandık. Kim aga emne alıp kelse, oşonun baarı aga taandık”».

¹¹Teŋir Musaga dagı mınday dedi:

¹²«Israyıl uuldarına mınday dep ayt: “Kimdin ayalı küyöösünün közünö çöp salıp, beyopalık kılsa,

¹³kim al ayal menen jatıp, erendigin agızsa, birok munu küyöösü bilbese, ayalı munu jaşıruun kılsa, üstünön çıkkan kübölör bolboso, beti açılbasa,

¹⁴birok al ayaldın küyöösü şektenip kızgansa, je ayalı buzulsa-buzulbasa da şektenip kızgansa,

¹⁵anda al ayalın ıyık kızmat kıluuçuga alıp kelsin. Ayalı üçün kurmandıkka eypanın ondon bir bölügünçölük arpa ununan alıp kelsin, birok aga zaytun mayın kuybasın, ladan salbasın, antkeni bul – mıyzamsızdıktı eske salgan, kızganıç üçün alıp kelingen kurmandık.

¹⁶Iyık kızmat kıluuçu al ayaldı, Teŋirdin aldına alıp kelsin da,

¹⁷çopo idişke ıyık suudan kuyup, jıyın çatırının jerinen topurak alıp, suuga salsın.

¹⁸Anan ıyık kızmat kıluuçu al ayaldı Teŋirdin aldına alıp kelip, jılaŋbaştap, mıyzamsızdıktı eske salgan, kızganıç üçün alıp kelingen kurmandıktı koluna bersin, ıyık kızmat kıluuçunun kolunda kargışka kaltıra turgan açuu suu bolsun.

¹⁹Iyık kızmat kıluuçu ayalga: “Egerde eç kim menen jatpasaŋ jana bulganbasaŋ, küyööŋdün közünö çöp salbasaŋ, anda kargışka kaltıra turgan mına bul açuu suudan eç kanday zıyan tartpaysıŋ.

²⁰Egerde küyööŋdün közünö çöp salsaŋ, bulgansaŋ, küyööŋdön bölök biröö menen jatsaŋ,

²¹anda saga Teŋirdin kargışı tiysin, eliŋdin da kargışı tiysin, jatınıŋ kuurap, içiŋ şişip ketsin.

²²Kargışka kaltıra turgan mına bul suu içiŋdi aralap ötsün, içiŋ şişip, jatınıŋ kuurap kalsın”, – dep kargış aytıp, ant içirsin. Ayal bolso “Oomiyin, oomiyin” desin.

²³Anan ıyık kızmat kıluuçu kagazga oşol kargış sözdördü jazıp, anı açuu suuga juup salsın.

²⁴Anan kargışka kaltıra turgan suunu ayalga içirsin, oşondo kargışka kaltıra turgan suu ayaldın içine kirip, aga zıyan keltiret.

²⁵Anan ıyık kızmat kıluuçu ayaldın kolunan kızganıç üçün alıp kelingen nan kurmandıgın alıp, Teŋirdin aldında öydö kötörüp, kurmandık çalınuuçu jayga alıp barsın.

²⁶Anan ıyık kızmat kıluuçu mıyzamsızdıktı eske salgan nan kurmandıgınan bir uuç alıp, anı kurmandık çalınuuçu jayda örttösün, andan kiyin ayalga janagı suunu içirsin.

²⁷Suunu içirgenden kiyin, egerde ayal taza emes bolso, küyöösünö karşı kılmış kılsa, kargışka kaltıra turgan açuu suu içine kirip, zıyan keltirip, için şişitip, jatının kurgatat, al ayal el içinde jek köründü bolot.

²⁸Egerde ayal bulganbagan bolso, taza bolso, anda al eç kanday zıyan tartpayt, bala töröy alat.

²⁹Kızganıç jönündögü mıyzam uşul. Ayalı küyöösünün közünö çöp salıp bulgansa,

³⁰je küyöösü ayalınan şektenip kızgansa, anda al ayalın Teŋirdin aldına alıp kelsin, oşondo ıyık kızmat kıluuçu uşul mıyzamdı atkarsın.

³¹Oşondo küyöösü künöödön taza bolot da, ayalı öz künöösün özü kötöröt».