Read NT LS 2005 – Инжил ЛС (2005 Sandar 9 Bible Online

Sandar 9 - NT LS 2005 – Инжил ЛС (2005 bible

Sandar 9

¹Teŋir Israyıl uuldarın Misir jerinen alıp çıkkandan kiyin, ekinçi jıldın birinçi ayında, Sinay çölündö Teŋir Musaga mınday dedi:

²«Israyıl uuldarı Pasah mayramın özünün belgilengen ubagında ötkörüşsün.

³Pasah mayramın uşul aydın on törtünçü künü keçinde, özünün belgilengen ubagında ötkörgülö. Anı bardık mıyzamı, tartibi boyunça ötkörgülö».

⁴Anan Musa Israyıl uuldarına: «Pasahtı ötkörgülö», – dedi.

⁵Oşondo alar birinçi aydın on törtünçü künü keçinde Sinay çölündö Pasah ötkörüştü. Teŋir Musaga kanday buyrusa, Israyıl uuldarı oşondoy kılıp ötkörüştü.

⁶Oşol künü ölgön adamdın denesine kol tiygizip, taza emes bolgon adamdar da boldu, oşonduktan alar Pasahtı ötkörö alışkan jok. Oşol künü alar Musa menen Arunga kelip, mınday deşti:

⁷«Biz ölgön adamdın denesine kol tiygizip, taza emes bolup kaldık. Emne üçün bizdi Israyıl uuldarı menen birge Teŋirge belgilengen ubakta kurmandık alıp kelüü ukugunan ajıratıp jatışat?»

⁸Oşondo Musa alarga: «Toktogula, siler tuuraluu Teŋir kanday buyruk bererin ugayın», – dedi.

⁹Anan Teŋir Musaga mınday dedi:

¹⁰«Israyıl uuldarına mınday dep ayt: Egerde silerdin araŋardan je silerdin tukumuŋardın içinen kimdir biröö ölgön adamdın denesine tiyip, taza emes bolup kalsa, je bolboso alıskı saparda jürsö, oşondo da al Teŋirdin Pasahın ötkörüügö tiyiş.

¹¹Anday adamdar ekinçi aydın on törtünçü künü keçinde Pasahtı açıtkısız nan, açuu çöp jep ötkörüşsün.

¹²Pasahtın tamagınan erteŋ menenkige kaltırışpasın, anın sööktörün sındırışpasın, Pasahtı özünün bardık erejesi menen ötkörüşsün.

¹³Taza adam je saparda jürbögön adam Pasahtı ötkörböy koyso, al el arasınan jok kılınsın, antkeni belgilengen ubakta al Teŋirge kurmandık alıp kelgen jok, öz künöösün özü kötörsün.

¹⁴Egerde silerdin araŋarda kelgin jaşasa, al da Teŋirdin Pasahın ötkörüügö tiyiş. Al anı bardık mıyzamı, tartibi menen ötkörüügö tiyiş. Kelgin üçün da, jergiliktüü turgun üçün da birdey mıyzam bolsun».

¹⁵Jıyın çatırın ornotkon künü jıyın çatırın bulut kaptap, al jıyın çatırının üstündö keç kirgenden taŋ atkanga çeyin ot sıyaktuu bolup turdu.

¹⁶Dayıma uşunday bolup turdu. Al kündüz bulut mamı, tünküsün ot mamı bolup turdu.

¹⁷Bulut jıyın çatırınan kötörülgöndö, Israyıl uuldarı jolgo çıgışçu, bulut toktogon jerge Israyıl uuldarının stanı toktoçu.

¹⁸Israyıl uuldarı Teŋirdin buyrugu boyunça jolgo çıgışçu, Teŋirdin buyrugu boyunça toktoşçu. Bulut jıyın çatırının üstündö kança tursa, alar da oşonço turuşçu.

¹⁹Egerde bulut jıyın çatırının üstündö uzak ubakıtka turup kalsa, anda Israyıl uuldarı Teŋirdin uşul buyrugu boyunça toktop turuşçu.

²⁰Keede bulut jıyın çatırının üstündö az ele ubakıt turçu, oşondo alar Teŋirdin buyrugu boyunça toktoşçu, Teŋirdin buyrugu boyunça jolgo çıgışçu.

²¹Keede bulut jıyın çatırının üstündö keç kirgenden taŋ atkanga çeyin turup, taŋ atkanda kötörülçü, oşondo alar jolgo çıgışçu je bulut bir kün, bir tün turup kötörülgöndö, alar jolgo çıgışçu.

²²Bulut jıyın çatırının üstündö eki kün, je bir ay, je bir neçe kün turganda, Israyıl uuldarı jolgo çıgışçu emes, al kötörülgön kezde gana alar jolgo çıgışçu.

²³Alar Teŋirdin körsötmösü boyunça toktoşçu, Teŋirdin körsötmösü boyunça jolgo çıgışçu. Alar Teŋirdin Musa arkıluu bergen buyrugu boyunça Teŋirdin körsötmösün atkarışçu.