Read NT LS 2005 – Инжил ЛС (2005 Mihey 2 Bible Online

Mihey 2 - NT LS 2005 – Инжил ЛС (2005 bible

Mihey 2

¹Mıyzamsızdık oylogondorgo jana töşögündö jatıp alıp kıyanat işterdi oylop tapkandarga kaygı! Alar oşol işterdi taŋ agarganda işke aşırışat, sebebi alardın kolunda küç bar.

²Talaalardı kaalaşat, alardı küç menen tartıp alışat; üylördü kaalaşat, alardı zorduk menen tartıp alışat. Adamdı üyü menen koşo, erkekti murası menen koşo tonop alışat.

³Oşonduktan Teŋir mınday deyt: «Mına, Men bul tukumga alaamat kaptatuunu oylop jatam. Siler al alaamattın ayınan moynuŋardı kıymıldata albay kalasıŋar jana tüz basa albay kalasıŋar, antkeni al mezgil – alaamattuu mezgil.

⁴Oşol künü siler tuuraluu lakap aytışat, katuu ıylap: “Biz taptakır kıyradık! Menin elimdin ençisi başkalarga berildi. Emi al maga kayra kantip kayrılıp kelet? Bizdin talaalar bötön uruularga bölünüp berildi”, – deşet.

⁵Oşonduktan sende Teŋirdin aldındagı jıyında jerdi bölüş üçün ökçömö taş ırgıtkan eç kim bolboyt.

⁶Paygambarlar, paygambarçılık kılbagıla. Maskara bolup kalbaşıŋar üçün, alarga paygambarçılık kılbagıla.

⁷Oo Jakıptın tukumu dep atalgandar! Emne, Teŋirdin Ruhu çıdamkay emespi? Anın işteri uşunday beken? Adil jaşagan adamga Menin sözüm jakşılık alıp kelbeyt beken?

⁸Murun Menin elim bolup jürgön el duşman sıyaktuu karşı çıktı. Siler soguştan kaytıp, tınç ötüp bara jatkandardın sırt kiyimin da, iç kiyimin da tartıp alıp jatasıŋar.

⁹Menin elimdin ayaldarın özdörünün jakşınakay üylörünön kuup çıgarıp jatasıŋar. Alardın baldarınan Menin jasalgalarımdı birotolo tartıp alıp jatasıŋar.

¹⁰Turgula, ketkile, antkeni bul jer silerdin tınçtana turgan jeriŋer emes. Al özünün ıpılastıgı üçün talkalanat, bolgondo da ırayımsızdık menen talkalanat.

¹¹Egerde jeŋil oyluu bir adam jalgan nerse oylop taap: “Men saga şarap jana küçtüü içimdik tuuraluu nasaat aytam”, – dese, anda al bul elge jakkan nasaatçı bolmok.

¹²Jakıp, senin büt tukumuŋdu sözsüz çogultam, Israyıldın kaldıgın sözsüz biriktirem, alardı Botsradagı koylordoy, bir koroodogu koylordoy, bir jerge çogultam. Alar elinin köptügünön baka-şaka boluşat.

¹³Alardın aldında dubal talkalooçu barat. Alar tosmolordu kıyratışat, darbazalar arkıluu kirip, darbazalar arkıluu çıgışat, alardın aldında özdörünün padışası, al emi alardın başında Teŋir barat».