Read NT LS 2005 – Инжил ЛС (2005 Mihey 7 Bible Online

Mihey 7 - NT LS 2005 – Инжил ЛС (2005 bible

Mihey 7

¹Maga kaygı! Antkeni men jaykı jemişterdi jıynap algandan kiyinki, jüzümdü terip algandan kiyinki mezgildey bolup kaldım. Jegenge bir da mömö jok, menin janım kaalagan, bışkan bir da jemiş jok.

²Jerde ırayımduu adamdar kalbay kaldı, adamdardın arasında adil adamdar jok. Kan tögüş üçün, bardıgı tuzak koyuşat, ar biri öz bir tuuganına tor jayat.

³Alardın koldoru jamandık kılıp, jakşılık kütüşöt: jetekçi belek talap kılat, sot para alıp sottoyt, törölör bolso özdörünün jaman kaaloolorun açık aytışat, işti burmalaşat.

⁴Alardın eŋ jakşısı tikenektey, eŋ adilettüüsü tikenektüü tosmodon jaman. Senin paygambarlarıŋ aytkan kün, Sen jazalay turgan kün kele jatat. Emi alarga dürbölöŋ tüşöt.

⁵Dosuŋarga işenbegile, joldoşuŋarga tayanbagıla. Koynuŋda jatkan ayalıŋdan oozuŋdun eşigin sakta.

⁶Antkeni uulu atasın uyat kılat, kızı enesine karşı çıgat, kelini kayın enesine karşı bolot. Adamdın duşmanı – özünün üyündögülörü.

⁷Men bolso Teŋirden ümüttönöm, meni kutkargan Kudayga tayanam: Kudayım meni ugat.

⁸Duşmanım, meni tabalaba! Men kulap kalsam da, kayra turam. Men karaŋgılıkta otursam da, Teŋir men üçün jarık.

⁹Menin işimdi çeçkenge çeyin, meni sottogongo çeyin, Teŋirdin kaarın kötöröm, antkeni Anın aldında künöö kıldım. Al meni jarıkka alıp çıgat, oşondo men Anın adilettüülügün köröm.

¹⁰Maga «Senin Kuday-Teŋiriŋ kayda?» degen duşmanım munu körüp, uyatka kalat. Al köçödögü batkakka okşop tebelengende, anı körüp, közümdün mookumu kanat.

¹¹Sen özüŋdün dubaldarıŋdı kurgan künü, oşol künü çek araŋ çoŋoёt.

¹²Oşol künü saga Aşurdan jana Misir şaarlarınan kelişet, Misirden tartıp Eprat darıyasına çeyin, deŋizden deŋizge çeyin, toodon toogo çeyin jaşagan elder kelişet.

¹³Al jer bolso özünün turgundarının künöölörü üçün, alardın işterinin jemişteri üçün çölgö aylanat.

¹⁴Karmeldin ortosundagı tokoydo oboço jaşagan Öz eliŋdi, Öz murasıŋ bolgon koyloruŋdu, Özüŋdün tayagıŋ menen kaytar. Alar Başan menen Gilatta bayırkı kündördögüdöy ottop jürüşsün!

¹⁵«Sen Misirden çıgıp kele jatkan kündördö kanday keremetterdi körsötsöm, azır da aga oşondoy keremetterdi körsötöm».

¹⁶Munu körgön elder özdörünün bardık küç-kubatına karabastan, uyat boluşat: koldoru menen oozdorun jabışat, kulaktarı dülöy bolup kalat.

¹⁷Jılanday bolup topurak jalaşat, jer kurttarınday bolup çepterinen soylop çıgışat. Bizdin Kuday-Teŋirden korkuşat, Senden üröylörü uçat.

¹⁸Öz murasının kaldıgının mıyzamsızdıgın keçirip, ayıbın moynuna salbagan Sendey Kuday barbı? Al tübölükkö kaardanbayt, antkeni ırayım kılgandı jakşı köröt.

¹⁹Al bizge kayradan ırayım kılat, bizdin mıyzamsızdıktarıbızdı öçüröt. Sen bizdin büt künöölörübüzdü deŋizdin tüpkürünö taştaysıŋ.

²⁰Sen bayırkı kündördön beri bizdin ata-babalarıbızga ant berip ubada kılıp kelgeniŋdey, Jakıpka işenimdüülügüŋdü, Ibrayımga ırayımduuluguŋdu körsötösüŋ.