Read NT LS 2005 – Инжил ЛС (2005 Nakum 2 Bible Online

Nakum 2 - NT LS 2005 – Инжил ЛС (2005 bible

Nakum 2

¹Saga karşı kıyratuuçu kötörüldü: çepteriŋdi kaytar, joluŋdu sakta, beliŋdi bek buu, küçüŋdü jıyna.

²Antkeni Teŋir Jakıptın daŋkın Israyıldın daŋkınday kılıp kalıbına keltiret, antkeni kıyratuuçular alardı kıyratıştı, alardın jüzüm sabaktarın talkalaştı.

³Anın baatırlarının kalkanı kızıl, anın jookerleri koçkul kızıl kiyim kiyişken. Salgılaşka dayardanuu künündö maydan arabaları ottoy jarkırayt, nayzaları kalıŋ çerdey kılkıldayt.

⁴Maydan arabaları köçölördö zuuldayt, ayanttarda düŋgüröyt. Alar şamanaday jarkırayt, çagılganday jarkıldayt.

⁵Al özünün kayrattuuların çakırıp jatat, birok alar basıp baratıp müdürülüp jatışat. Alar şaardın dubaldarına şaşılıp jatışat, birok kurçoo koyulup kalgan.

⁶Darıyalardın darbazaları açıldı, padışa sarayı kulap kaldı.

⁷Çeçildi: anı jılaŋaçtap, tutkundap ketişet, anın küŋdörü töşün koygulap, kögüçköndördöy ontoşot.

⁸Bayırtadan beri Ninebi suuga tolgon kölmögö okşoş. Alar bolso kaçıp bara jatışat. «Toktogula! Toktogula!» – dep kıykırıp jatışat. Birok eç kim kılçaygan jok.

⁹Altın-kümüştördü taşıp ketkile! Toptolgon ar kanday kımbat baaluu buyumdarga san jetpeyt.

¹⁰Al talanıp-tonoldu, een kaldı jana kıyratıldı, oşonduktan jürök ölüp, tizeler titirep jatat. Bardıgının beli katuu oorup jatat, bardıgının öŋü kararıp ketti.

¹¹Arstandardın üŋkürü, arstan küçüktörünün jürgön jeri azır kayda? Al jerde erkek arstan, urgaaçı arstan, küçük arstan jürör ele, alardı eç kim korkutçu emes.

¹²Küçüktörün toyguzuş üçün, başkalardı tıtkılap öltürgön, urgaaçı arstandarı üçün başkalardı muuntup öltürgön, öz üŋkürün oljogo, öz iyinin talap-tonop algan nersesine tolturgan arstan kayda?

¹³«Men saga karşımın, – deyt Sebayot Teŋir, – senin maydan arabalarıŋdı tütötüp örttöym, senin arstan küçüktörüŋdü kılıç jalmayt, oljoŋdu jer betinen jok kılam, oşondon kiyin senin elçileriŋdin ünü ugulbayt.