Read NT LS 2005 – Инжил ЛС (2005 Habakuk 2 Bible Online

Habakuk 2 - NT LS 2005 – Инжил ЛС (2005 bible

Habakuk 2

¹Men öz küzöt ordumda turdum, munara üstündö turup, Teŋir maga emne dep aytarın biliş üçün, menin dattanuuma emne dep joop bererin biliş üçün, kütüp turdum.

²Oşondo Teŋir maga mınday dep joop berdi: «Körünüştü jaz, okuy turgan adam oŋoy okuy alış üçün, anı taş looktorgo daana jazıp koy.

³Antkeni körünüş belgilüü bir mezgilge taandık, al akırkı kün jönündö aytat, aldabayt. Anın atkarıluu ubaktısı sozdukturulup jatsa da, küt, antkeni al sözsüz işke aşat, atkarılbay koyboyt.

⁴Tekeber adam tınç ala albayt, al emi adil adam öz işenimi menen tirüü bolot.

⁵Tekeber adam açıgan şarapka okşoş, tınçıbayt. Al ölgöndör jatkan jayga okşop araanın açat, ölümgö okşop eç nersege toyboyt, al özünö bardık elderdi çogultat, bardık uruulardı jıynayt.

⁶Birok elderdin baarı al tuuraluu lakap aytıp, şıldıŋduu ır çıgarıp: “Özün özünükü emes, başka biröönükü menen çenemsiz bayıtkan, özünö küröönü üyüp algan adamga kaygı! Bul kaçankıga çeyin sozulat deysiŋ!” – deşet.

⁷Seni tıtıp jey turgandar kapısınan çıkpayt beken? Talap-tonooçular saga karşı kötörülböyt beken? Alar seni talap-tonoşot.

⁸Sen köp elderdi talap-tonogonsuŋ, adam kanın tökkönsüŋ, ölkönü, şaardı jana anda jaşagandardın baarın kıyratkansıŋ, oşon üçün seni da başka elder talap-tonoşot.

⁹Özün jamandıktan saktaş üçün, uyasın biyik jerge salış üçün, aram jol menen baylık jıynagan adamga kaygı!

¹⁰Sen köp elderdi kırıp, öz üyüŋdü uyat kıldıŋ, öz janıŋa karşı künöö kıldıŋ.

¹¹Dubaldardın taştarı bozdop ıylaşat, jıgaç ustundar alarga mınday dep joop berişet:

¹²“Kan tögüp şaar kurganga, mıyzamsızdık menen çep kurganga kaygı!”»

¹³Elderdin emgegin ot jalmap jatkanı, uruulardın özdörün özdörü beker kıynap jatışkanı Sebayot Teŋirden emes beken?

¹⁴Antkeni suular deŋizdi tolturganday, jer Teŋirdin daŋkın taanıp bilüügö tolot.

¹⁵Saga kaygı, antkeni sen jakınıŋa özüŋdün kıyanattıgıŋ koşulgan içimdik berip jatasıŋ, anın jılaŋaç etin körüş üçün, anı mas kılıp jatasıŋ!

¹⁶Sen daŋkka emes, maskaraçılıkka toyduŋ. Sen da iç, jılaŋaç etiŋdi körsöt. Teŋirdin oŋ kolundagı çöyçök saga da jetet. Saga daŋk emes, maskaraçılık kelet.

¹⁷Antkeni sen Lebanondo kıyanattık kıldıŋ, üröyü uçkan janıbarlardı kırdıŋ, adam kanın töktüŋ, ölkönü, şaardı jana anda jaşagandardın baarın kıyrattıŋ.

¹⁸Sürötçü jasagan burkandan, kuyulup jasalgan bul jalgan okutuuçudan emne payda? Usta süylöbögön kudaylardı jasap, öz çıgarmasına tayanganı menen, andan emne payda?

¹⁹Jıgaçka: «Tur!» – degen, ünsüz taşka: «Oygon!» – degen adamga kaygı! Oşolor bir nersege üyrötö alışabı? Al altın-kümüş menen kaptalgan, anın janı jok.

²⁰Teŋir bolso Özünün ıyık iybadatkanasında. Anın aldında büt jer jüzü ündöbösün!