Read NT LS 2005 – Инжил ЛС (2005 Sepaniya 1 Bible Online

Sepaniya 1 - NT LS 2005 – Инжил ЛС (2005 bible

Sepaniya 1

¹Jüyüt padışası Amon uulu Joşiyanın tuşunda Jehiskiya uulu, Amariya uulu, Gedaliya uulu, Kuşi uulu Sepaniyaga Teŋirden bolgon söz.

²«Bardıgın jer üstünön jok kılam, – deyt Teŋir. –

³Adamdardı da, janıbarlardı da, asman kanattuuların da, deŋiz balıktarın da jok kılam, mıyzamsızdardı azgırıktarı menen koşo jok kılam. Adamdardı jer üstünön jok kılam, – deyt Teŋir.

⁴Men Öz kolumdu Jüyütkö jana İerusalimdin bardık turgundarına karşı sunam. Bul jerden Baaldın kaldıgın, anın butkana kızmatçılarının ısımın da, kızmatçıların da jok kılam.

⁵Iydün üstündö turup alıp, asman koşuundarına tabıngandardı, Teŋir menen ant bergenderdi, özdörünün padışaları menen ant bergenderdi jok kılam.

⁶Teŋirden baş tartkandardı, Teŋirdi izdebegenderdi, Al jönündö surabagandardı jok kılam.

⁷Kuday-Teŋirdin aldında unçukpa, antkeni Teŋirdin künü jakın. Çalına turgan kurmandıktı Teŋir dayardap koygon, kimdi çakıruunu belgilep koygon.

⁸Kurmandık çalına turgan Teŋirdin künü mınday bolot: Men törölördü, padışanın uuldarın jana bötön uruulardın kiyimin kiygenderdin bardıgın jazalaym.

⁹Men oşol künü bosogodon sekirip ötköndördün baarın, öz Teŋirinin üyün zorduk-zombulukka, aldamçılıkka tolturgandardın baarın jazalaym.

¹⁰Oşol künü, – deyt Teŋir, – Balık darbazasının aldında ıy, başka darbazalardın aldında ökürük, döbölördö çoŋ kıyroo bolot.

¹¹Şaardın tömönkü bölügündö jaşagandar, bozdop ıylagıla, antkeni sooda-satık kılgan el büt boydon jok bolot, kümüştün tüyşügün tartkandar kırılat.

¹²Oşol uçurda mınday bolot: Men İerusalimdi çıraktan menen karap çıgam da, özdörünün açıtkısının üstündö oturup alıp, içinen “Teŋir jakşılık da, jamandık da kılbayt” degenderdi jazalaym.

¹³Alardın baylıgı oljogo ketet, üylörü een kalat: üylördü salışat, birok al üylördö jaşaşpayt, jüzümdüktördü oturguzuşat, birok alardın şarabın içişpeyt.

¹⁴Teŋirdin uluu künü jakın, abdan jakın, abdan şaşıp kele jatat. Teŋir kününün dobuşu ugulup jatat. Oşondo eŋ küçtüü da açuu kıykırat!

¹⁵Al kün – kaardın, kaygı menen kısımçılıktın, kıyroo menen bülgün-çapkındın, karaŋgı menen tuŋguyuktun, bulut menen munarıktın,

¹⁶sepil-çeptüü şaarlarga jana biyik munaralarga karşı surnay tartuu jana soguş uraandarın çakıruu künü.

¹⁷Men adamdardı kısımga alam, oşondo alar sokurlarga okşop basıp kalışat, antkeni alar Teŋirge karşı künöö kılıştı, alardın kanı topuraktay, deneleri kıktay tuş-tuşka çaçılat.

¹⁸Teŋirdin kaarı tögülgön künü alardı kümüşü da, altını da kutkara albayt, bul jer büt boydon Anın kızganıçının otu menen örttölöt, antkeni Al bul jerde jaşagandardın bardıgın kütülbögön jerden kırıp jok kılat».