Read NT LS 2005 – Инжил ЛС (2005 Zahariya 10 Bible Online

Zahariya 10 - NT LS 2005 – Инжил ЛС (2005 bible

Zahariya 10

¹Jazgı jamgırlar ubagında Teŋirden jamgır suragıla. Teŋir çagılgan çartıldatıp, silerge mol jamgır beret, talaadagı ar bir ösümdükkö suu beret.

²Antkeni terapimder jok nerseni aytışat, aldın ala aytuuçular jalgan körünüştördü körüşöt, jalgan tüştördü aytışat. Alar kurulay köŋül jubatışat. Oşon üçün alar koylorgo okşop adaşıp jürüşöt, alar kıynalıp jürüşöt, antkeni koyçu jok.

³«Koyçularga Menin kaarım jalındadı, tekelerdi Men jazalaym. Antkeni Sebayot Teŋir Özünün koyloruna, Jüyütkö, kelet, alardı Özünün mıktı soguş atı katarı koёt.

⁴Andan negizgi taş çıgat, andan çatırdın kazıgı çıgat, andan soguş jaası çıgat, andan el biylegen başkaruuçular çıgat.

⁵Alar soguşta duşmandı köçödögü ılaydı tebelegendey tebelep, baatırlarça salgılaşışat, antkeni Teŋir alar menen, alar atçan askerlerdi uyatka kaltırışat.

⁶Jüyüttü çıŋdaym, Jusuptu kutkaram, alardı kayrıp kelem, antkeni alarga Menin boorum oorudu, alar Men alardı eç kaçan taştabaganday boluşat, antkeni Men alardın Kuday-Teŋirimin, oşonduktan alardın ünün ugam.

⁷Eprayım baatır sıyaktuu bolot. Alardın jürögü şarap içkendegidey bolup şattıkka bölönöt. Alardın uuldarı munu körüp kubanışat. Alardın jürögü Teŋir menen kubanat.

⁸Men alarga belgi berip, alardı çogultam, antkeni Men alardı kun tölöp kutkarıp aldım. Alar murdagıday köp boluşat.

⁹Men alardı elderdin arasına çaçıratıp jiberem, alıskı ölkölördö alar Meni esteşet, öz baldarı menen birge jaşaşat, anan kayrılıp kelişet.

¹⁰Men alardı Misir jerinen kayrıp kelem, alardı Aşurdan jıynap kelem, alardı Gilat jerine jana Lebanongo alıp kelem, alarga jer jetpey kalat.

¹¹Deŋizge alaamat tüşöt, al deŋiz tolkundarın talkalayt, darıyanın bardık tereŋ jerleri kakşıyt, Aşurdun tekeberdigi talkalanat, Misirdin biylik tayagı tartılıp alınat.

¹²Alardı Teŋir menen bekemdeym, oşondo alar Anın ısımı üçün jaşaşat, – deyt Teŋir.