Read NT LS 2005 – Инжил ЛС (2005 Zahariya 11 Bible Online

Zahariya 11 - NT LS 2005 – Инжил ЛС (2005 bible

Zahariya 11

¹Lebanon, darbazalarıŋdı aç, senin kedr daraktarıŋdı ot jalmasın.

²Bozdop ıyla, kiparis, antkeni kedr kuladı, antkeni çoŋ daraktar da kıyratıldı. Başandın emen daraktarı, ökürgülö, antkeni çıtırman tokoy kıyıldı.

³Koyçulardın ökürüp ıylaganı ugulup jatat, antkeni alardın jayıttarı kıyratıldı; jaş arstandardın ırıldagan aykırıgı ugulup jatat, antkeni İordandın daŋkı talkalandı».

⁴Menin Kuday-Teŋirim mınday deyt: «Muuzdala turgan koylordu kaytar,

⁵satıp algandar alardı öltürüp jatışat, birok özdörün ayıptuubuz dep esepteşpeyt, al emi alardı satkandar: “Teŋirge alkış, men bayıp kaldım!” – dep jatışat. Alardı özdörünün koyçuları ayaşpayt.

⁶Antkeni Men mından arı bul jerdin turgundarına ırayım kılbaym, – deyt Teŋir, – mına, Men al adamdardın ar birin öz jakınının koluna, öz padışasının koluna salıp berem, alar jerdi kıyratışat, Men al adamdardın eç kimisin alardın kolunan kutkarbaym.

⁷Men muuzdala turgan koylordu, çını menen ele baykuş koylordu kaytaram. Özümö eki tayak alam, birinçisin Irayım, ekinçisin Birdik dep ataym, oşolor menen koylordu kaytaram.

⁸Bir ayda üç koyçunu jok kılam. Alardın janı Menden kanday jiyirkense, Menin janım da alardan oşondoy jiyirkenet.

⁹Oşondo Men mınday deym: “Silerdi kaytarbaym. Ölö turganı ölsün, jogolo turganı jogolsun, al emi kalgandarı birinin etin biri jesin”.

¹⁰“Irayım” tayagımdı alam da, Özümdün bardık elder menen tüzgön kelişimimdi buzuş üçün, anı sındırıp salam.

¹¹Kelişim oşol künü buzulat, oşondo Meni kütüp turgan koylordun içinen baykuştarı bul Teŋirdin sözü ekenin bilişet.

¹²Anan alarga: “Egerde kaalasaŋar, Maga Menin akımdı bergile. Kaalabasaŋar, berbey ele koygula”, – deym. Oşondo alar Menin akıma otuz kümüş şekel tartıp berişet».

¹³Anan Teŋir maga mınday dedi: «Anı Teŋir üyünün kazınasına taşta. Alar Meni kanday kımbat baalaştı!» Men otuz kümüş şekeldi alıp, Teŋir üyünö karapaçı üçün taştadım.

¹⁴«Jüyüt menen Israyıldın ortosundagı bir tuugandıktı buzuş üçün, Özümdün ekinçi tayagımdı – “Birdik” tayagın sındırdım».

¹⁵Anan Teŋir maga mınday dedi: «Akılsız koyçulardın içinen biröönün kuralın al.

¹⁶Antkeni Men bul jerge bir koyçu koёm, al ölüp bara jatkan koylor üçün kam körböyt, jogolgondorun izdebeyt, oorugandarın ayıktırbayt, sooloruna tamak berbeyt, birok semiz koylordun etin jeyt, alardın tuyaktarın talkalayt.

¹⁷Koylordu taştap koygon jaman koyçuga kaygı! Anın koluna jana oŋ közünö karşı kılıç kelsin! Anın kolu şal bolup kalsın, anın oŋ közü taptakır körböy kalsın!»