Read NT LS 2005 – Инжил ЛС (2005 Zahariya 12 Bible Online

Zahariya 12 - NT LS 2005 – Инжил ЛС (2005 bible

Zahariya 12

¹Israyıl tuuraluu Teŋirdin paygambarçılık sözü. Asmandı jaygan, jerdi negizdegen, adamdın içindegi ruhtu jaratkan Teŋir mınday deyt:

²«Mına, Men İerusalim kurçoodo jatkanda, tegerektegi bardık elder üçün, oşondoy ele Jüyüt üçün İerusalimdi baş aylandıruuçu içimdik kuyulgan çöyçök kılam.

³Oşol künü mınday bolot: bardık uruular üçün İerusalimdi oor taş kılam, anı kötörgöndördün bardıgı özdörünö zıyan keltirip alışat, birok aga karşı jer jüzünün bardık elderi çoguluşat.

⁴Oşol künü, – deyt Teŋir, – Men bardık attardı elirtem, alardın üstündö oturgandardı akılınan ajıratam, al emi Jüyütkö nazar salam, elderdin bardık attarın sokur kılam.

⁵Jüyüt törölörü öz jürögündö mınday deşet: “Menin küçüm – özdörünün Kudayı, Sebayot Teŋir menen küçtüü bolgon İerusalim turgundarı”.

⁶Oşol künü Men Jüyüt törölörün otundardın ortosundagı aloolonup küygön meştey kılam, boolordun arasında küyüp turgan şamanaday kılam, alar tegerektegi bardık elderdi, oŋ taraptı da, sol taraptı da jok kılışat. İerusalim eli kayradan öz orduna, İerusalimge, oturuktaşat».

⁷Dööttün tukumu menen İerusalim turgundarı Jüyüttün aldında özdörün jogoru kötörböş üçün, Teŋir adegende Jüyüttün tukumun kutkarat.

⁸Oşol künü Teŋir İerusalim turgundarın korgoyt, oşol künü alardın eŋ alsızı Dööttöy bolot, al emi Dööt tukumu Kudayday, özdörünün aldındagı Teŋirdin periştesindey bolot.

⁹Oşol künü mınday bolot: «Men İerusalimge kol salgan bardık elderdi jok kılam.

¹⁰Al emi Dööttün tukumuna jana İerusalim turgundarına ırayım ruhu menen moyun sunuu ruhun tögöm, alar özdörü nayza menen saygan Adamdı körüşöt, Anı jalgız uulun joktop ıylaganday joktop ıylaşat, Al üçün tun balasına kaygırganday kaygırışat.

¹¹Oşol künü İerusalimde Megido öröönündögü Adatrimon ıyınday bolgon çoŋ ıy bolot.

¹²Ölkö bozdop ıylayt, ar bir uruu özünçö bozdop ıylayt: Dööt tukumunun uruusu özünçö, alardın ayaldarı özünçö; Natan tukumunun uruusu özünçö, alardın ayaldarı özünçö;

¹³Lebi tukumunun uruusu özünçö, alardın ayaldarı özünçö; Şımon uruusu özünçö, alardın ayaldarı özünçö;

¹⁴kalgan uruulardın bardıgı, ar bir uruu özünçö, alardın ayaldarı özünçö bozdop ıylaşat.