Read NT LS 2005 – Инжил ЛС (2005 Zahariya 13 Bible Online

Zahariya 13 - NT LS 2005 – Инжил ЛС (2005 bible

Zahariya 13

¹Oşol künü Dööt tukumuna jana İerusalim turgundarına künöö menen ıpılastıktı juuy turgan bulak açılat.

²Oşol künü mınday bolot, – deyt Sebayot Teŋir, – Men bul jerden jasalma kudaylardın ısımdarın jok kılam, alar mından arı eskerilbeyt, oşondoy ele jalgan paygambarlar menen taza emes ruhtu bul jerden jok kılam.

³Oşondo kim paygambarçılık kıla turgan bolso, anda aga özünün atası menen enesi: “Sen jaşabaşıŋ kerek, antkeni sen Teŋirdin ısımı menen jalgan süylöp jatasıŋ”, – dep aytışat. Al paygambarçılık kılganda, anı özünün atası menen enesi öltürüp salat.

⁴Oşol künü mınday bolot: paygambarlar uyat boluşat, paygambarçılık kılıp jatkanda, ar biri özü körgön körünüşü üçün uyat bolot, oşondon kiyin alar aldaş üçün kiygen özdörünün kıl çapanın kiybey kalışat.

⁵Alardın ar biri: “Men paygambar emesmin, dıykanmın, antkeni meni bala çagımda ele bir adam kul kılıp algan”, – deyt.

⁶Andan: “Eki koluŋdun ortosundagı emneden bolgon jaraattar?” – dep suraşat. Oşondo Al: “Meni süygöndördün üyündö Meni sabaştı”, – dep joop beret.

⁷Oo kılıç! Menin koyçuma karşı, Menin jakınıma karşı kötörül! – deyt Sebayot Teŋir, – koyçunu öltür, oşondo koylor tuş-tuşka çaçırayt! Men kolumdu kiçinelerge karşı buram.

⁸Büt jer jüzündö mınday bolot: jer üstündö jaşagandardın üçtön eki bölügü jok kılınat, al emi üçtön bir bölügü aman kalat, – deyt Teŋir.

⁹Bul üçtön bir bölüktü otko salıp, kümüştü eritkendey eritem, altındı tazalaganday tazalaym. Alar Menin ısımımdı çakırışat, Men alarga joop berem, “Bul Menin elim!” – dep aytam. Alar bolso: “Teŋir menin Kudayım!” – deşet.